Jeremiya 25:6 - Bhiblia Yo Sawuleka

⁶ Mi nga londiseleni simwani sizimu, mi txi si thumela ni ku si khizamela, mi nga vhilukiseni txiviti txangu ngu mithumo ya manza anu, kasi ani ni si mi maheli kubiha.

Jeremiya 25:6 Referans Kwoze

Dhewuteronome 8:19

Aniko, ngako u txi divala Mkoma, Txizimu txako, u londetela simwani sizimu, u txi si thumela ni ku si khozela, ani na tsanisa nyamsi masoni kwako ti to mi na lova kha ditshuri.

Jeremiya 35:15

Se ni mi rumete sithumi, i ku vaprofeti, va txi phindula, ve rumela va txi kha vona: Hundulukani, konakuwa, mmweyo ni mmweyo nzilani kwakwe ko biha, mi txi txhukwatisa mithumo yanu ya yinene, kambe mi nga londeteleni simwani sizimu; kasi ku si thumela; se ngu kumaha keto, mi na zumba ka ditiko di ni nga mi ninga, anu ni vatate vanu; aniko kha ma riya tinzeve, hambi ku ni engisa ani.

Jeremiya 7:6

ngako mi si xanisi muwuyi, txisiwana ni noni, ngako mi si theketi mnoha wa va va singako ni mnandu ka wuwa wukhalo, hambi ni kulondetela simwani sizimu, miva ni makhombo ngu kota yawe;

2 Vafumeli 17:35

Hambi keto, Mkoma a ti ti mahile navo txitumelelano, a txi va ruma ku khene: Mi nga thaveni simwani sizimu, hambi kukhizama masoni ka sona, mwendo ku si thumela, mi nga si phaxeleni.

Dhewuteronome 6:14

Mi nga khozeleni simwani sizimu, asi si ku hagari ka sizimu sa vathu, vale va mi randelako.

Jeremiya 7:9

Ina mi ngadi mi txi napa, mi daya, mi maha wugango, mi xambanya makuhu, mi hisa miphaxo yo bhumula ka Bhahali, ni kulondetela simwani sizimu asi mi si si ziviko kani?

1 Vafumeli 14:22

Se Judha a to maha wubihi masoni ka Mkoma; va to m'henyisa ngutu, kupinda tile va nga mahisa tona vatate vawe, ngu sionho si va nga si maha.

Joxuwa 24:20

Ngako mi txi hambana ni Mkoma, mi txi khozela simwani sizimu, ene a na mi wukela, a txi mi tsayisa, a txi mi fuvisa, hambiko a nga khata ngu ku mi mahela wunene.”

Dhewuteronome 28:14

Ngako u si hambuki uya txinene mwendo txibhabha, ka otshe mapswi ale ni ku leletako ona, kasi u si londisi simwani sizimu, u txi si thumela.”

Dhewuteronome 13:2

“se kumaheka txikombiswetxo mwendo txidiwukiso txile a nga nga txi womba a txi khene: A hi londeteni simwani sizimu, sile u si si ziviko, hi txi si thumela,”

Eksodha 20:23

Mi nga ti maheleni simwani sizimu ngu didhawa dangu, mi nga ti maheleni sizimu sa silivhela, hambi sizimu sa nzalama.

Eksodha 20:3

U ngave ni simwani sizimu masoni kwangu.

Jeremiya 44:8

Mi txi ni henyisa ngu mithumo ya manza anu, mi txi hisela miphaxo sizimu sa walo ditikoni ka Egipta, eyo mi nga wulela kuya luvela kona, kasi ku anu mi txi ti lovisa, ni ku mi va txiruko ni kutseketselwa hagari ka matiko otshe ha mafuni kani?

Hoseya 1:7

Kambe na pfela wumbilu va nyumba ya ka Judha, aniko ni na va hulukisa ani Mkoma, Txizimu txawe; nguko kha ni na mbi va hulukisa ngu wulaho, hambi ngu ditxhari, mwendo ngu yimbi, ni mahantxhi kumbe ngu vagadhi va mahantxhi.

Jeremiya 32:30

Nguko kukhukhela ha wuphyani kwawe, vanana va ka Israyeli, ni vanana va ka Judha, va mahi va wubihi dwe masoni kwangu, nguko vanana va ka Israyeli va ni henyisile ngu mithumo ya manza awe, kuwomba Mkoma.

Jeremiya 44:7

Kona kuwa koko, Mkoma, Txizimu txa Mabutho a Tiyimbi, Txizimu txa ka Israyeli, a womba tiya: Ngu kota ya ku anu mi mahako kubiha ka hombe ku lwako ni mimoya yanu, kasi kulovisa vavamna ni vavasikati, ka vanana ni ka vale va mamako, hagari ka va ka Judha, mi txi mahela ti to ku si sali ni wammweyo.