Jeremiya 25:9 - Bhiblia Yo Sawuleka

⁹ ni na rumela kuya dhana tixaka totshe ta vathu ta Wuphemba, kuwomba Mkoma, ni ka Nebhukodhonosori, txithumi txangu, i ku mfumeli wa Bhabhilona; ni na va leka velwa ni ditiko diya, ni vazumbi va kona, ni matiko otshe o gwatamelana nado; ni na va lovisela magwito, ni na va maha txidiwukiso, ni txiruko, ni marumbi a kala kupinduka.

Jeremiya 25:9 Referans Kwoze

Jeremiya 18:16

Eko va maha ti to ditiko dawe diva txixamaliso, ni txiruko ngu ha ku si gwitiko. Ti taku ni wuhi a pindako ngu kona e xamala, e zinginisa msungo wakwe.

Jeremiya 1:15

Nguko ni na dhana tixaka totshe ta matiko a Wuphemba, kuwomba Mkoma; ngu lixaka limwelo ni limwelo ni nata veka txikhalo txa lona txa wukoma, ha txikeni ka Jerusalema, ni kuwukela maguma a ma ranganyetako didhoropa, ni kuwukela otshe madhoropa a Judha.

Isaya 13:3

Ni leletete va sawuleki vangu, ina, se ni dhani tindena tangu, ati ti tsakelako wuhombe wangu, kasi ku ti txi maha mthumo wa kuhenya kwangu.

Jeremiya 43:10

U txi khawe kwawe: Mkoma wa Mabutho a Tiyimbi, Txizimu txa Israyeli, a khene: Ni na rumela ka Nebhukodhonosori, mfumeli wa Bhabhilona, txithumi txangu, ni na veka mfumo wakwe txitmwi ka marigwi awa, ni nga ma khweketela, ene a na gwimba ditenda da mfumo wakwe txitimwi ka ona.

Jeremiya 24:9

Ni na va ningela kasi ku veva txidhukiso, ni dikhombo ka matiko otshe a mafu, va na va txisekiso, ni divingu, ni txipoyilo, ni txiruko, kotshe amu ni no va hangalasela kona.

Isaya 44:28

ni wombako ngu Siro, ni txi khani: M'dyisi wangu, a na maha totshe ti ti ni tsakisako; a txi khene kambe ka Jerusalema: U na aketwa; se ni ka dithepele a txi khene: Ti akete.

Isaya 39:7

Se ka vanana vako, ava va no velekwa ngu ngawe, va na tekwa veya mahwa mithenwa, nyumbani ka mfumeli wa Bhabhilona.

Ezekhiyele 26:7

Nguko Mkoma Txizimu a khene: Wona taku Tiro ni na mtisela Nebhukodhonosori, mfumeli wa Bhabhilona, kukhukhela Wuphemba, mfumeli wa vafumeli, ni mahantxhi, ni sikotxikani, ni vagadhi va mahantxhi, ni vaheleketi, ni vathu votala ngutu.

Jeremiya 40:2

Nduna ya vawoneleli yi to dhana Jeremiya, yi txi kwakwe: “Mkoma, Txizimu txako, a wombile ngu diya dikhombo txitimwi ka wuwa wukhalo;

Jeremiya 8:16

Diguwa da mahantxhi akwe di pfala Dhani; mafu otshe ma zinginika ngu kuemba ka ona ka mtamo; nguko va tile ve ta hetisa ditiko ni sotshe si ku ka dona, didhoropa ni votshe va va zumbako ka dona.

Jeremiya 6:1

Anu vanana va Bhenjamini, tutumani mi huma hagari ka Jerusalema, vetani mpundu Tekowa, emisani txikombiso txa mndilo Bheti-Hakeremi; nguko dikhombo dita ngu Wuphemba, ni kulovisa ka hombe.

Isaya 10:5

Dikhombo ka Asiriya, ndonga ya kuhenya kwangu! Nguko txiviti txangu txi fanana ni ndonga manzani kwakwe.

Mavingu 21:1

Mbilu ya mfumeli manzani ka Mkoma, yi fana ni txinambwana txa mati; yi maha totshe ti ene a ti lavako.

Dhewuteronome 28:37

U na va u di txidiwukiso, ni txisekiso, ni txiruko, hagari ka vathu votshe vava, Mkoma a no va a di ku yisile kwawe.

2 Makronika 29:8

Se kuhenya ka Mkoma kutota ka va ka Judha ni Jerusalema, e va ningela ka pfilu-pfilu, ka kuhoxotwa, ni txisekiso, nga ti anu mi ti wonako ngu maso anu.

Jeremiya 4:7

Ngonyamo yi humile txigotoni ka yona, ni m'hasamuli wa matiko, a khukhile wukhaloni kwakwe kasi kuhangalasa ditiko dako, a hasamula a madhoropa ako ti taku ku si ngadi kuakwa ka ona.

Jeremiya 10:22

Wonani taku data dipswi da nduma, dizunga da hombe di tako ngu Wuphemba, ku ta phemberusa madhoropa a ka Judha ma txi maha marumbi, i ku wukhalo wa maxolwa.

Jeremiya 20:4

Nguko Mkoma a khene: “Ni na kumaha txidhukiso txako upune, ni txa maxaka ako otshe; vona va na dawa ngu matxhari a valala vawe, awe wutumbu u na ti wona. Ni na ningela dotshe ditiko da Judha manzani ka mfumeli wa Bhabhilona, a na va yisa kuñolwani Bhabhilona, e va daya ngu ditxhari.

Jeremiya 25:8

Ngu konaho, Mkoma wa Mabutho a Tiyimbi a khene: Ngako mi nga mbi engisa timhaka tangu,

Jeremiya 29:18

Ni na va tutumisa ngu ditxhari, ni nzala, ni mtungu; ni na va maha ve thisa hagari ka yotshe mifumo ya mafu, veva txiruko, ni txidiwukiso, ni txisekiso, ni txixowokiso ka otshe matiko ni no va hangalasa ka ona;

Jeremiya 36:2

Ti tekele dibhuku u txi bhala totshe timhaka ti ni nga kugela ngu Israyeli ni Judha, ni xungetano ni otshe matiko, kukhukhela ka ditshikwedo ni nga womba-womba ni nawe ka masiku a Josiya kala ni kuwa.

Jeremiya 36:29

U na gela Jehoyakimu mfumeli wa ka Judha, u txi: Mkoma a khene: Awe u hisile dibhuku diya, u txi: Ngu kutxani u nga bhala ka dona ti taku mfumeli wa Bhabhilona a nata hasamula ditiko diya, a txi heta vathu ni sihari kani?

Ezekhiyele 12:20

Kambe madhoropa ma ku ni vathu ma na fuviswa, se mafu ma na maha sisapa; se mi na tiziva taku ani ngani Mkoma.

Ezekhiyele 36:5

Ngu konaho, Mkoma Txizimu a khene: Ngu ditshuri kuhisekani ka kuhenya kwangu, ni wombawombile ni wukela matiko ale ma nga sala, ni ditiko da Edhomi. Vona va honyote mafu angu, ngu kutsaka ka totshe timbilu, ni kutxhipisa muhefemulo, kasi ku wu rinza kuñolwani.

Dhaniyeli 5:18

Awe mfumeli, Txizimu, Nyatxitimwi, txi ningile tate waku, Nebhukodhonosori, mfumo, wuhombe, wudhumo, ni wudhundo wa hombe.

2 Vafumeli 24:2

Se Txizimu txi to rumela Vakaldheya kuya lwisa Jehoyakimu, ni masotxhwa a Vasiro, ni masotxhwa a va ka Mowabhi, ni masotxhwa a vanana va Amoni; a to va rumela kuya lwisa Judha, kasi kuya va fuvisa, madingano ni dipswi dile Mkoma a nga ngadi womba, ngu mthumoni ka sithumi sakwe, i ku vaprofeti.

2 Makronika 36:21

kasiku txi na tatiseka dipswi di Mkoma, a di womba ngu txisofu txa mprofeti Jeremiya, kala ku ditiko di txi titsakela ngu Masabbata a dona; di humula mbimo yotshe, kala mu ka mtxhanu wa magumi ni mambidi wa malembe.

Jeremiya 1:14

Mkoma a nje khene kwangu: “Dikhombo di nata ngu didhawa da Wuphemba, txitimwi ka votshe va ha mafuni.

Jeremiya 2:15

Tingonyamo tiwete txitimwi kwakwe ti txi bhonga-bhonga ngu dipswi da tona, ti bhandelela ditiko dakwe; miti yakwe yi hisilwe; kha ku na m'thu a zumbako ka yona.

Jeremiya 12:14

Ndongeto a wombako Mkoma ngu vaakelani vangu vo biha ava va wukelako thomba yi ni nga ninga vathu vangu va Israyeli. Ni na va dula ditikoni kwawe, ni nyumba ya ka Judha ni na yi dula hagari kwawe.

Jeremiya 35:11

Ku to maheka taku, mbimo yile Nebhukodhonosori, mfumeli wa Bhabhilona, a nga ta ka ditiko diya, hi ti khathu: Ngonani, hiya Jerusalema, hi thava yimbi ya Vakaldheya, ni yimbi ya Vasiriya; ngukonaho hi na ya zumba Jerusalema.

Jeremiya 46:20

Egipta dithokazi da dinene: Aniko kufuvisa kata ngu Wuphemba.

Jeremiya 49:19

A na woneka sixaxani Jordhani nga ngonyamo, a txi lwisa wukhalo wa mtamo; nguko, ngu mbimwanyana, ni na mtutumisa hale; niku i mani ni no msawula ni txi m'veka txitimwi kwakwe kani? Nguko i mani a fananako ni nani! I mani a no ni vekela mbimo kani? I mani m'dyisi wu a no ni tsiveta kani?

Ezekhiyele 16:40

Sekoko va na patana ve kwelela va txi ta kuwukela, va txi kubalisela ngu marigwi, va na kuthola ngu matxhari awe.

Ezekhiyele 21:11

Ditxhari di swililikiselwa kuphatima, kuva di txi na thumiswa; di lotilwe ni kuswililikiswa, kasi ku di txi ya vekwa manzani ka txidayi.

Habhakuki 1:12

Ina hi nga awe yotshe mbimo Mkoma, Txizimu txangu, ni Msawuleki wangu kani? Athu kha hi na mbi fa. Awe Mkoma, u m'vekete kumaha mlamuli, kambe awe Dirigwi, u mmahile makhato a txi tsayiso.

Habhakuki 1:17

Ina a nga maha taku e tshakunuta likoka lakwe, asi leki kusimama e dayela vathu kani?