Jeremiya 25:15 - Bhiblia Yo Sawuleka

¹⁵ Nguko Mkoma, Txizimu txa Israyeli, a ti khene kwangu: Teka dijingo diya da vhinya da kuhenya manzani kwangu, u seta otshe matiko ni no kurumela ka ona.

Jeremiya 25:15 Referans Kwoze

Masalmo 75:8

Manzani ka Mkoma ku ni digombe do tala ngu vhinya yo bava ya kuhenya kwakwe, ayi ene a ningako vathu vo biha va ditiko, kasiku ve sela; se vona va sela kala kuheta tximinye txa kona.

Isaya 51:17

Wuka, Wuka, khukha awe Jerusalema, u nga sela ka dianza da Mkoma, digombe da txiviti txakwe, u sete ni kupswonga nzambwa ka digombe di di levisako, u sete nzambwa ya digombe da kuthidhela.

Mtuletelo 14:10

eyo nene a na sela vhinya ya kuhenya ka Txizimu, yo mbi timulwa ayi yi nga thelwa mu ka digombe da kuhenya ka txona; a na xaniswa ngu mndilo ni txivavula, masoni ka tingelozi to sawuleka, ni masoni ka Txinvutana.

Jobe 21:20

Maso awe ma wona kufuviswa kwawe, se ene a sela kuhenya ka wule wa Mtamo-wotshe.

Isaya 51:22

A womba tiya Mkoma Txizmu txako, Nyamne wako, wule a no lwela mhaka ya vathu vakwe: Wona taku ani na teka manzani kwako digombe di di levisako, nzambwa ya digombe da kuhenya kwangu; khu na mbi ngadi u di sela kambe.

Mtuletelo 14:19

Konako ngelozi yi to ruma sikela ya yona ha mafuni yi elula mihando ya m'vhinya wa ha mafuni, msana keto yi yi rinza nzekani ka kuhenya ka Txizimu.

Jeremiya 51:7

Bhabhilona i ti ti kopo ya nzalama manzani ka Mkoma, ayi yi nga ti ti levisa dotshe ditiko; Matiko ma sete vhinya yakwe; ngu mhaka yeto matiko ma xangile.

Masalmo 11:6

Mkoma a na wisa txitimwi ka vabihi makala o tura, mndilo ni txivavula, a na wuyisa diphuho do hisa. Ngu txona txyavelo txi txi va lumbako.

Masalmo 60:3

U mahile ti to vathu ve wona sikarato so thisa ngutu; u hi setile vhinya yo levisa ngutu.

Isaya 51:23

Aniko ni na di veka manzani ka vale va ku henyisako, va ku kha vona moyani kwako: Nama, kasi ku hi pinda ngu txitimwi kwako; se msana wako u wu mahile ku nga mafu, wu txi nga nzila ya vale va pindako.

Jeremiya 1:5

“Ni ku zivile ni si se kuwumba mndani ka mwamwako; kambe na u si se velekwa ni kusawute, kuva mprofeti wa matiko.”

Jeremiya 43:11

A nata peka ditiko da Egipta; awu a dinganwako ngu kudawa a na dawa, awu a dinganwako ngu wukhumbi a na va khumbi, awu a dinganwako ngu ditxhari a na dawa ngu ditxhari.

Jeremiya 46:1

Dipswi da Mkoma di nga ta ka Jeremiya, mprofeti, madingano ni matiko.

Jeremiya 48:26

Mleviseni nguko a ti kulisile masoni ka Mkoma; Mowabhi a na tshumelela ka makosa akwe, se ene a na xaniswa.

Jeremiya 49:12

Nguko Mkoma a khene: Wonani ti taku avale va nga sa emiselwa kusela dijingo, va di sela ngu ditshuri, se ina awe u nga huluka ngu ditshuri kani? Khu na mbi huluka, ngu ditshuri u na di sela.

Ezekhiyele 23:32

Mkoma Txizimu a khene: U na sela digombe da mkomwako do tshima ni kuanama; u na va txiruko ni txisekiso; nguko di tate ngutu.

Ezekhiyele 23:33

U na leva ngutu, ni kupandiseka; digombe da mkomwako Samariya ndigombe da txixamaliso ni xomulo.

Ezekhiyele 29:12

Nguko ni na maha ditiko da Egipta di va dirumbi hagari ka mafu a marumbi; ni madhoropa a kona, hagari ka madhoropa a siwula, ma na maha siwula amu ka mune wa magumi a malembe; kambe ni na hangalasa Vaegipta hagari ka matiko, ni txi va theketa ha mafuni.

Ezekhiyele 36:5

Ngu konaho, Mkoma Txizimu a khene: Ngu ditshuri kuhisekani ka kuhenya kwangu, ni wombawombile ni wukela matiko ale ma nga sala, ni ditiko da Edhomi. Vona va honyote mafu angu, ngu kutsaka ka totshe timbilu, ni kutxhipisa muhefemulo, kasi ku wu rinza kuñolwani.

Obhadhiya 1:16

Nguko aku anu mi nga sela mmangoni kwangu ko sawuleka, ma na selisa toneto otshe matiko; ma na sela, me mita, ma txi nga kha ma zivi ku nga vaho.

Habhakuki 2:16

U na kolwa ngu tingana u pwata kudhundeka; sela nawe u kombisa taku khwa yiswa wukwerani: Digombe da diwoko da txinene da Mkoma, di na wuya txitimwi kwako, ni makosa ma na nyenyezisa wudhumo wako.

Masalmo 75:9

Aniko, ani, ni na dhumisa Txizimu kala kupinduka; ni na embelela ni dhumisa Txizimu txa Jakobe.

Isaya 14:26

Ngu txona txikungo txi txi nga sungwa txitimwi ka otshe mafu, adiya dianza di nga nawulutwa txitimwi ka matiko otshe.

Isaya 34:2

Nguko kuhenya ka Mkoma ku txitimwi ka otshe matiko, ni txiviti txi txitimwi ka otshe mabutho a ona; ene a ma khundumusile do gwita, kambe asi ningete kudawani.

Jeremiya 36:2

Ti tekele dibhuku u txi bhala totshe timhaka ti ni nga kugela ngu Israyeli ni Judha, ni xungetano ni otshe matiko, kukhukhela ka ditshikwedo ni nga womba-womba ni nawe ka masiku a Josiya kala ni kuwa.

Jeremiya 45:5

U ti lavela wuhombe kani? U nga wu lave, nguko ni na tisa dikhombo ka yotshe nyama, kuwomba Mkoma; ni na ningela wutomi wako wu txi xakelwa, ka otshe makhalo u no ya ka ona.