Jeremiya 23:30 - Bhiblia Yo Sawuleka

³⁰ Ngu konaho, na wukela vaprofeti, kuwomba Mkoma, ava va pako timhaka tangu, mmweyo ni mmweyo ka dixaka dakwe.

Jeremiya 23:30 Referans Kwoze

Dhewuteronome 18:20

Kambe mprofeti wule a no tsana e womba-womba ngu ditina dangu, mhaka yi ani ni nga mbi mleleta, mwendo a txi womba-womba ngu ditina da simwani sizimu, eyo mprofeti a na fa.”

Ezekhiyele 13:8

Ngu tona eto, Mkoma Txizimu a khene: Ngako mi wombawombako ta manyala ni kuwomba makuhu, ngu toneto, ani na mi wukela, kuwomba Mkoma Txizimu.

Ezekhiyele 13:20

Ngu kumaha keto, Mkoma Txizimu a khene: Nata kheyo, ku ta thavisa sikhigelo sanu, asile anu mi xotako mihefemulo nga ova sinyana, se ni nata si honyola mawokoni kwanu; ni nata txhatxhisa mihefemulo yile mi yi xotako nga ova sinyana.

Masalmo 34:16

Kuhenya ka Mkoma ku txitimwi ka vabihi, kasiku ve fuva ha ditikoni, ve divalwa.

Ezekhiyele 15:7

Se ni na va ronokela; vona va na huma ngu mndiloni, aniko mndilo wu na va tshokomisa; va na tiziva taku ani ngani Mkoma, aha ni no va ni di va ronokete.

1 Pedro 3:12

Nguko, maso a Txizimu ma woneleta va vo lulama, ni tinzeve ta txona tiengisa mikombelo yawe; aniko, khohe ya Mkoma yi thuvikela ava va mahako to biha.

Jeremiya 44:29

Atxiya txi na va txikombiso kwanu, kuwomba Mkoma, ani ni na mi tsayisa ka wuwa wukhalo, kuva mi txi na ziva tito, kha ditshuri, mapswi angu ma na mi wukela.

Jeremiya 44:11

Ngu konaho, Mkoma wa Mabutho a Tiyimbi, Txizimu txa Israyeli, a womba tiya: Ni na mi henyela, ni txi mi thuvikela, ni txi fuvisa Judha.

Dhewuteronome 29:20

Mkoma kha na mbi m'divalela, nguko kuhenya kwakwe ni txiviti txakwe, si na tura txitimwi ka eneyo m'thu, a txi welwa ngu otshe makhombo, aawa ma nga bhalwa ka diya dibhuku, se Mkoma a na pfhita ditina dakwe hahatshi ka nzuma.

Levhi 26:17

Ni na mi tshuralela, kambe mi na xulwa ngu valala vanu; avale va mi vengako va na mi khozisa, se anu mi na tutuma mi txi thava, na mi si tutumiswi.

Levhi 20:3

Ni na mronokela ngu maso angu, ni txi mwukela eyo m'thu, ni na mtutumisa hagari ka vathu va ka kwawe, nguko a ningete mwanana wakwe ka Moloke, e nyenyezisa wukhalo wangu wo sawuleka, ni ku bihisa ditina dangu do sawuleka.

Jeremiya 21:13

Hi nga wona, ni ni txisolo ni nawe wo zumba mkovani, awe dirigwi da libalani, kuwomba Mkoma; ni ni mhaka ni nanu mi ku khanu: I mani a no relela e ta hi wukela kani? I mani a no wulela dizumboni kwathu kani?

Jeremiya 23:31

Na wukela vaprofeti, kuwomba Mkoma, ava va txhumayelako ngu tidimi tawe, na va txi kha vona: Mkoma a khene: