Jeremiya 25:27 - Bhiblia Yo Sawuleka

²⁷ U na va gela, u txi khawe: Mkoma wa Mabutho a Tiyimbi, Txizimu txa Israyeli, a khene: Selani mi txi leva, mi kosa, mi txi wa, mi si wuki kambe, ngu mhaka ya yimbi ni no yi rumela kwanu.

Jeremiya 25:27 Referans Kwoze

Habhakuki 2:16

U na kolwa ngu tingana u pwata kudhundeka; sela nawe u kombisa taku khwa yiswa wukwerani: Digombe da diwoko da txinene da Mkoma, di na wuya txitimwi kwako, ni makosa ma na nyenyezisa wudhumo wako.

Jeremiya 25:16

Va na sela hawa koza ve dhedherekela, ni kubharuka, ngu mhaka ya ditxhari di ni no di rumela hagari kwawe.

Sidilo 4:21

Tsaka ngutu, u tsaka awe mwanana wa muhorana wa Edhomi, u zumbako ditikoni ka Uzi, digombe di na hoka kwako; se u na leva, u sala u sa ambala txilo.

Isaya 51:21

Ngu kumaha keto, konkuwa engisa tiya, awe wo dhuswa, wa kuleva, aniko na i si nga ngu vhinya:

Jeremiya 50:35

Di nata ditxhari txitimwi ka Vakaldheya, kuwomba Mkoma, ni txitimwi ka Bhabhilona, ni txitimwi ka vathangeli vawe, ni txitimwi ka titxhari tawe.

Jeremiya 46:14

“Zivisani ka Egipta, mi pfalisa tiya ka Migidholi, pfalisani kambe ka Nofe, ni ka Tafinesi, mi txi khanu: Ti henjelete ni ku ti vekisa, nguko, ditxhari di dyite asile si ku madhawani kwako.

Jeremiya 46:10

Nguko ditshiku da Mkoma Nyamne wa Tiyimbi, ditshiku do pharela, ngu kulwisa valala vakwe, se ditxhari di na daya, di khura di txi leva ngu mnoha wawe, nguko Mkoma Txizimu txa Mabutho a Tiyimbi, a ni mphaxo ditikoni ka Wuphemba, hafuhi ni mnambo wa Ewufrate.

Jeremiya 12:12

Vahasamuli va tile mimangoni kotshe ka txiwula, nguko ditxhari da Mkoma di xasela kukhukhela magwito kala kumwani magwito ka ditiko; kha ku na m'thu ni wammweyo a nova ni kuthutha.

Isaya 63:6

Se ni kandetete vathu kuhenyani kwangu, kambe ni va lavisile ngu txiviti txangu, se ni wisa mtamo wawe hahatshi.

Dhewuteronome 32:42

Ni na levisa tingove tangu ngu mnoha, ni ditxhari dangu di na khura ngu nyama; ngu mnoha wa vale va nga dawa, ni wa vo ñolwa, kukhukhela ha msungo, ku nava ni kuphota, ka valala.

Mtuletelo 14:10

eyo nene a na sela vhinya ya kuhenya ka Txizimu, yo mbi timulwa ayi yi nga thelwa mu ka digombe da kuhenya ka txona; a na xaniswa ngu mndilo ni txivavula, masoni ka tingelozi to sawuleka, ni masoni ka Txinvutana.

Jeremiya 13:13

Sekoko u na khawe kwawe: Mkoma a khene: Wonani tito, votshe va zumbako ka diya ditiko, ni vafumeli va va zumbako ha txikhaloni ka mfumo wa Dhavhidha, ni vaphaxeli ni vaprofeti, ni votshe va va zumbako Jerusalema, ni na va levisa.

Jeremiya 22:10

Mi nga dileleni wu a nga fa, mi nga pekeni huwa ngu mhaka yakwe. Aniko dilelani ngutu wu a khukhako, nguko kha na mbi ngadi e wuya, a txi ta wona ditiko di a nga velekwa ka dona.

Jeremiya 51:39

Aha va no vhutuka ni na va ninga wusuke wawe, ni na va levisa, va na ndaka-ndaka, aniko va na otela wukohe wa kwa mbi gwita, kha va na mbi wuka, kuwomba Mkoma.

Jeremiya 51:57

Ni na levisa tinduna takwe ni titxhari takwe, ni vathangeli va tiyimbi, ni vafumeli vakwe, ni tindena takwe; va na mana wukohe wo mbi guma, kha va na mbi wuka, kuwomba Mkoma, awu ditina dakwe i ku Mkoma wa Mabutho a Tiyimbi.

Nahume 3:11

Nanawe Ninivha, u na leva u txiya sisala, kambe u na lava mtamo, ngu kuthava valala vako.

Amosi 8:14

Ava va xambanyako ngu wubihi wa Samariya va txi kha vona: Ndinene ngutu kuhanya ka txizimu txako awe Dhani; kambe ndinene ngutu kuhanya ka nzila ya Bherisebha; vonavo va nawa, kha va na mbi khukha kambe.