Jeremiya 22:5 - Bhiblia Yo Sawuleka

⁵ Aniko ngako mi si engisi tiya timhaka, na xambanya ngu wutumbu wangu, kuwomba Mkoma, a ti taku ayiya nyumba yi na va dirumbi.

Jeremiya 22:5 Referans Kwoze

Amosi 6:8

A xambanyile Mkoma Txizimu, ngu dihika dakwe, Mkoma, Txizimu txa Mabutho a Tiyimbi, a khene: Na nyenya kutikulisa ka va ka Jakobe, ni venga ni tinyumba tawe ta wukoma; na ningela didhoropa ni sotshe si si ku ka dona.

Vahebheru 6:13

Nguko Txizimu, ditshiku di txi nga maha txithembiso ka Abrahamu, ngako ku nga ti si nga ho mmwani wa hombe kupala txona, awu txi nga ti fanela kuxambanya ngu ngene txi xambanyile ngu ditina da txona txipune,

Jeremiya 17:27

Aniko, ngako mi si ni engisi, kasi ku mi si sawulekisi ditshiku da Sabbata, ni kuva mi si tisi mirwalo ni kuwulela nayo ngu sike sa Jerusalema, ngu ditshiku da Sabbata; sekoko, ni na dhivela mndilo sikenini ka dona, wu hisa tinyumba ta wukoma ta Jerusalema, mndilo wuwa kha wu na mbi timeka.”

Genesisi 22:16

yi txi m'gela tiya: “Ni xambanyile ngu ngani nipune, kuwomba Mkoma, Nga ku u nga maha toneto, u nga mbi lamba ni mwanana wako wammweyo,

Jeremiya 39:8

Se Vakaldheya va to hisa nyumba ya mfumeli ngu mndilo ni tinyumba ta vathu va ditikoni, ve khundumusela maguma a Jerusalema.

Isaya 1:20

Aniko ngako mi txi ni tshuralela mi si ni engisi, mi na guma ngu ditxhari, nguko txisofu txa Mkoma txi wombile.

Vahebheru 6:17

Se, ngu kulava kukombisa ta tinene ka vadyi va thomba, ti to txithembiso txa Txizimu kha txi na mbi tshumelela msana, txona Txizimu txi to tsanisa txithembiso ngu kuxambanya.

Vahebheru 3:18

Mba mani kambe ava Txizimu txi nga va xambanyela ti to kha va na mbi wulela kuhumulani ka txona, i si nga va va kukanyisa kani?

Mika 3:12

Sekoko, ngu mhaka yanu, Siyoni a na dimwa nga thembwe, Jerusalema a na maha mmumbu wa marigwi, se mmango wa nyumba yiya, wu na va makhalo o guleka a txitinga.

Masalmo 95:11

Ni manekile ni txi pandiseka ni za ni xambanya ni txi khani: “Vathu vava kha va na mbi wulela ka wukhalo wangu wa kuhumula.”

2 Makronika 7:22

Va na xamula va txi kha vona: Nguko va lekile Mkoma Txizimu txa vatate vawe, a txi txi nga va humisa ditikoni da Egipta, se va ti ningete ka sizimu sa walo, ve si khozela ni ku si thumela; ngu mhaka yeto, Mkoma a to rumela sikarato siya sotshe txitimwi kwawe.

2 Makronika 7:19

Sekoko ngako mi txi hambuka mi leka milayo yangu ni sileleto sangu asi ni nga mi ninga, mi tsula mi ya khozela sizimu simwani mi si khizamela,

Matewu 23:38

Ngu toneto, m'ti wako wu na maha dirumbi.

Jeremiya 26:4

Va gele, u txi khawe: Mkoma a khene: Ngako mi si engisi mi txi tsimbila ngu mlayo wangu, awu ni nga mi ninga,

Jeremiya 44:26

Ngu toneto, engisani dipswi da Mkoma, motshenu va ka Judha mi zumbako Egipta: Na xambanya ngu ditina dangu da hombe, kuwomba Mkoma, ati to kha di na mbi ngadi di txi khumbukwa kambe ditina dangu ngu txisofu txa m'thu wa ka Judha ditikoni kotshe ka Egipta, a txi khene: Mkoma Txizimu a hanyako!

2 Makronika 7:21

Se nyumba yiya yi nga guletwa ngutu, ni mmhi wu a no pinda ngu hawa, a na xamala, a txi khene: Ngu kutxani Mkoma e maha to nga tiya ka ditiko diya ni ka vathu vava kani?

Jeremiya 12:7

Ni tutumile Dithepele dangu, ni site thomba yangu; ni ningete txirandwa txangu manzani ka valala va txona.