Biblia Todo Logo
Bib sou entènèt

- Piblisite -




Jeremiya 25:30 - Bhiblia Yo Sawuleka

30 Awe koko, u na profeta kwawe totshe timhaka tiya, u txi khawe kwawe: Mkoma wa dhuma-dhuma ngu txitimwi, wa pfalisa dipswi dakwe ngu nyumbani kwakwe ko Sawuleka; ngu kuthisisela, a na dhuma e wukela dizumbo dakwe, wa peka huwa ya litsako, nga mrukuti wa mauvha, a txi wukela vazumbi votshe va ha mafuni.

Gade chapit la Kopi




Jeremiya 25:30
25 Referans Kwoze  

Se Amosi a to khene: Mkoma a na bhonga a di Siyoni, se a di Jerusalema, a na pfalisa dipswi dakwe; amu va zumbako kona vadyisi, ku nava ni kudila, kambe ku na oma tshokani ka mmango wa Karmeli.


Se Mkoma a na bhonga a di Siyoni. Dipswi dakwe di na pfala Jerusalema, se nzuma ni mafu si na dhudhumela; aniko Mkoma a na va wuthavelo wa vathu vakwe ni mkhokhola wa vanana va ka Israyeli.


Mkoma a na huma kufana ni ndena, kufana ni m'thu wa yimbini, a na wusa kukhatala; a na kwangula, e maha diguwa da hombe, kambe a na veka hahatshi valala vakwe.


Ngu toneto, ni na dila ngu madilelo a Jazeri, i ku m'vhinya wa Sibhima; ni na ku nakanisa ngu mirongo yangu, awe Hesibhoni, ni Eleyale, nguko litsako la hombe la mihando yako ya malanga, ni la kuelula kwako, li mwalate.


Ngu mkanani kwakwe kuhuma ditxhari do lotwa kasi kuwila mifumo ngu dona. Ngene a no yi gola ngu ndonga ya simbi ya wukoma: Ngene a no rukuta nzeka ya vhinya ya kuhenya ko thisa ka Txizimu txa mtamo wotshe.


Yothse nyama yi na malale masoni ka Mkoma, nguko ene a wukile ka wukhalo wakwe wo sawuleka.


Yi bhongile ngonyamo, i mani wu a na kwa mbi thava kani? A wombowombile Mkoma Txizimu, i mani a na kwa mbi profeta kani?


Nguko ka Efrayime, ni na fana ni ngonyamo ni ku nga txingonyamwana ka nyumba ya ka Judha; Ani, ani ni na va phatulela ni tshumela ni tsula; ni na va rwala, kupwateka ni wo lamulela.


Kutsaka ni kunengela si thavisilwe thembweni ko nona ni ditikoni ka Mowabhi; nguko ni mahile ti to yi guma vhinya mapipani: Kha va na mbi rukuta mauvha ngu kutsaka: Kutsaka ku na maha tihuwa.


Wukhalo wathu wo sawuleka njikhalo txathu txa wukoma txo guleka, txi nga vekwa txitimwi kukhukhela kukhatani.


“A hawa i m'tini kwangu kala kupinduka; ni na zumba kona nguko na kutsakela.


Sekoko Mkoma a to wuka, ku nga o vhumuka ngu ha wukoheni, ku nga ndena yi nga ambuluka kulevani ka vhinya.


Kasiku yi si engisi tindando ta va masalamuso, ni wutxhari wa vanyamsoro.


Mkoma a Nyumbani kwakwe ko sawuleka; Mkoma ana ni txikhalo txakwe txa wukoma nzumani, se ngu maso akwe ma wonako ta tinene, wa xayisa vathu kha kwati.


Sekoko vaphaxeli ni Valevhi va to khukha ve katekisa vathu; dipswi dawe di to engiswa, nguko mikombelo yawe yi hokile ka wukhalo wakwe wo sawuleka nzumani.


Se Mkoma a to m'gela ku khene: Ni pfite mkombelo wako ni kudila kwako, u nga dila masoni kwangu; ni sawulekisile nyumba yi u nga yi aka, kasi u veka kona mule ditina dangu yotshe mbimo; se maso angu ni mbilu yangu si na va kona mule otshe masiku.


Wonisisa u di ha wukhaloni kwako ko sawuleka ka nzumani, kambe katekisa ngamu yako ya ka Israyeli, kumweko ni mafu ale u nga hi ninga, nga ti u nga xambanya ka vatate vathu, ditiko di di khulungako masi ni wulombe.


Sekoko mfumeli a to khene ka Zadhoki: Tshumeta dibhokiso da Txizimu didhoropani; kambe ni txi na mana mathomo masoni ka Mkoma, a na ni tshumetela eya ni komba dona ni nyumba ya dona.


Matiko ma ngungurukela, mifumo ya gingiseka. Kambe Txizimu txi womba dipswi, mafu ma so bhandekela.


Vamatiko va txipfa diguwa dako, vo tutuma; u txi wuka, matiko mo hangalaka.


Ene a humile m'dhutini kwakwe nga txingonyamwana, nguko ditiko dawe di mahile dirumbi, ngu mhaka ya kuthisa ka ditxhari da Mkoma, ni kutura ka kuhenya kwakwe.


Mi na tsimbila ngu msana ka Mkoma; se ene a na bhonga ku nga ngonyamo; ene a txi bhonga, vanana va Mswa-ditambo va na dhudhumela.


Swiv nou:

Piblisite


Piblisite