Jeremiya 25:31 - Bhiblia Yo Sawuleka

³¹ Dipswi dakwe di na pfala kala magwito ka mafu; nguko Mkoma a ni dizunga ni matiko, a na lamula yotshe nyama; a na ningela vabihi ka ditxhari, kuwomba Mkoma!

Jeremiya 25:31 Referans Kwoze

Hoseya 4:1

Engisani dipswi da Mkoma, anu vanana va ka Israyeli, nguko Mkoma a ni kuhenyisana ni vaaki va ditiko, nguko kha ku na ditshuri, hambi wunene, mwendo kuziva Txizimu ha mafuni.

Joyeli 3:2

Ni na tshanganisa otshe matiko, ni txi ma releta mkovani ka Josafati, ni wulela nawo kulamulani, ngu mhaka ya vathu vangu ni thomba yangu Israyeli, awu vona va nga mu hangalasa hagari ka matiko, va txi ambanisa ditiko dangu.

Mika 6:2

Engisani anu mimango dizunga da Mkoma, ni nanu makhato a mtamo a mafu; nguko Mkoma a ni dizunga ni vathu vakwe, se a na thethisana ni Israyeli.

Isaya 66:16

Nguko ngu mndilo ni ditxhari dakwe, Mkoma a na wulela e lamula votshe vathu; se vafi va Mkoma va na mbambamela.

Hoseya 12:2

Mkoma wa lwa ni Judha, kambe a na tsayisa Jakobe, madingano ni tinzila takwe; madingano ni mithumo yakwe a na m'hakela.

Isaya 34:8

Nguko ditshiku da kuphota ka Mkoma, dilembe da kutshumetela ka kulwa ka Siyoni.

Ezekhiyele 38:22

Se ni na mlwisa ngu mitungu ni kutheketa mnoha; ni na wisa mati a ndambi, ni marigwi a hombe a maralala, mndilo ni txivavula ni na si wisa txitimwi kwakwe, ni txitimwi ka masotxhwa akwe, ni ka votshe vathu votala va no maneka va di ni nene.

Jeremiya 45:5

U ti lavela wuhombe kani? U nga wu lave, nguko ni na tisa dikhombo ka yotshe nyama, kuwomba Mkoma; ni na ningela wutomi wako wu txi xakelwa, ka otshe makhalo u no ya ka ona.

Isaya 33:3

Vamatiko va txipfa diguwa dako, vo tutuma; u txi wuka, matiko mo hangalaka.

Jeremiya 2:35

Kambe u khawe: Nga hawa ni kuwalo mnandu, kuhenya kwakwe kuhumile kwangu. Wa wona, ni na kulamula. Aniko u khawe: Kha na onha!

Isaya 34:2

Nguko kuhenya ka Mkoma ku txitimwi ka otshe matiko, ni txiviti txi txitimwi ka otshe mabutho a ona; ene a ma khundumusile do gwita, kambe asi ningete kudawani.

Jeremiya 23:19

Wonani txivhunguvhungwani txa Mkoma, i ku txiviti txakwe, txi vhilukile ngutu, txi fanana ni txingulu; txi na wa txitimwi ka misungo ya va vo biha.

Ezekhiyele 30:3

Nguko di hafuhi ditshiku da Mkoma, ditshiku da marefu; i nava ditshiku da vamatiko.