Jeremiya 25:18 - Bhiblia Yo Sawuleka

¹⁸ I Jerusalema ni madhoropa a ka Judha, ni vafumeli va kona ni tinduna tawe, ti taku si txi maha marumbi, ni txidiwukiso, ni txiruko, nga ti ma ku ngu tona nyamsi.

Jeremiya 25:18 Referans Kwoze

Jeremiya 44:22

Mkoma a ti sa dingana kuxaniswa mbimo yayingi ngu wubihi wa mithumo yanu, sinyenyeko si mi nga si maha; ngu toneto ditiko danu di mahile txiwula, ni txixamaliso, ni txiruko, ku si na vo zumba, nga ti ku wonekisako tona nyamsi.

Jeremiya 24:9

Ni na va ningela kasi ku veva txidhukiso, ni dikhombo ka matiko otshe a mafu, va na va txisekiso, ni divingu, ni txipoyilo, ni txiruko, kotshe amu ni no va hangalasela kona.

Masalmo 60:3

U mahile ti to vathu ve wona sikarato so thisa ngutu; u hi setile vhinya yo levisa ngutu.

1 Pedro 4:17

Nguko yi hokile mbimo ya kukhata ngu Nyumba ya Txizimu yi txi lamulwa. Se ngako ku txi khatwa ngu ngathu njiavelo muni va nota txi mana ava va si engisiko Evhangeli ya Txizimu, kani?

Amosi 3:2

Ka totshe timwaya ta ha mafuni, ni zivile anu dwe; ngu koneho, ni na mi endela ngu mhaka ya wotshe wubihi wanu.

Amosi 2:5

Ngu koneho ni na veka mndilo ka Judha, se wona wu na heta tinyumba ta wukoma ta Jerusalema.

Dhaniyeli 9:12

Se ene a to tsanisa dipswi dakwe, dile a ngadi womba kwathu, ni ka valamuli vathu vale va nga ti lamula, ngu kutisa dikhombo da hombe txitimwi kwathu; ngu kumaha keto, mhaka yile yi nga humelela Jerusalema, kha yi khali kumaheka hahatshi ka yotshe nzuma.

Jeremiya 25:11

Dotshe diya ditiko di na va marumbi ni txidiwukiso; ni matiko awa, ma na thumela mfumeli wa Bhabhilona, mndani ka mtxhanu wa magumi ni magumi mambidi a malembe.

Jeremiya 25:9

ni na rumela kuya dhana tixaka totshe ta vathu ta Wuphemba, kuwomba Mkoma, ni ka Nebhukodhonosori, txithumi txangu, i ku mfumeli wa Bhabhilona; ni na va leka velwa ni ditiko diya, ni vazumbi va kona, ni matiko otshe o gwatamelana nado; ni na va lovisela magwito, ni na va maha txidiwukiso, ni txiruko, ni marumbi a kala kupinduka.

Jeremiya 1:10

Wona, ka diya ditshiku, ni kuveka txitimwi ka matiko ni mifumo, kuva u dula ni kukhundumusa, kuhasamula ni kuwisa, kuaka ni kuphaya.”

Nehemiya 9:36

Wona taku nyamsi hi tikhumbi; hambi ka ditiko dile u nga ninga vatate vathu kuve dya mihando ya dona ni kuzumbiseka, wona taku hi tikhumbi ka dona.

Ezra 9:7

Kukhukhela ka masiku a vatate vathu kala ka masiku a nyamsi, hi onhile ngutu, ngu mhaka ya wubihi wathu, hi ningetwe, athu, ni vafumeli vathu, ni vaphaxeli vathu, manzani ka vafumeli va mafu, ka ditxhari, ka wukhumbi, kupelwa, ni kukanganyiswa hi txi ti wona, nga ha hi ti wonako kala nyamsi.

2 Vafumeli 22:19

Ngako mbilu yako yi nga rawula, u ti namisa masoni ka Mkoma, mbimo yile u nga engisa ni txi henya ngu wukhalo wuwa, ni vazumbi va kona, va ti dingana kufuviswa ni kuve txiruko, u vharulete syambalo sako, u dite masoni kwangu, kambe ni ku engisile, kuwomba Mkoma.

1 Vafumeli 8:24

u nga maha ni txithumi txako, i ku tate wangu Dhavhidha, a ti u nga m'gela; nguko ngu txisofu txako u wombile, ngu dianza dako u mahile, nga ha ti wonekako ka diya ditshiku.

Joxuwa 6:18

Aniko anu ti woneleni ka so yila, kasi ku mi si ti nyenyezisi ngu ku si teka, se mi txi tisa dikhombo wugoveloni ka Israyeli, ku txi ta fuviswa.

2 Makronika 29:8

Se kuhenya ka Mkoma kutota ka va ka Judha ni Jerusalema, e va ningela ka pfilu-pfilu, ka kuhoxotwa, ni txisekiso, nga ti anu mi ti wonako ngu maso anu.

Isaya 40:23

awu a tshumetako vathangeli ve maneka i si nga va txilo, kambe a maha ti to valamuli va ditiko va si vhuni txilo.

Isaya 65:15

se mi na leka ditina danu di maha txiruko ka va sawuleki vangu; Mkoma Txizimu a na mi daya; se sithumi sakwe a na si dhana ngu dimwani ditina.

Jeremiya 26:6

ani ni na maha ti to nyumba yiya yi txi nga Silo, ni didhoropa diya ni na di maha txiruko ka totshe tihunzu ta mafu.

Ezekhiyele 30:7

Va nava marumbi hagari ka matiko ale i ku marumbi; se madhoropa awe ma nava hagari ka madhoropa a txiwula.

Mika 6:16

Nguko mi txi xayisa sileleto sa Omiri, ni yotshe mithumo ya nyumba ya Akabhi, ni nanu mi tsimbila ka milayo yawe; kasiku ani ni kumaha dirumbi, ni vahanyi vako ve va mloti; ngu kumaha keto mi na wuyisa txiruko txa vathu vangu txitimwi kwanu.

Jeremiya 13:3

Dipswi da Mkoma di tile kwangu ka wumbidi, di txi kha dona:

Jeremiya 13:9

Mkoma a khene: Nga toneto, ni na sinisa kutikulisa ka Judha, ni kutikulisa ka hombe ka Jerusalema.