Jeremiya 23:24 - Bhiblia Yo Sawuleka

²⁴ Ina m'thu a nga sisala ka makhalo a sihunja saku ve ni si mmoni kani? Kuwomba Mkoma. Ina kha ni tati nzuma ni mafu kani? Kuwomba Mkoma.

Jeremiya 23:24 Referans Kwoze

Mavingu 15:3

Maso a Mkoma ma wona ka otshe makhalo, ma wonetela vabihi ni vavanene.

Masalmo 139:7

Ni nga ya hani kasi kuya va kule ni Moya wako kani? Ni nga thavela hani kasi kuve kule ni khohe yako kani?

Masalmo 90:8

Awe u vekile sionho sathu masoni kwako wa landula sionho si hi nga si maha kusisalani.

Isaya 29:15

Dikhombo ka vale va lavako kusisela Mkoma makungo awe! Va maha mithumo yawe txidemani, va txi kha vona: I mani a hi wonako kani? Niku i mani a hi zivako kani?

1 Vafumeli 8:27

I na ngu ditshuri txi ndi na zumba Txizimu ha mafuni kani? Wona taku tinzuma kala ka nzuma ya tinzuma kha ti sikoti ku u enela ka tona, se ngutu-ngutu nyumba yiya ni nga yi aka.

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.

Isaya 66:1

Mkoma a womba tiya: Nzuma njikhalo txangu txa wukoma, se mafu njikhigelo txa mikondo yangu. I nyumba muni mi no ni akela anu kani? Niku wukhalo wa kuhumula kwangu i ngava wuhi kani?

Masalmo 10:11

Ngu msana, a womba mbiluni kwakwe, a txi khene: “Txizimu txa divala, txa sisa khohe ya txona, kha txi woni txilo.”

2 Makronika 6:18

Ina ngu ditshuri Txizimu txi ndi na zumba ni vathu ha mafuni kani? Wona taku tinzuma kala ka nzuma ya tinzuma nga ti si sikoti ku u enela ka tona, se ngutu-ngutu nyumba yiya ni nga yi aka.

Vaefesu 1:23

adiya i ku mmidi wakwe, dona Dibanza diya di ningwako kuhetiseka ngu Kristu, i ku ene a ningako kuhetisela ka sotshe simaha.

2 Makronika 2:6

Kambe i mani a nga vako ni mtamo waku muakela nyumba, nguko hambi nzuma kala ka nzuma ya tinzuma kha eneli ka tona kani? Niku ni mani ani, wo ni nga muakela nyumba, yo hisela ka yona dibaselo masoni kwakwe kani?

Dhaniyeli 4:35

Se votshe vaaki va ha mafuni hi nga va txilo masoni kwakwe, se madingano ni kuranda kwakwe, ene a thuma ni dibutho da nzumani ni vaaki va ha mafuni. Kha ngaho wu a nga tsivelako dianza dakwe, hambi ku wotisa taku: U maha txani kani?

Ezekhiyele 9:9

Sekoko a to ni gela ku khene: Wubihi wa nyumba ya Israyeli ni ya ka Judha mbwa hombe ngutu, ditiko di tate ngu mnoha, ni didhoropa di tate ngu wukanganyisi; vona va kha vona: Mkoma a lekile ditiko. Mkoma kha woni.

Ezekhiyele 8:12

Sekoko a to ni gela ku khene: U ti woni, awe mwanana wa m'thu, a ti madhota a nyumba ya ka Israyeli ma mahetelako txidemani, mmweyo ni mmweyo nyumbani kwakwe ko pendetelwa sifananiso kani? Kambe vona va kha vona: Mkoma kha hi woni, Mkoma a lekile mafuni.

Jeremiya 49:10

Aniko mbimo yile ni nga tutumisa Esawu, ni ti ko tumbula sihunja sakwe, kha na mbi sikota kusisala, ku na hasamulwa vanana vakwe, kumweko ni vanawe, ni vaakelani, se asi swi i di ene.

Masalmo 148:13

Hi nga dhumisani ditina da Mkoma, nguko ditina dakwe ngu dona di guletwako; wudhumo wakwe wu txitimwi ka nzuma ni mafu!

Genesisi 16:13

Se Hagari a to raya Mkoma wule a nga ti womba-womba nayo, ditina do khene: “Awe u Txizimu txo wonwa,” nguko u ti khawe: “Ina kha na wona Txizimu txi txi ni wonako kani?”

Vahebheru 4:13

Kha txi nga ho txiwumbwa ni txa tximwetxo txi sikotako kusisala masoni ka Txizimu, nguko, sotshe si tulekile si txi maneka si di ha kubasani masoni ka wule hi fanelako kuya thethiswa ngu ngene.

Jobe 34:21

Nguko maso a Txizimu ma wonetela dihanyo da m'thu ni m'thu, kambe txa wona kotshe mu hi kandako kona.

Jobe 34:22

Kha ku nga ni txidema, hambi mtsudi wa lifo, ko dingana ku vaonhi va nga sisala kona.

Jeremiya 16:17

Nguko maso angu ma ti wonetela tinzilani kwawe kotshe; kha va sisala masoni kwangu, ni si onho sawe kha si sisaleki masoni kwangu.

Jeremiya 32:19

U wa hombe mu ka makungo, u ni mtamo mu ka kumaha, maso ako ma wona otshe mahanyelo a vathu, kasi kuninga ka mmwani ni mmwani madingano ni mahanyelo akwe, ni madingano ni mihando yakwe.

Dhaniyeli 2:22

Txi wonekisa timhaka totshe ti ti ku kusisalani, txi ziva totshe ti ku txidemani, ni liwoningo li zumba ni Txizimu.

Masalmo 139:8

Ngako ni txi kwela nzumani awe waho koneyo; ngako ni txi relela ditikoni ka vafi, koneyo kambe waho.