Jeremiya 23:18 - Bhiblia Yo Sawuleka

¹⁸ I mani wawe a nga ema makungoni ka Mkoma, ati taku e wona ni kupfa dipswi dakwe kani? I mani a xiyako mhaka yakwe a txi yi engisa kani?”

Jeremiya 23:18 Referans Kwoze

Jeremiya 23:22

Aniko, i tiku va ti ti emile banzani kwangu, nga va di zivisile ka vathu vangu timhaka tangu, ve va hundulusa nzilani kwawe ko biha, ni ka simaho sawe so biha.

1 Vakorinto 2:16

Nguko i mani a nga zivako mialakanyo ya Txizimu, kasiku e txi gondisa kani? Aniko athu hi ni mialakanyo ya Kristu.

Johani 15:15

Kha ni swi ni txi mi dhana ngu ditina daku mi sithumi, nguko txithumi kha txi ti zivi ati ti mahwako ngu mfumeli wa txona; aniko ni mi dhana ngu ditina daku mi vangana, nguko ni mi tulete totshe ti ni nga tiengisa ka Tate wangu.

Amosi 3:7

Ngu ditshuri, Mkoma Txizimu, a na mbi maha txilo na a sa kombisa txihunga txakwe ka sithumi sakwe, vaprofeti.

Masalmo 25:14

Mkoma a dhunda vale va mthavako ene wa va ninga kuziva Txitumelelano txakwe.

2 Makronika 18:23

Sekoko Zedhekiya, mwana Kenahana, a to tshuketa hafuhi ka Mikaya, e mthola mbaza, a txi khene: Moya wa Mkoma wu tsimbilisile kutxani wu pinda kwangu wuta womba-womba kwako kani?

1 Vafumeli 22:24

Sekoko Zedhekiya, mwana Kenahani, a to ta e ta peka Mikaya aha ka litshaya a txi khene: Moya wa Mkoma wu pindile ngu hani ha kwangu, wu txi ta womba-womba kwako kani?

Jobe 33:31

Engisa koko, awe Jobe, ni pfisise; malala, se ani ni na womba-womba.

Jobe 21:22

Ina Txizimu txi ndi na gondiswa kuziva, eko txona txi lamulako sotshe sa nzumani kani?