Jeremiya 25:35 - Bhiblia Yo Sawuleka

³⁵ Vadyisi va na pwata nzila yo pfodola ngu yona, ni vahombe va mtxhambi kha va na mbi huluka.

Jeremiya 25:35 Referans Kwoze

Jobe 11:20

Aniko maso a vo biha ma na pfhupela; wuthavelo wa ona wu na mwalala; kuverela kwawe, i nava kuhuma ka muhefemulo.

Amosi 2:14

Kha ku na mbi vhuna txilo kututuma ka va vo txhariha, hambi wa mtamo kha na mbi thumisa mtamo wakwe, ni ndena kha yi na mbi hulukisa wutomi wa yona.

Dhaniyeli 5:30

Ka wona wusiku wule, Bhelxazari, mfumeli wa Vakaldheya a to dawa.

Ezekhiyele 17:18

Nguko a eyisile txixambanyo, e funya txitumelelano, txo mahwa ngu kuñolana ka manza; a di mahetete totshe eto, kha na mbi huluka.

Ezekhiyele 17:15

Aniko mfumeli wa Jerusalema a to eyisa wule wa Bhabhilona, ngu kurumela mitumi yakwe Egipta, kuya kombela ku tiselwa mahantxhi ni vathu votala; ina a na humelela hambi kuhuluka, awule a mhako eto kani? Niku mwendo a na funya txitumelelano e tutuma kani?

Jeremiya 48:44

Awule a no tutuma ngu msanekera a na wela diphalani, awu a no huma diphalani a na txikwa ngu mkuni; nguko ni na tisa txitimwi kwakwe, txitimwi ka Mowabhi ni vekile dilembe da kuhasamulwa kwakwe, kuwomba Mkoma.

Jeremiya 38:23

Votshe vasikati vako ni vanana vako va na yiswa ka Vakaldheya, hambi awe khu na mbi huluka manzani kwawe, aniko u na ñolwa ngu dianza da mfumeli wa Bhabhilona; ni didhoropa di na hiswa ngu mhaka yako.

Jeremiya 38:18

Aniko ngako u si humi u ya ti ningela ka vanana va mfumeli wa Bhabhilona, adiya didhoropa di na ningelwa ka Vakaldheya, va txi di hisa ngu mndilo, na nawe khu na mbi huluka manzani kwawe.

Jeremiya 34:3

Kambe awe khu na mba huluka manzani kwakwe, kambe u na ñolwa u txi ningelwa manzani kwakwe; u na wonana ni mfumeli wa Bhabhilona, ene a na womba-womba ni nawe khohe ni khohe, se u na tsula Bhabhilona.

Jeremiya 32:4

hambi ene Zedhekiya, mfumeli wa ka Judha kha na mbi huluka manzani ka Vakaldheya; kambe a na ningelwa manzani ka mfumeli wa Bhabhilona, kuva a txi womba-womba nayo, ve wonana ngu maso;

Masalmo 142:4

Ni to tuve txinene kwangu, se ni wona; aniko kha na mana m'thu wo ni ziva; ni pwata ko thavela kona; kha ka maneka ni wammweyo wo khatalela moya wangu!”

Jeremiya 11:11

Ngu konaho, Mkoma a khene: Ni na neha dikhombo txitimwi kwawe, kha va na mbi huluka ka dona; va na dilela kwangu, aniko kha ni na mbi va engisa.

Jeremiya 25:36

Hi nga pfani kudila ka vadyisi, ni tihuwa ta kudila ka vahombe va mtxhambi! Nguko Mkoma wa vhinganyisela wudyiselo wawe.

Jeremiya 37:17

mfumeli Zedhekiya a to rumela kuya m'humisa, se mfumeli a to m'dhana ngu txihunja nyumbani kwakwe, a txi khene: Ina di nga vaho dipswi ngu ka Mkoma kani? Jeremiya a to xamula, a txi khene: Diho. E engeta a txi khene: Awe u na ningelwa manzani ka mfumeli wa Bhabhilona.