Jeremiya 23:33 - Bhiblia Yo Sawuleka

³³ Ngako vathu vava, mwendo mprofeti, mwendo mphaxeli, va txi ku wotisa, va txi kha vona: Ngu wuhi mrwalo wa Mkoma kani? Sekoko u na va xamula, u txi khawe: Nganu mrwalo wa kona! Ni na mi ginyalata, kuwomba Mkoma.

Jeremiya 23:33 Referans Kwoze

Malakiya 1:1

Dipswi da Mkoma do lamula Israyeli, di nga wombwa ngu Malakiya.

Habhakuki 1:1

Kulamulwa ku nga wombwa ka mprofeti Habhakuki ngu txiwoniso.

Nahume 1:1

Kulamulwa ka Ninivha. Dibhuku da txiwoniso txa Nahume, Muelikoxi.

Hoseya 9:12

Hambi va txi ta wunja vanana vawe, ani ni na va tekela, ku si sali m'thu ni wammweyo; nguko dikhombo kwawe, ngako kambe vona va txi ni leka!

Jeremiya 12:7

Ni tutumile Dithepele dangu, ni site thomba yangu; ni ningete txirandwa txangu manzani ka valala va txona.

Isaya 13:1

Mahungu ya ma nga woniswa Isaya mwana Amosi, madingano ni Bhabhilona.

Jeremiya 17:15

Wona, va womba kwangu, va txi kha vona: “Ku hayi koko kudhukisela ka Mkoma kani? Ku na maheke koko ka!”

Isaya 14:28

Mahungu awa ma zivisilwe ngu dilembe dile mfumeli Akazi a nga fa ngu dona.

2 Makronika 15:2

Se a to huma eya ka Asa a txiya khene: Awe Asa ni nanu motshenu va ka Judha, ni va ka Bhenjamini ni engiseni, Mkoma ani nanu, ngako anu mi di ni nene; ngako mi txi mlava mi na mmana, mi txi m'leka nene a na mi leka.

Zakariya 9:1

Dipswi da Mkoma do wukela ditiko da Hadraki ni Dhamasku, i ku wukhalo wakwe wo humula ka wona; nguko mawonelo a vathu ni a totshe tihunzu ta ka Israyeli, ma rendekela ka Mkoma.

2 Vafumeli 23:27

Se Mkoma a to khene: Kambe Judha ni na mthavisa masoni kwangu, ku nga kule ni nga thavisa Israyeli, ni na tsukula didhoropa diya da Jerusalema ni ngadi sawula, kumweko ni nyumba yile ni nga khani: Di nava konemo ditina dangu.

Jeremiya 6:30

Vona va na wombwa ku i silivhela yo lekwa, nguko Mkoma a va lekile.

Jeremiya 7:15

Ni na mi tutumisa masoni kwangu, ngako ni hinganako ni ti tutumisile tindiyanu totshe, lihunzu lotshe la ka Israyeli.

Ezekhiyele 12:21

Di tile kambe kwangu dipswi da Mkoma, di txi ta kha dona: