Jeremiya 23:4 - Bhiblia Yo Sawuleka

⁴ Ni na emisa vadyisi txitimwi ka tona, ava va no ti dyisa. Kha ti na mbi ngadi ti thava, hambi kudhudhumela, kha ku na mbi pwateka ni ya yimweyo, kuwomba Mkoma.

Jeremiya 23:4 Referans Kwoze

1 Pedro 1:5

anu mi vhikelwako ngu mtamo wa Txizimu, ni likholo la kuhanyiswa kuwa hi ku hafuhi ni ku kuwona ka masiku o gwitisa.

Johani 18:9

Ti mahekile tiya kasi kutatiseka dipswi di Jesu a ngadi womba, a txi khene: “Ka vale u nga ni ninga, awalo ni wammweyo ni nga mwalalelwa ngene.”

Johani 17:12

Ni di ngadi navo ha mafuni, ni ti va xayisa ditinani kwako. Ni va xayisile ava u nga ni ninga; se kha ku nga ho ni wammweyo a nga lova, i si nga ene mwanana wa kulova, kufela ku Mibhalo yi tatiseka.

Mika 5:2

Awe Bhetlehema wa Efrata, awe u ku wam'dotho hagari ka Judha, ku na huma ngu kwako awu a no va Mfumeli wa Israyeli, eyo makhato akwe i ku a kukhukhela kale, kukhukhela ka masiku a kaleko.

Jeremiya 33:26

ni na leka liveleko la Jakobe ni la Dhavhidha txithumi txangu, ti taku ni si dhuki ni teka hagari ka vanana vakwe awu a no fumela liveleko la Abrahama, Isaake ni Jakobe, nguko ni na wuyisa va vo ñolwa vawe ni txi va hawukela.

Jeremiya 31:10

Engisani Dipswi da Mkoma anu matiko, zivisani sitondolo sa kule, mi txi khanu: Awu a nga hangalasa Israyeli a na mu sengeleta, a txi mu xayisa nga m'dyisi ka tinvuta takwe.

Jeremiya 30:10

U nga thave koko, awe txithumi txangu Jakobe, kuwomba Mkoma, kambe u nga xamale, awe Israyeli; nguko ni na kuhumisa ka matiko a kule, ni vanana vako, ngu ditikoni ka wukhumbi wawe; se Jakobe a na wuya, e ta humula, kambe a na zumbiseka, kha ku na mbi vaho wo m'dhukisela.

Isaya 11:11

Nguko ti na maheka tito, ka ditshiku donedo, a na nawuluta kambe dianza dakwe e teka miboti ya vathu vakwe vale va nga sala Asiriya, ni Egipta, ni Patro, ni Etiyopiya, ni Elame, ni Sinari, ni Hamati, ni sitondoloni ka linene.

Mitengo 31:49

se va txi kha vona ka Mosi: Sithumi sako si bate masotxhwa awa hi ma thangelako, se hi mani ti to vaho votshe, kha ku pwateki ni wammweyo kwathu.

Mika 7:14

Dyisa vathu vako ngu ndonga yako, i ku mtxhambi wa thomba yako wu zumbako wokha txitingani, hagari ka ditiko do nona; wu na dyiselwe Bhasani ni Gileyadhi, kufana ni masiku a kale.

Levhi 26:9

Ni na mi khatalela, ni txi mi maha mi velekela, ni txi mi andisa, kambe ni na tsanisa txitumelelano txangu ni nanu.

Ezekhiyele 36:11

Aniko ni na andisa vathu ni sihari txitimwi kwanu; vona va na velekela ve anda; se ni na mi maha mi zumba nga kukhatani, ni txhukwata dihanyo danu kupinda kukhatani; mi na tiziva taku ani, ngani Mkoma.

Mika 4:4

Se dimwani ni dimwani di na khalahatsha hahatshi ka m'vhinya wa dona, ni hahatshi ka mkuwu wa dona, se kha ku na mbi va ni wo va dhukisa, nguko txisofu txa Mkoma wa Mabutho a Tiyimbi, txi wombile.

Zefaniya 3:13

Miboti ya Israyeli kha yi na mbi maha wubihi, hambi kuwombawomba makuhu, ni mkanani kwawe kha ku na mbi huma mapswi o kanganyisa, nguko va na dyiswa, va na otela, kambe kha ku na mbi va ni wo va dhukisa.