Jeremiya 25:34 - Bhiblia Yo Sawuleka

³⁴ Anu vadyisi, pekani huwa mi txi dila. Pulukutani dikhumani, anu vahombe va mtxhambi. Nguko masiku a kudawa kwanu ma hokile, ni na mi hangalasa, mi na wa, nga txiya txa lisima.

Jeremiya 25:34 Referans Kwoze

Jeremiya 6:26

Awe m'horana wa vathu vangu, ti ambeke disaka, u pulukuta dikhumani; peka huwa yo nga yo dilela mwanana wammweyo ekha, xomulo ya txiviti. Nguko muhasamuli a na hi tela ngu txidhukisa.

Amosi 5:11

Ngu koneho a ku mi kandako txisiwana, ka txona mi lava nduwo ya fulaho, mi na aka tinyumba ngu marigwi o vatwa, kambe kha mi na mba zumba ka tona: Mi na phaya mivhinya yo tsakisa, kambe mi na mbi sela vhinya ya kona.

Dhaniyeli 11:8

Se sizimu sawe, ni sithombe sawe sasingi, ni siya sawe sa lisima, sa silivhela ni sa nzalama, a na si teka e si yisa Egipta; se ngu malembe okari, ene kha na mbi tsana kuwukela mfumeli wa Wuphemba.

Ezekhiyele 34:20

Ngu mhaka ya eto, Mkoma Txizimu a mi gela tiya: Wonani taku ani, ani nipune, ni na lamula hagari ka sifuyo so ena ni sifuyo so goma.

Sidilo 4:21

Tsaka ngutu, u tsaka awe mwanana wa muhorana wa Edhomi, u zumbako ditikoni ka Uzi, digombe di na hoka kwako; se u na leva, u sala u sa ambala txilo.

Jeremiya 50:27

Dayani otshe marole a madhuna ngu ditxhari, ma tsuliseni wudayeloni: Dikhombo dawe! Nguko di hokile ditshiku dakwe, mbimo ya kutsayisa kwakwe.

Jeremiya 48:26

Mleviseni nguko a ti kulisile masoni ka Mkoma; Mowabhi a na tshumelela ka makosa akwe, se ene a na xaniswa.

Jeremiya 27:7

Otshe matiko ma na mthumela, ene ni mwanana wakwe ni mtukulu wakwe, kala ku txi hoka mbimo ya ditiko dakwe, ngu msana keto nene a na khoziswa, ngu matiko amangi ni vafumeli va hombe.

Jeremiya 25:36

Hi nga pfani kudila ka vadyisi, ni tihuwa ta kudila ka vahombe va mtxhambi! Nguko Mkoma wa vhinganyisela wudyiselo wawe.

Jeremiya 25:23

ni Dhedhani, ni Tema, ni Bhuzi, ni votshe vale va zumbako magwito ka makhona a ditiko;

Jeremiya 25:12

Aniko ngako ku di pindile mtxhanu wa magumi ni magumi mambidi a malembe, ni na tsayisa mfumeli wa Bhabhilona ni ditiko da kona, ngu mhaka ya kuwekela kwawe, kuwomba Mkoma; ni ditiko da Vakaldheya ni na di maha diva txiwula, kala kupinduka.

Jeremiya 22:28

Ina m'thu wuwa Jokoniya njiya txo fayeka ni kunyenywa, a txi txi si vhuniko txilo kani? Kasi a leketwe txani ni vanana vakwe va txi ya tshotshwa ka ditiko va si di ziviko kani?

Jeremiya 3:19

Se ani ni txi khani: Ni na kuvekisa kutxani hagari ka vanana, ni na kuninga ditiko da kunaveleka, i kuthomba ya mabutho a matiko kani? Ni txi khani: Mi na ni dhana mi txi khanu: Tata. Kha mi na mbiswa mi phawuka mi txi ni siya.

Isaya 34:6

Ditxhari da Mkoma di tate ngu mnoha, di tate ngu mafura, ni mnoha wa sinvuntana ni wa vamabhongwe, ngu mafura a titsho ta tihamba, nguko Mkoma a ni mphaxo kona Bhozira, ni kudayela ka hombe ditikoni ka Edhomi.

Isaya 33:1

Dikhombo kwako u handako na u sa handwa, awe u kanganyisako vale, va nga mbi kukanganyisa! Mbimo yi u no heta kuhanda, u na handwa; u txi na heta kukanganyisa, u na kanganyiswa nawe.

Isaya 30:14

Se a na txi faya, nga ti txi fayiswako tona txiya txa muwumbi, a txi txi faya, kha na mbi txi tsetsa; kha ku na mbi maneka ni txirengele tximwetxo, txo hala ngu txona mndilo ha txikho, mwendo kureka ngu txona mati txisimani.

Isaya 10:12

Ngu kumaha keto, mbimo yile Mkoma a no heta wotshe mthumo wakwe mmangoni ka Siyoni, kona Jerusalema, sekoko ni na tsayisa mihando ya mfumeli wa Asiriya, ngu mhaka ya kutikulisa ka mbilu yakwe, ni kutiguleta masoni kwakwe.

Isaya 2:16

E wukela sotshe sitimela sa matini ka Tarxixi, ni sotshe sitimela sa mixowo yo tshura ngutu.

Masalmo 2:9

U na va bhandisa ngu ndonga ya simbi, u txi va fayetela kufana ni khadi ya mraka.”

2 Makronika 36:10

Msana ka kuva ku di pindile dilembe, Nebhukodhonosori a to rumela vathu vo ya mu teka ve mu yisa Bhabhilona, ve teka ni siya sa lisima sa Nyumbani ka Mkoma ve tsula naso. Se a to veka mwanawe Zedhekiya, a txi fuma txitimwi ka va ka Judha ni Jerusalema.

Jakobe 5:5

Mi zumbile ha mafuni mi si thumi txilo, mi txi nonisa timbilu tanu, ti ti rinzelako ditshiku da kudawa.

Isaya 34:7

Ni tinyari ti na txhika nayo, marole, ni madhuna; kambe mafu awe ma na sela mnoha wa sona me khura, ni lithulu lawe li na tala ngu mafura.

Jeremiya 18:22

Tihuwa ti na pfale tinyumbani kwawe; ka dona ditshiku di u tisako makhokhokho kwawe ngu txidhukisa. Nguko va kete diphala da hombe da kuniwuleta ka dona ni kuriyela milawu mikondoni kwangu.

Jeremiya 48:38

Txitimwi ka totshe tinyumba ta Mowabhi ni mu ka tinzila takwe ta hombe ku na vaho tihuwa ta hombe; nguko ni fayile Mowabhi nga fuko ya kwa mbi tsakisa, kuwomba Mkoma.

Hoseya 8:8

Israyeli a khadamutwe; konkuwa, hagari ka matiko a wonekisa ku nga txi maha txi txi si tsakisiko ni wammweyo.

Zakariya 10:3

Kuhenya kwangu ka tura kuwukela vadyisi, se ni na tsayisa vamabhongwe; kambe Mkoma wa Mabutho a Tiyimbi a na endela mtxhambi wakwe, i ku nyumba ya ka Judha, se a na va maha ku nga dihantxhi dakwe do thaviseka yimbini.

Zakariya 11:3

Ndidedo dipswi da huwa ya vadyisi, nguko wudhundo wawe wa fuviswa! Dipswi da kubhonga ka singonyamwana, nguko kutikulisa ka Jordhani kufuvisilwe!

Jeremiya 23:1

Dikhombo ka vadyisi va va onhako, ni kuhangalasa tinvuta ta wudyiselo wangu, kuwomba Mkoma.