Jeremiya 24:7 - Bhiblia Yo Sawuleka

⁷ Ni na va ninga timbilu to ni ziva ti taku ngani Mkoma; vona va na va vathu vangu, ani ni na va Txizimu txawe, ngako va txi tshumelela kwangu ngu mbilu yawe yotshe.

Jeremiya 24:7 Referans Kwoze

Vahebheru 8:10

Txitumelelano txi ni no txi maha ni nyumba ya Israyeli msana ka masiku onayo, kuwomba Mkoma, ngu txiya: Ni na veka milayo yangu mapimoni kwawe, ni na yi bhala timbiluni kwawe. Ani ni na va Txizimu txawe, ni vona va na vathu vangu.

Jeremiya 30:22

Anu mi na va vathu vangu, nani ni na va Txizimu txanu.

Ezekhiyele 37:23

Kambe kha va na mbiswa kambe ve nyenyeziswa ngu sithombe sawe, hambi ngu manyala awe, ni sihambunyeto sawe; kambe ni na va txhatxhisa ka otshe makhalo ale va nga onha na va txi zumba ka ona, se ni na va sawulekisa.

Zakariya 8:8

se ni na va wuyisa ve ta zumba hagari ka Jerusalema; va na va vathu vangu, aniko ani ni na va Txizimu txawe, ngu ditshuri ni kululama.

Varoma 6:17

Txi na bongwe Txizimu, nguko hambiko mi nga ti tikhumbi ta txionho, kambe mi sikotile kutiningetela ngu yotshe mbilu yanu ka gondo yiya mi nga wuletwa ka yona.

1 Samuwele 7:3

Sekoko Samuwele a to womba ka votshe va nyumba ya ka Israyeli, a txi khene: Ngako mi txi hundukela ka Mkoma ngu totshe timbilu tanu, thavisani sizimu sa vamatiko ni sa astarote hagari kwanu, mi lulamisela Mkoma timbilu tanu totshe, kambe mi thumela ene dwe, se a na mi hulukisa manzani ka Vafilista.

Ezekhiyele 37:27

Kambe nyumba yangu yi na va hagari kwawe, ani ni na va Txizimu txawe, se vona i nava vathu vangu.

Zakariya 13:9

Se ni na pindisa dile da wuraru ngu ha ka mndilo, ni txi di sawulekisa, ku nga tile yi nga sawulekisa tona silivhela, kambe ni na di duka ku nga ti yi dukiswako tona nzalama, dona di na dhumisa ditina dangu, se ani ni na di engisa; ni na khani: Mbathu vangu; se dona di na kha dona: Mkoma, Njizimu txangu.

Jeremiya 3:10

Hambi keto, Judha, ndiyakwe wo mbi thembeka, kha wuya ngu mbilu yakwe yotshe, aniko ngu wuviyaku, kuwomba Mkoma.”

Isaya 51:16

Ani na veka mapswi angu txisofuni kwako, ni kufenengeta ngu mtsudi wa dianza dangu, kasi kuvanga nzuma, ni kukhata mafu, ni kugela Siyoni kukhani: Anu mi vathu vangu.

2 Makronika 6:38

se va txi hundulukela kwako ngu yotshe mbilu yawe ni wotshe muhefemulo wawe, ditikoni ka valala vawe vale va nga va yisa wukhumbini, va kombela kwako ngu didhawa da ditiko di u nga ninga vatate vawe, ka didhoropa di u ngadi sawula, ni ka nyumba yi ni nga yi akela ditina dako,

Vahebheru 11:16

Aniko, vona va vilela mwani ka nzumani. Ngu toneto, Txizimu kha txa pfa tingana ngu kuwomba ti to i Txizimu txawe. Kha ditshuri, txona txi va lulamisete didhoropa.

Masalmo 119:2

Va katekile avale va xayisako sileleto sakwe, va mlavako ngu yotshe mbilu,

Jeremiya 7:23

Aniko, ati ni nga va laya, ngu ti taku: Engisani dipswi dangu, sekoko ni na va Txizimu txanu, anu mi na va vathu vangu; tsimbilani ngu tinzila ti ni nga mi laya ngu tona, kasi ku mi na zumbiseka kwati.

Jeremiya 11:4

a txi ni nga layela vatate vanu ditshikwedo ni nga va humisa ditikoni ka Egipta, aha ka m'dhikila wa nyundo ya txikete, ni txi khani: Engisani dipswi dangu, mi txi maha totshe ti ni mi rumako; sekoko mi na va ditiko dangu, nanani ni na va Txizimu txanu,

Jeremiya 29:10

Nguko, Mkoma a khene: Aha ku no pinda mtxhanu wa magumi ni mambidi a malembe Bhabhilona, ni na mi alakanya, ni txi mi mahela ta tinene, ni txi mi wuyisa ka wuwa wukhalo.

Ezekhiyele 14:11

kasi ku nyumba ya ka Israyeli yi si swi yi khukha kwangu, hambi kuwulelelwa kambe ngu wuhambunyeti wa yona; sekoko vona va na va vathu vangu, ani ni na va Txizimu txawe, kuwomba Mkoma Txizimu.

Ezekhiyele 16:62

Nguko ni na maha txitumelelano ni nawe, se u na tiziva taku ani ngani Mkoma;

Ezekhiyele 39:22

Va nyumba ya ka Israyeli, va na tiziva taku ani ngani Mkoma, Txizimu txawe, kukhukhela ka ditshiku dile, ni kuya masoni.

Ezekhiyele 11:17

Ngu kumaha keto, womba ku khawe: Mkoma a womba tiya: Ni na mi sengeleta hagari ka vathu, kambe ni na mi wuyisa ngu ka matiko ale mi nga tshotshwa ka ona.

Hoseya 2:22

Se mafu ma na xamula ka fulaho, ni ka dosi, ni ka mafura; sona si na xamula ka Jezireyeli.