Jeremiya 24:5 - Bhiblia Yo Sawuleka

⁵ Mkoma, Txizimu txa Israyeli, a khene: Nga kule vathu va tsakako ngu maxanvu amanene, ngu toneto ni na tsaka ngu Vajudha va va nga sungwa, ni xayisa kwati va ni nga va humisa ka wuwa wukhalo ni va yisa ditikoni ka Vakaldheya.

Jeremiya 24:5 Referans Kwoze

Zakariya 13:9

Se ni na pindisa dile da wuraru ngu ha ka mndilo, ni txi di sawulekisa, ku nga tile yi nga sawulekisa tona silivhela, kambe ni na di duka ku nga ti yi dukiswako tona nzalama, dona di na dhumisa ditina dangu, se ani ni na di engisa; ni na khani: Mbathu vangu; se dona di na kha dona: Mkoma, Njizimu txangu.

Nahume 1:7

Mkoma mnene, dikhokhola ka ditshiku da xomulo, kambe wa va ziva ava va thembako kwakwe.

Mtuletelo 3:19

Ani na kawuka ni kutsayisa votshe vava ni va randako. Wuseta kukhutala kwako u hunduluka.

2 Timoti 2:19

Hambi keto, makhato o tsana ma nga vekwa ngu Txizimu ma ngadi zumbisekile, ma nyathetwe txitambu txa dipswi diya di ku: “Mkoma wa va ziva ava va mlumbako.” Ni tiya kambe taku: “Wuhi ni wuhi a fakazako ngu ditina da Mkoma a na hambane ni wubihi.”

Vagalatiya 4:9

Aniko konkuwa, ngako mi txi zivako Txizimu, mwendo, ngu mawombelo a txhuko, ngako mi ziwako ngu Txizimu, ti mahisa kutxani kutshumela kambe mi ya ka sa ku ambi na mtamo ni sa wusiwana, mi lava ku ti maha sithumi sa sona kani?

1 Vakorinto 8:3

Aniko, ngako m'thu a txi randa Txizimu, eyo wa ziwa ngu txona.

Varoma 8:28

Athu ha tiziva ti to Txizimu txa tshanganisa sotshe si txi maha wunene ka vale va txi dhundako, avale txona txi nga va dhana ngu kuranda ka txona.

Johani 10:27

Tinvuta tangu ta engisa dipswi dangu, se ani na tiziva, nitona ta ni londisa.

Matewu 25:12

Aniko ene a to ti xamula a txi khene: ‘Kha ditshuri na mi gela ti to kha ni mi zivi.’

Masalmo 119:71

Ndinene ni nga mana kutsayiswa, kasi ku ni gonda silayelo sako.

Masalmo 119:67

Mbimo yiya ni nga sinzi kuxaniseka, ni ti lekile nzila ya yinene; aniko konkuwa na londeta dipswi dako.

Dhewuteronome 8:16

awule a nga kudyisa manna txiwulani, aale vatate vanu va nga mbi ma ziva, na a txi mahela ku kuxanisa ni ku kuduka, kasi ku a txi ku mahela ta tinene;

Jeremiya 24:4

Sekoko mhaka ya Mkoma yi tile kwangu, yi txi kha yona:

Jeremiya 29:4

Mkoma wa Mabutho a Tiyimbi, Txizimu txa Israyeli, a khene: Ka votshe vale va nga tekwa, ni nga va maha ve tekwa Jerusalema ve yiswa Bhabhilona:

Jeremiya 29:20

Ngu konaho, pfanani mhaka ya Mkoma, anu motshenu mi ku wukhumbini, anu ni nga mi rumela ngu Jerusalema kuya Bhabhilona.

Ezekhiyele 11:17

Ngu kumaha keto, womba ku khawe: Mkoma a womba tiya: Ni na mi sengeleta hagari ka vathu, kambe ni na mi wuyisa ngu ka matiko ale mi nga tshotshwa ka ona.

Levhi 26:44

Hambi ka toneto, ngako va di payutwe veya maneka ditikoni ka valala vawe, kha ni na mbi va leka, kha ni na mbi va tsukula aha koza ni txi va fuvisa, ni divala txitumelelano txi ni nga txi maha navo, nguko ani ngani Mkoma, Txizimu txawe.

Jeremiya 29:11

Nguko na tiziva ti ni xuvako tona ngu nganu, kuwomba Mkoma: Maalakanyo a kuthutha, na i si nga a dikhombo, ti taku ni verela masiku matako.

Ezekhiyele 11:20

kasi kuva txi na tsimbila ngu sileleto sangu, va txi xayisa silayelo sangu ni ku si maha; se vona va na va vathu vangu, ani ni na va Txizimu txawe.