Jeremiya 23:25 - Bhiblia Yo Sawuleka

²⁵ Ni pfite ti va wombako vaprofeti, ava va profetako makuhu ngu ditina dangu, va txi kha vona: Ni lorile, ni lorile!

Jeremiya 23:25 Referans Kwoze

Jeremiya 23:32

Ina, na wukela vale va profetako makuhu, kuwomba Mkoma, ngako va txi yi xawutela, ve hambukisa vathu vangu ngu makuhu awe ni kulalata kwawe. Kuve ani kha na va ruma, hambi ku va elela; kha va na txivhuno txa txilo ka vava vathu, kuwomba Mkoma!

Joyeli 2:28

Se ku na maheka taku, ni tshakunuta Moya wangu txitimwi ka nyama yotshe, se vanana vanu va majaha ni vamahorana va na phorofeta, sikosana sanu si na va ni miloro, vavaphya vanu va na va ni siwoniso.

Jeremiya 29:8

Nguko Mkoma wa Mabutho a Tiyimbi, Txizimu txa ka Israyeli, a khene: Mi nga lundumisweni ngu vaprofeti vanu, ava va ku hagari kwanu, ni vahuteteli vanu, mi nga dhuke mi txi engisa miloro yawe.

Jeremiya 23:28

Mprofeti wu aku ni mloro, a na wu xawutele; aniko awu a ku ni mhaka yangu, nga a txi txhumayela yona ngu kuthembeka. Ngu kutxani mi pata mthungu ni fulaho kani? Kuwomba Mkoma!

1 Vakorinto 4:5

Ngu toneto, mi nga tekeleni kulamula, txi sinzi kuhoka txikhati, kala kuwuyani ka Mkoma, awu a nota woninga mithumo yi yi nga sisala mtemani, e wonekisa makungo a timbilu. Se ngu konaho mmwani ni mmwani a nota amukela ka Txizimu wudhumo wu wu m'fanelako.

Jeremiya 8:6

Ni riyile nzeve, ni engisela, aniko kha va wombi ditshuri; kha ngaho a hundulukako kubihani kwakwe, a txi khene: Intxani ni nga txi maha kani? Votshe va tutuma nga mahantxhi ma kuluvetelako kulwani.

Mitengo 12:6

Se a txi khene: “Konkuwa engisani mapswi angu; ngako ku ti ni mprofeti, ani Mkoma, ni na ti wonekisa kwakwe ngu txiwoniso, ni womba-womba nayo ngu mloro.

Mtuletelo 2:23

Ni na daya vanana vakwe, kasiku otshe Mabanza me tiziva ti to ngani ni zivako makungo a titsho ni a mbilu, ni ti to mmweyo ni mmweyo wanu ni na mu tshumetela madingano ni mithumo yakwe.

Vahebheru 4:13

Kha txi nga ho txiwumbwa ni txa tximwetxo txi sikotako kusisala masoni ka Txizimu, nguko, sotshe si tulekile si txi maneka si di ha kubasani masoni ka wule hi fanelako kuya thethiswa ngu ngene.

Luka 12:3

Ngu toneto, totshe ti mi nga ti womba txidemani, ti na pfala kuwonekelani; ati mi nga lengelana tinzeveni, tinyumbani ti na wombwa siroroni ka tinyumba.”

Matewu 1:20

Na a di pimisile toneto, ha wukoheni a to lora a txi wona Ngelozi ya Mkoma yi nga mu gela tiya: “Josefa, mwanana wa Dhavhidha, u nga thave kutekana ni Mariya, kasi kuva msikati wako, nguko txirumbu txi a ku natxo, txi ta ngu ka Moya wo Sawuleka;

Jeremiya 29:23

Nguko va mahile wuphuta muwa ka Israyeli, ngu kuotela ni vasikati va vaakelani vawe, ni kuwombawomba makuhu ngu ditina dangu, i ku ti ni nga mbi va laya. Ani na tiziva, ni fakazi ya tona eto, kuwomba Mkoma.

Jeremiya 16:17

Nguko maso angu ma ti wonetela tinzilani kwawe kotshe; kha va sisala masoni kwangu, ni si onho sawe kha si sisaleki masoni kwangu.

Jeremiya 14:14

Mkoma a to ni xamula, a txi khene: Vaprofeti va profeta makuhu ngu ditina dangu; kha na va ruka, kha na va laya; kha na womba txilo kwawe. Va profeta kwangu siwoniso sa makuhu ni kuhuta, ta walo to divalisa timbilu tawe.

Jeremiya 13:27

Ni wonile wugango wako, ni kudila ka kunavela kwako, wugango wako wo phindeletisa, amu mimangoni ni mu tithembweni. Dikhombo kwako Jerusalema! U na verela kala yihi mbimo na u si basiswi kani?

Masalmo 139:4

Ani ni sinzi kutula txisofu txangu, awe wa tiziva ngu kale ati ni lavako kuwomba.

Masalmo 139:2

Awe wa ziva kukhalahatsha kwangu, ni kukhukha kwangu ni ema; na u di kule, wa ziva mipimiso yangu.

Genesisi 37:9

Ene a to lora wumwani mloro, awu a nga wu xawutela ka vanawe, a txi khene: “Ni lorile wumwani mloro: Ni woni ditambo, mtxima ni digumi da tinyeleti ni yimweyo, na si txi ni khizamela.”

Genesisi 37:5

Sekoko, dimwani da masiku, Josefa a to lora ni wusiku, se ngu msana a to txhamusela mloro wuwa ka vanawe; ngu mhaka yeto, livengo lawe li to kula ngutu.

Jeremiya 27:10

Nguko makuhu va profetako kwanu, kasi ku mi txi huma ditikoni kwanu mi txi yiswa kule; kuva ni txi na mi tutumisa, mi txi ya lova.

Jeremiya 27:15

Nguko kha na va ruma, kuwomba Mkoma, vo profeta makuhu ngu ditina dangu, ku va ani ni txi na mi hangalasa, mi txi lova, anu ni vo va va mi profetelako makuhu.

Sidilo 2:14

Vaprofeti vako va ku wonete siwoniso sa manyala ni wuhundwa, kambe va tandekile kunuwela wubihi wako, kasi kuretha wukhumbi wako; aniko va woni tithundu ta walo, ni so dingana ku kutovelisa va txi kuxenga ngu tona.

Ezekhiyele 22:28

Kambe vaprofeti va kona va ti maha dibumba da kwa mbi patelwa, va txi wona kwa mbi nyawula, va txi va gela makuhu va txi kha vona: Mkoma Txizimu a khene; na a sa womba txilo Mkoma.

Zakariya 13:3

Se ku na maheka taku, ngako wokari a txi ngadi e profeta, tate wakwe ni mwamwakwe va nga m'veleka, va na kha vona: Khu na mbi hanya, nguko u wombawombile makuhu ngu ditina da Mkoma; se tate wakwe ni mwamwakwe, va nga m'veleka, va na thola efa, a txi ngadi e profeta.