Jeremiya 25:32 - Bhiblia Yo Sawuleka

³² Mkoma wa Mabutho a Tiyimbi a khene: Dikhombo di na ya ka ditiko dimwedo ni dimwani, txi na huma txingulu txo thaviseka ngu magwito ka mafu.

Jeremiya 25:32 Referans Kwoze

Jeremiya 23:19

Wonani txivhunguvhungwani txa Mkoma, i ku txiviti txakwe, txi vhilukile ngutu, txi fanana ni txingulu; txi na wa txitimwi ka misungo ya va vo biha.

Isaya 34:2

Nguko kuhenya ka Mkoma ku txitimwi ka otshe matiko, ni txiviti txi txitimwi ka otshe mabutho a ona; ene a ma khundumusile do gwita, kambe asi ningete kudawani.

2 Makronika 15:6

Vathu va to wukelana, didhoropa dimwani di txi wukela dimwani didhoropa, nguko Txizimu txi di va vangete xomulo yayingi.

Jeremiya 30:23

Wonani txihuhuri txa Mkoma, i ku txiviti txakwe, txi vhinjukile ngu mtamo, txi fanana ni txingulu; txi na wela txitimwi ka misungo ya va vo biha.

Isaya 30:30

Se Mkoma a na pfalisa wudhumo wa dipswi dakwe, kambe a na wonekisa kurelela ka diwoko dakwe, ni kupandiseka ka txiviti, ni m'dhikila wa mndilo wakwe wo tshokomisa, ni nyangafula, ni ndambi, ni marigwi a maralala.

Luka 21:25

“Ku nava ku di ni sikombiso ha ditamboni, ha mtximani ni tinyeletini. Ha mafuni ku na vaho kuxaniseka ka matiko ngu kuthava diguwa da kudhuma ka mavimbi ni linene.

Luka 21:10

Sekoko a to va gela ku khene: Lixaka li na wukela limwani lixaka, mfumo wu na wukela wumwani mfumo.

Zefaniya 3:8

Ngu toneto, ni vereleni, kuwomba Mkoma: Ka ditshiku di ani ni no khukha ni txi ya handa; nguko maalakanyo angu ngu kusengeleta matiko, ni kutshanganisa mifumo, kuva ni txi na tshakunuta kuhenya kwangu, ni kotshe kupandiseka ka txiviti txangu; nguko otshe mafu awa, ma loviswa ngu mndilo wa txiluse txangu.

Isaya 66:18

nguko na ziva mithumo yawe ni myalakanyo yawe! Mbimo yata, yile ni no sengeleta otshe matiko ni tidimi; va nata ve ta wona wudhumo wangu.

Isaya 5:28

Tingove tawe ti na hinda ngutu, ni malaho awe otshe ma dombilwe; sitsendo sa mahantxhi awe si fana ni marigwi, madangarita a sikotxikani sawe ma fana ni txihuhuri.

Jeremiya 6:22

Mkoma a khene: Wonisisani vathu vatako ngu Wuphemba, ditiko da hombe di na wuka ngu magwito ka mafu.

Jeremiya 6:23

Va ñola malaho ni matxhari; va ni timbiti, kha va na wumbilu; diguwa dawe ngu nga txiwuta txa linene, va gadhile mahantxhi na va di xomile kulwa ni nawe, awe m'horana wa Siyoni.