Jeremiya 23:28 - Bhiblia Yo Sawuleka

²⁸ Mprofeti wu aku ni mloro, a na wu xawutele; aniko awu a ku ni mhaka yangu, nga a txi txhumayela yona ngu kuthembeka. Ngu kutxani mi pata mthungu ni fulaho kani? Kuwomba Mkoma!

Jeremiya 23:28 Referans Kwoze

1 Timoti 1:12

Na bonga ka wule a nga ni ninga mtamo, Kristu Jesu, Mkoma wathu, a nga ni wona ni di wo thembeka, a txi ni sawula kasiku ni mthumela,

2 Vakorinto 2:17

Nguko athu kha hi fanani ni vamwani vathu vavangi, ava va mahako dibhindu do biha ngu dipswi da Txizimu. Aniko ngu txona Txizimu txi nga hi ruma. Se ngu toneto, hi womba-womba ha kubasani mapswi o tuletelwa ngu Txizimu, nga sithumi sa Kristu.

Luka 12:42

Mkoma a xamute a txi khene: “Ngu wuhi muwoneleti wo thembeka ni kutxhariha, awu Mkoma a no mu veka masoni ka sithumi, kasiku e avela sakudya ngu mbimo yi yi lavekako kani?

Matewu 24:45

“Ngu toneto, i mani i ku txithumi txo thembeka na a di ni wutxhari, awu a nga vekwa ngu nyamne masoni ka sithumi sakwe, kasiku e si phamela sakudya ngu txikhati txi txi fanelako kani?

Mavingu 14:5

Fakazi ya ditshuri kha yi na kuhemba, aniko fakazi ya makuhu yi wombawombela makuhu.

1 Vakorinto 4:2

Se vaaveli ta laveka va txi maneka i di vo thembeka.

Jeremiya 9:12

I mani a nga txhariha madingano ni ku e ziva tiya kani? I mani wuwa txisofu txa Mkoma txi nga womba-womba kwakwe, kasi e hi zivisa ti taku ditiko di onhisilwe ngu kutxani kala di ti hisilwe kufana ni txiwula, ku si ngadi kupinda ni m'thu kani?

Jeremiya 9:20

Anu vavasikati, hi nga pfani mhaka ya Mkoma, ni tinzeve tanu ti na amukele dipswi da txisofu txakwe. Gondisani txidilo ka vanana vanu va txisikati, mmweyo ni mmweyo e gondisa lisima la txidilo.

Jeremiya 23:25

Ni pfite ti va wombako vaprofeti, ava va profetako makuhu ngu ditina dangu, va txi kha vona: Ni lorile, ni lorile!

Jeremiya 42:4

Se mprofeti Jeremiya a to khene kwakwe: Ni mi engisile; ni na mi kombelela ka Mkoma, Txizimu txanu, ngako mi ti lavisako toneto. Ni tihi ti Mkoma a no mi xamula ni na mi gela; na mbi mi sisela txilo.

Ezekhiyele 13:3

Mkoma Txizimu a khene: Dikhombo ka vaprofeti vo hundeka, va londetako kuranda kwawe vapune, ni ti va nga mbi ti wona!

1 Vafumeli 22:14

Sekoko Mikaya a to khene: Ni xambanya ngu Mkoma a hanyako ti taku, ati Mkoma a no ni gela, ni na maha.

1 Vafumeli 22:16

Se mfumeli Akabe a to khene: Ni na ku xambanyela ku nga hi, ti to u nga ni gele makuhu, womba ditshuri ditinani ka Mkoma kani?

Isaya 21:10

O! Awe u nga Hulwa, awe fulaho ya wuhulelo wangu! Ati ni nga tipfa ngu ka Mkoma wa Mabutho a Tiyimbi, Txizimu txa ka Israyeli, ngutu ni nga mi zivisa.