Jeremiya 22:30 - Bhiblia Yo Sawuleka

³⁰ Mkoma a khene: “Dhanani ditina da m'thu wuwa ti taku kha nga ni vanana, kha na mbi mana kuhumelela kuhanyani kwakwe, nguko kha ku na mbi humelela ni mmweyo wa vanana vakwe, ti taku e ningwa kuzumba txikhaloni ka mfumo wa Dhavhidha, e fumela Judha.”

Jeremiya 22:30 Referans Kwoze

Jeremiya 36:30

Ngu konaho, Mkoma a khene xungetano ni Jehoyakimu, mfumeli wa ka Judha: Kha na mbi va ni mwanana wo zumba ha txikhalo ka Dhavhidha; txirumbi txakwe txi na tshotshwa hahanze ha lisanini ka mitshikari ni ha phehoni ka wusiku.

Masalmo 94:20

Awe khu sikoti kusengela ni valamuli vo biha, nguko evo va teka wubihi va txi wu maha mlayo.

Jeremiya 10:21

Nguko vadyisi va bharukile, kha va xota Mkoma; ngukonaho kha va humeleli, sotshe sibala sawe si hangalakile.

Jeremiya 2:37

Kambe u na huma u di sanzekile mawoko ako ha msungo; nguko Mkoma a lambile va u va thembako, khu na mbi humelela ngu vona.

Jeremiya 22:2

Pfana mhaka ya Mkoma, awe mfumeli wa ka Judha, u ku ha ka txikhalo txa wufumeli txa Dhavhidha, awe ni sithumi sako, ni vathu vako ava va wulelako ngu sike siya.

Jeremiya 29:32

Ngu konaho Mkoma a khene: Ani ni na tsayisa Semaya wa Nehelama ni vanana vakwe; kha na mbi va ni m'thu wo zumba hagari ka vathu vava, kambe kha na mbi wona makatekwa ni no mahela vathu vangu, kuwomba Mkoma, nguko a wombawombile to wukela Mkoma.

Jeremiya 52:10

Se mfumeli wa Bhabhilona a to wilela mikolo ya vanana va Zedhekiya khoheni kwakwe, ni mikolo ya votshe vathangeli va ka Judha, kona Ribhila.

Jobe 18:19

Kha na mbi va ni mwanana hambi mtukulu ka vathu vakwe, kha ku na mbi maneka ni wammweyo wo sala tinyumbani kwawe.