Jeremiya 23:3 - Bhiblia Yo Sawuleka

³ Ani nipune ni na sengeleta misalela ya tinvuta tangu, ti huma ngu ka otshe matiko amu ni nga ti hangalasa kona, ni txi ti tshumetela wudyiseloni ka tona; ti na veleka ti txi anda.

Jeremiya 23:3 Referans Kwoze

Jeremiya 32:37

Wonani, ni na mi tshanganisela ngu matikoni kotshe, ayo ni nga va tutumisela ka ona kuhenyani kwangu ni txiviti txangu ni dikhulo da hombe; ni na tshumela ni va wuyisa ka wukhalo wuwa, ni va maha ve zumbiseka.

Jeremiya 29:14

Ni na manwa ngu nganu, kuwomba Mkoma, ni na tshumeta va va nga ñolwa, ni na mi sengeleta ngu ka otshe matiko, ni ka otshe madhawa, awa ni nga mi hangalasa ka ona, kuwomba Mkoma; ni na tshumela ni txi mi wuyisa ka wukhalo wu ni nga mi tutumisa ka wona, mi txi ya wukhumbini.

Jeremiya 30:3

Nguko ma ngadi ma txi ta masiku, kuwomba Mkoma, ayo ni no tshumeta ngu ona ava vo sungwa, i ku Israyeli ni Judha, kuwomba Mkoma. Ni na va wuyisa ditikoni mu ni nga ha vakokwani vawe, va na di fumela.

Ezekhiyele 11:17

Ngu kumaha keto, womba ku khawe: Mkoma a womba tiya: Ni na mi sengeleta hagari ka vathu, kambe ni na mi wuyisa ngu ka matiko ale mi nga tshotshwa ka ona.

Jeremiya 31:8

Ni na va wuyisa ngu ditikoni ka Wuphemba, ni txi va sengeleta ngu magemeta-mitshi ka mafu; kumweko navo, ku ni mabhofu ni silima, vo khosa, va na wuya i ti didhendele da hombe.

Masalmo 106:47

Hi hanyise, Mkoma, Txizimu txathu! Hi humise hagari ka vamatiko, u txi hi sengeleta, kasi ku hi txi kubonga, Txizimu txo Sawuleka hi txi kutsakela ngu ku kudhumisa.

Ezekhiyele 36:24

Aniko ni na mi teka hagari ka matiko, ni txi mi sengeleta ngu ka otshe matiko, ni mi wuyisa ditikoni kwanu.

Ezekhiyele 36:37

Mkoma Txizimu a khene: Kambe ngu mhaka ya tona eto, nyumba ya ka Israyeli yi na ni kombela, ati to ni txi yi mahela: Kuandisa vathu va yona, kufana ni mtxhambi.

Mika 7:12

Ka dona ditshiku dile va nata kwako, kukhukhela Asiriya kala ka madhoropa a mtamo, ni kukhukhela makhokholani kala mnamboni, ni kukhukhela lineneni kala ka limwani linene, ni ka mmango kala ka wumwani mmango.

Jeremiya 8:3

Ni va va nga sala ka lixaka la wubihi wa ku nga eto va na randa kufa kupinda kuhanya, ka otshe makhalo awa ni nga va tutumisa ka ona, kuwomba Mkoma wa Mabutho a Tiyimbi.

Jeremiya 30:10

U nga thave koko, awe txithumi txangu Jakobe, kuwomba Mkoma, kambe u nga xamale, awe Israyeli; nguko ni na kuhumisa ka matiko a kule, ni vanana vako, ngu ditikoni ka wukhumbi wawe; se Jakobe a na wuya, e ta humula, kambe a na zumbiseka, kha ku na mbi vaho wo m'dhukisela.

Jeremiya 31:7

Nguko Mkoma a khene: Embelelani ngu litsako ka Jakobe, giringani ngu mhaka ya wu i ku mfumeli wa matiko; embelelani tindando, mi txi khanu: Mkoma, hanyisa vathu vako, i ku misalelwa ya Israyeli.

Jeremiya 46:27

U nga thave, awe txithumi txangu Jakobe, hambi kuxamala awe Israyeli; nguko ni na kuhumisa ngu kule, ni vanana vako ngu ditikoni ka wukhumbi; se Jakobe a na wiya, a txi ta humula ni kuzumbiseka kha ku na mbi maneka wo m'dhukisela.

Levhi 26:9

Ni na mi khatalela, ni txi mi maha mi velekela, ni txi mi andisa, kambe ni na tsanisa txitumelelano txangu ni nanu.

Jeremiya 16:15

Aniko va na kha vona: Mkoma a hanyako, awu a nga humisa vanana va ka Israyeli ngu ditikoni ka Wuphemba, ni ka otshe matiko awa a nga ti va tutumisete ka ona. Ni na va wuyisa kambe ditikoni kwawe adi ni nga ninga vatate vawe!

Jeremiya 50:19

Israyeli ni na mmaha e tshumelela dizumboni kwakwe, a na dyisela Karmeli ni Bhasani; moya wakwe wu na khuriswa kona Efrayime ni Gileyadhi.

Ezekhiyele 36:11

Aniko ni na andisa vathu ni sihari txitimwi kwanu; vona va na velekela ve anda; se ni na mi maha mi zumba nga kukhatani, ni txhukwata dihanyo danu kupinda kukhatani; mi na tiziva taku ani, ngani Mkoma.

Mika 2:12

Kha ditshuri ni na kusengeleta awe Jokobe; kha ditshuri ni na sengeleta votshe vale va nga sala va ka Israyeli; votshelele, ni na va veka ka wukhalo wumwewo, kufana ni tinvuta ta Bhozira; nga mtxhambi txibalani ka wona, va na maha diguwa ngu mhaka ya kutala kwawe.