Jeremiya 23:2 - Bhiblia Yo Sawuleka

² Ngu konaho, Mkoma, Txizimu txa Israyeli, a khene xungetano ni vadyisi va vathu vangu: “Anu mi hangalasile tinvuta tangu, mi txi ti tutumisa, kha ma khatala ngu tona. Ni na mi tsayisa ngu mhaka ya kubiha ka simaho sanu, kuwomba Mkoma.”

Jeremiya 23:2 Referans Kwoze

Mika 7:4

Wa txukwana kwawe a fana ni mpa; wo lulama a pinda ni mndonga wa mipa; di tshuketile ditshiku da kutsayiswa ka vawoneleli vako, kutile kuendelwa kwako; konkuwa ku nava ni pfilu-pfilu.

Jeremiya 21:12

Anu nyumba ya ka Dhavhidha, Mkoma a khene: Lamulani ngu kululama i di ngadi mixo; mi hulukisa wu a handwako, manzani ka wu a mtsindavetako; kasi ku kuhenya kwangu ku si turi nga mndilo, ku txi hisa ha kaku ku txi pwateka ni wo tima, ngu mhaka ya wubihi wa mithumo yanu.

Eksodha 32:34

Tsula koko konkuwa, thangela vathu u txi ya ha ni nga kuleleta kona. Ngelozi yangu yi na thangela masoni kwako. Aniko ka ditshiku di ni nota thethisa, ni nata va tsayisa ngu txionho txawe.”

Jeremiya 23:34

Mprofeti, mwendo mphaxeli, mwendo m'thu wu a no womba, a txi khene: Mrwalo wa Mkoma, eyo ni na mtsayisa kumweko ni votshe va nyumba yakwe.

Jakobe 1:27

Nguko, wukholwa wa ditshuri wo mbi na dikhwiti masoni ka Txizimu, Tate wathu, ngu kudingula va vo felwa ngu vaveleki, ni vale i ku tinoni, kuxanisekani kwakwe, ni ku ti vhikela kambe ka nzambwa ya ditiko.

Matewu 25:43

mbimo yi ni nga ti muendi, kha ma ni amukela; ni ti ti ni wusakato, aniko kha ma ni ambeka; mbimo yi ni nga ti ti lwala mwendo ni nga ti ku khotelwani, kha mata mi ta ni xola.’ ”

Hoseya 2:13

Na mtsayisa ngu mhaka ya masiku a Bhahali, ale a nga m'hisela ngu ona dibaselo, a txi ti bombisa ngu singeda sakwe ni wusekenya mkoloni kwakwe, ni kulondetela sigango sakwe, aniko ani a ni divate, kuwomba Mkoma.

Jeremiya 13:21

U na txani ngako a txi veka vakakwanu ku kufumela kani? Ngawe u nga va gondisa kuva vanyamne vako. Ina kha ti na mbi panda kwako nga wamsikati a lumwako kani?

Jeremiya 11:22

Ina, Mkoma wa Mabutho a Tiyimbi, a khene: Ni na va tsayisa; majaha ma na dawa ngu ditxhari; vanana vawe va txiwamna ni va txisikati va na fa ngu nzala.

Jeremiya 8:12

Ina va ni tingana ngu kumaha manyala kani? Kha va na tingana, hambi kupima ti taku nji txani kuwiswa tingana! Ngu konaho, va na wa kumweko ni va vawako, kambe va na humbwa ka mbimo ya kutsayiswa kwawe, kuwomba Mkoma.

Jeremiya 5:29

Ina ani na mbi tsayisa silo siya kani? Kuwomba Mkoma. Na mbi pharela ka ditiko do nga dona diya kani?

Jeremiya 5:9

Ina ani kha ni na ku si tsayisa soneso kani? Kuwomba Mkoma. Na mbi pharela ka ditiko daku nga diya kani?

Matewu 25:36

Ni ti si nga ni sakuambala, aniko mi ni ambekile; ni ti ti lwala, se mi tile mi ta ni xola; ni ti ti ku khotelwani, mi tile mi ta ni dingula.’ ”

Jeremiya 10:21

Nguko vadyisi va bharukile, kha va xota Mkoma; ngukonaho kha va humeleli, sotshe sibala sawe si hangalakile.

Jeremiya 13:17

Aniko mi si engisi, ni na dila txihunjani ngu mhaka ya wugwili wanu, maso angu ma na dila ngutu, me humisa mirongo, nguko vathu va Mkoma va yiswa wukarawani.

Jeremiya 13:20

Guletani maso anu mi wona vale vatako ngu Wuphemba. Va hani vathu va u nga ti ningilwe vona, vathu vako vo dhundeka kani?

Jeremiya 44:22

Mkoma a ti sa dingana kuxaniswa mbimo yayingi ngu wubihi wa mithumo yanu, sinyenyeko si mi nga si maha; ngu toneto ditiko danu di mahile txiwula, ni txixamaliso, ni txiruko, ku si na vo zumba, nga ti ku wonekisako tona nyamsi.

Ezekhiyele 34:5

Ngu kumaha keto, ti hangalakile ngu ku mbi va ni m'dyisi, se ti mahile to dyiwa ngu sotshe sihari sa tshofu sa txitinga, ngu ku ti nga hangalaka.

Zakariya 11:16

Nguko wona taku ni na wusa m'dyisi ditikoni, awu a no mbi xola ti ti lovako, kha na mbi londeta yile yo mwalala, kha na mbi thuma yile yo lwala, hambi kudyisa yile yi hanyako kha kwati; aniko a na dya nyama ya yile yo nona, kambe a na sotela ni syala sa kona.

Jeremiya 17:10

Ani Mkoma ni xola mbilu, ni xola mapimo; ni ninga ka mmwani ni mmwani, madingano ni mahanyelo akwe, madingano ni mihando ya mithumo yakwe.

Zakariya 10:3

Kuhenya kwangu ka tura kuwukela vadyisi, se ni na tsayisa vamabhongwe; kambe Mkoma wa Mabutho a Tiyimbi a na endela mtxhambi wakwe, i ku nyumba ya ka Judha, se a na va maha ku nga dihantxhi dakwe do thaviseka yimbini.