Jeremiya 22:9 - Bhiblia Yo Sawuleka

⁹ Sekoko va na xamula, va txi kha vona: Nguko va lekile txitumelelano txa Mkoma, Txizimu txawe, va txi ya khozela simwani sizimu, ni ku si thumela.

Jeremiya 22:9 Referans Kwoze

2 Makronika 34:25

Nguko va ni lekile veya hisela dibaselo sizimu simwani, kasiku ni wusela kuhenya kwangu ngu yotshe mithumo yawe, se ngu toneto kuhenya kwangu na kuthekete txitimwi ka wukhalo wuwa, ku na pwateka ni wammweyo awu a no sikota ku kuthavisa.

2 Vafumeli 22:17

Nguko va ni lekile, ve hisela dibaselo simwani sizimu, ve ni wusela kuhenya ngu yotshe mithumo ya manza awe, txiviti txangu txi vhutukile ka wukhalo wuwa, kambe kha txi na mbi timeka.

Jeremiya 50:7

Votshe va va nga txi ti mana va dayete; se valala vawe va txi kha vona: Ni mnandu wumwewo kha hi na mbi wu mana; nguko va onhete Mkoma, amu kuzumbako kona wululamo; ina, Mkoma, i kuthemba ya tate wawe.

1 Vafumeli 9:8

Se nyumba yiya yo guletwa ngutu, ni wuhi wu a no pinda ngu hawa, a na xamala, ni kuveta mloti, a na khene: Kasi Mkoma a mahisa tiya ka diya ditiko ni ka yiya nyumba ngu txani kani?

Jeremiya 9:13

Se Mkoma a to khene: Nguko va lekile mlayo wangu, awu ni nga wu huwelela masoni kwawe, kha va engisa dipswi dangu, hambi ku di londeta.

Jeremiya 11:3

u txi ka vona: Mkoma, Txizimu txa Israyeli, a khene: A ruketetwe m'thu wu asi engisiko timhaka ta txiya txitumelelano,

Jeremiya 16:11

Sekoko u na khawe kwawe: “Vatate vanu va ni lekile, kuwomba Mkoma, ve londetela simwani sizimu, ve si thumela ni ku si khozela; va ni lekile, kha va vekisa mlayo wangu.

Ezekhiyele 5:15

Se awule wa txisekiso ni wa txibwebwe, va na va vagondisi ni txixamaliso ka matiko ale ma nga kurandela, mbimo yile ni no kulamula ngu kuhenya ni txiviti, ngu sitsayiso sa txiviti.

Ezekhiyele 12:16

Aniko, hagari kwawe ni na siya vokari, vo huluka ka ditxhari, ka nzala ni mtungu, kasi ku va na xawutela manyala awe ka matiko ale va no ya ka ona; se va na tiziva taku ani ngani Mkoma.

Ezekhiyele 14:23

Se mi na thavelelwa, mbimo yile mi no wona tinzila tawe ni simaho sawe; se mi na tiziva taku kha na ti maha walo totshe ti ni nga maha ka dona, kuwomba Mkoma Txizimu.

Ezekhiyele 39:23

Kambe matiko ma na tiziva taku va nyumba ya ka Israyeli, ngu mhaka ya wubihi wawe, va tsulisilwe wukhumbini, nguko va ni eyisile, se ni va sisete khohe yangu, ni va ningela manzani ka valala vawe, votshe va dayetwe ngu ditxhari.

Dhewuteronome 29:24

ni otshe matiko ma na kha ona: “Ngu kutxani Mkoma a txi ti maha toneto ka ditiko diya kani? Ti txhamusa txani kutura ka hombe ka kuhenya kwakwe kani?”

Jeremiya 11:10

Va tshumelete sionhoni ka vakokwani vawe, va va nga lamba kuengisa timhaka tangu. Va londetete simwani sizimu, ve si khozela. Nyumba ya ka Israyeli ni nyumba ya ka Judha ti funyile txitumelelano txangu atxi ni nga txi maha ni vatate vawe.