Jeremiya 25:33 - Bhiblia Yo Sawuleka

³³ Ava va nga dawa ngu Mkoma, va na mbambamela ha mafuni, kukhukhela ka likasa limwelo kala ka limwani likasa la mafu; kha va na mbi dilwa, hambi kusengeletwa, hambi kutshotshwa, va na maha fenze ha mafuni.

Jeremiya 25:33 Referans Kwoze

Isaya 66:16

Nguko ngu mndilo ni ditxhari dakwe, Mkoma a na wulela e lamula votshe vathu; se vafi va Mkoma va na mbambamela.

Jeremiya 8:2

ma na hangalaswa masoni ka ditambo ni mtxima ni tiyimbi ta nzuma, asi va nga si randa ni ku si thumela, ni si va nga si londetela, ve si wotisa ni ku si khizamela; kha ma na mbi ngadi me sengeletwa, hambi kukelelwa, ma na maha sinoniso ha mafuni.

Masalmo 79:3

Va theketile mnoha wa vathu vako nga mati ka otshe madhawa a Jerusalema ku txi pwateka ni m'thu wo va tshotsha.

Isaya 5:25

Ngu kumaha keto, kuhenya ka Mkoma, kuturile txitimwi ka vathu vakwe, se a nawulutile dianza dakwe, e va daya; mimango yi to zinginika, sirumbi sawe si hangalaka, ku nga nzokoro hagari ka tinzila; hambi keto, kuhenya kwakwe ku toya masoni, ni dianza dakwe di ngadi nawulukile.

Mtuletelo 11:9

Vathu va otshe matiko, ni totshe tixaka, ni totshe tidimi ni yotshe mifumo va na wona sirumbi sa tona mndani ka masiku mararu ni hafu, ve tsimbisa ti to si si kelelwi sirumbi sile.

Zefaniya 2:12

Se nanu va Etiyopiya, mi na dayelwa ngu ditxhari dangu.

Masalmo 83:10

Va mbambamisilwe ditikoni ka Endori sirumbi sawe si sina mafuni!

2 Vafumeli 9:37

Se txirumbi txa Jezabheli txi na nga sinoniso amu thembweni, ka wukhalo wa wudotho wa Jezireyeli, ti si koteki ku m'ziva taku awuwa i Jezabheli.

Ezekhiyele 29:5

Se ni na ya kuleka txiwulani, awe ni sotshe sihaka sa minamboni kwako; u na wa ha mafuni, khu na mbi rolelwa hambi kusengeletwa; u na dyiwa ngu sihari sa ha mafuni ni sinyana sa nzuma.

Ezekhiyele 21:11

Ditxhari di swililikiselwa kuphatima, kuva di txi na thumiswa; di lotilwe ni kuswililikiswa, kasi ku di txi ya vekwa manzani ka txidayi.

Ezekhiyele 29:4

Aniko ni na vekela simemba titshayani kwako, kambe ni na khweketela sihaka sa minambo yako ka magwagwarimba ako.