Jeremiya 23:10 - Bhiblia Yo Sawuleka

¹⁰ Nguko ditiko di tate ngu va wugango Ditiko da dila ngu mhaka ya txiruko; wudyiselo wa txiwulani wu hyite; matsimbilelo awe ma bihile, a ti to biha, ngu tona i ku mtamo wawe.

Jeremiya 23:10 Referans Kwoze

Masalmo 107:34

wa hindula mafu o nona ma txi maha o savala, ngu mhaka ya wubihi wa vaaki va kona;

Jeremiya 9:10

Ni na theketa mirongo ni peka huwa ngu mhaka ya mimango, ni dilela wudyiseloni ka txiwula, nguko ku hyite; kha ku ngadi ni m'thu a pindako ngu kona, hambi kupfa kubhoma ka tihomu; sinyana sa nzuma ni sihari si tutumile, si tsute.

Jeremiya 9:2

I ti ku no va ni dizumbo da vatsimbili muwa txiwulani, sekoko ni ndi nava ni di lekile vathu vangu, ni khukha hagari kwawe, nguko votshe va ni wugango, msengeletano wa vakangayisi.

Malakiya 3:5

Se ni nata hafuhi kwanu, ku ta mi lamula, kambe ni na va fakazi ya livilo yo lwa ni valoyi, ni kuwukela vale va mahako wugango, ni vale va xambanyako ta makuhu, ni vale va kanganyisako mthumi, ve honyola madingano a tinoni, ni vo felwa ngu vaveleki, ni vawuyi, kambe kha va ni thavi, kuwomba Mkoma wa Mabutho a Tiyimbi.

Isaya 24:6

Ngu mhaka yeto, txiruko txa heta mafu, se avale va hanyako ka ona, va na koneka; ngu mhaka yeto, vaaki va ha mafuni, va na hiswa, mbadotho ava va no sala.

Jakobe 4:4

Vanyawugangonu, kha mi tizivi ti to wungana ni ditiko mbulala ka Txizimu, kani? Ngu toneto, awu a lavako wungana ni ditiko, i mlala wa Txizimu.

Vahebheru 13:4

Mtxhadho wu na dhundwe ngu votshe, se m'bhedhu wa mtekano wu nga nyenyeziswe, nguko Txizimu txi na abanisa ava va mahako wugelegele, ni va va mahako wugango wu wo hoxela mtxhadho.

1 Timoti 1:10

vamahi va ta nzambwa, vavamna va kumaha to biha ni vamna kulowe, vaxavisi va tikhumbi, vawombi va makuhu, vaxambanyi va makuhu, ni votshe va va mahako totshe ti ti hambanako ni gondo yo hanyisa ya ditshuri,

Joyeli 1:10

Thembwe yi fuvisilwe, se mafu ma ha kupandisekani; nguko fulaho yi fuvisilwe, vhinya ya yiphya yi omile, ni mafura ma pwateka.

Jeremiya 14:2

Judha wa dila, miti yakwe yi gumile mtamo, va khalahatsha na va di ambate mizila; Huwa ya pfala ngu Jerusalema.

Jeremiya 7:9

Ina mi ngadi mi txi napa, mi daya, mi maha wugango, mi xambanya makuhu, mi hisa miphaxo yo bhumula ka Bhahali, ni kulondetela simwani sizimu asi mi si si ziviko kani?

Levhi 5:1

Se ngako m'thu a txi dhanelwa kuya fakaza mhaka yokari, a nga yi wona mwendo a nga yi ziva, aniko a txi lamba kuwomba, sekoko eyo m'thu a na rwala txionho txakwe;

Isaya 5:18

Dikhombo ka vale va ndindako wubihi ngu dijoke, va ndindako sionho ngu majoke a kutikulisa, o ndinda ngu ona sikotxikani!

Jeremiya 9:12

I mani a nga txhariha madingano ni ku e ziva tiya kani? I mani wuwa txisofu txa Mkoma txi nga womba-womba kwakwe, kasi e hi zivisa ti taku ditiko di onhisilwe ngu kutxani kala di ti hisilwe kufana ni txiwula, ku si ngadi kupinda ni m'thu kani?

Jeremiya 12:11

Va di onhile, da dila kwangu nguko di mahisilwe dirumbi; ditiko dotshe di mahile dirumbi! Nguko kha ku na m'thu a di khatalelako.

Hoseya 7:4

Vona votshe mba wugango: Va fana ni txikho txi txi nga dhivelwa ngu m'yoki wa mapawu, a emako kuonzetela mndilo, kukhukhela ka kuvhuwa ka mpupu, kala ku kukumuka.

Ezra 10:18

Se ku to maneka hagari ka vanana va vaphaxeli avale va nga tekana ni vavasikati va mamwani matiko: Ka vanana va Jesuwa, vanana va Jozadhake, ni vanawe: I ku Mahaseya, ni Eliyezeri, ni Jaribhe, ni Gedhaliya.

Jeremiya 6:13

Nguko va ti ningetete mu ka kumbilukela, vanana ni vahombe, vaprofeti ni vaphaxeli, votshe va onga.

Zefaniya 3:4

Vaprofeti va dona mba kutikulisa, kambe kha va nga ni txithavo; vaphaxeli va dona va txhipisile wukhalo wo sawuleka, va txi ndaka mlayo.