Jeremiya 22:3 - Bhiblia Yo Sawuleka

³ “Mkoma a khene: Lamulani ngu fanelo ni kululama, mi txi hulukisa wu a handwako manzani ka mtsindaveti, mi nga xaniseni mluveli, ni txisiwana, ni noni, mi nga va tsindaveteni, hambi kutheketa mnoha wa va va kuwalo mnandu ka wuwa wukhalo.”

Jeremiya 22:3 Referans Kwoze

Jeremiya 21:12

Anu nyumba ya ka Dhavhidha, Mkoma a khene: Lamulani ngu kululama i di ngadi mixo; mi hulukisa wu a handwako, manzani ka wu a mtsindavetako; kasi ku kuhenya kwangu ku si turi nga mndilo, ku txi hisa ha kaku ku txi pwateka ni wo tima, ngu mhaka ya wubihi wa mithumo yanu.

Mika 6:8

Ene a kuzivisile, awe m'thu, a ti i ku ta tinene; ni ti Mkoma a ti kombelako kwako, kuva u maha kululama, u randa tinene, u tsimbila ngu kutinamisa ni Txizimu txako.

Jeremiya 22:17

Aniko maso ako ni mbilu yako si navela dibhindu dwe, ni kutheketa mnoha wa wu asi ngako ni mnandu, u maha ngu kutsindaveta ni timboyinga.

Jakobe 1:27

Nguko, wukholwa wa ditshuri wo mbi na dikhwiti masoni ka Txizimu, Tate wathu, ngu kudingula va vo felwa ngu vaveleki, ni vale i ku tinoni, kuxanisekani kwakwe, ni ku ti vhikela kambe ka nzambwa ya ditiko.

Ezekhiyele 22:7

Tate ni mame va txhipisilwe kwako, va xanisile mluveli hagari kwanu, va khozisile wo felwa ngu vaveleki, kumweko ni noni.

Malakiya 3:5

Se ni nata hafuhi kwanu, ku ta mi lamula, kambe ni na va fakazi ya livilo yo lwa ni valoyi, ni kuwukela vale va mahako wugango, ni vale va xambanyako ta makuhu, ni vale va kanganyisako mthumi, ve honyola madingano a tinoni, ni vo felwa ngu vaveleki, ni vawuyi, kambe kha va ni thavi, kuwomba Mkoma wa Mabutho a Tiyimbi.

Joyeli 3:19

Egipta a na tshumela e va txisapa, se Edhomi a na va txiwula txa txiwunda, ngu kule va nga lwisa vanana va ka Judha ve theketa mnoha ka matiko a kona.

Jeremiya 9:24

Aniko awu a ti dhundako e ti dhundela ka yiya mhaka, ti taku a di ni kupfisisa e ni ziva, ti taku ngani Mkoma ni mahako wumbilu, ni kupamula ni wululamo ha mafuni; nguko na xalaliswa ngu sa ku ngeto, kuwomba Mkoma.

Jeremiya 5:28

va enile, va tote mafura. Kubiha kwawe kha ku na magwito. Kha vaemeli ti to sisiwana si na humelele; kha va wili mahungu a sisiwana ngu fanelo.

Isaya 1:23

Vathangeli vako va ni eyisa, va timaha vangana va makhamba; votshe va dhunda kuxavelelwa ni kuhakelwa; kha va mahi wunene ka vo felwa ngu vaveleki, ni timhaka ta tinoni kha ti hoki masoni kwawe.

Mavingu 23:10

U nga thavise mihingano ya kale kambe u nga wulelele tithomba ta vo felwa ngu vaveleki,

Masalmo 68:5

Txizimu txi zumbako mu Dithepeleni ka txona ko sawuleka, i tate wa sikulungu, kambe m'vhikeli wa tinoni.

2 Vafumeli 24:4

kumweko ni mnoha wo mbi na mnandu, wu nga theketwa walo, ku txi tala Jerusalema ngu mnoha wo mbi na mnandu; ngu mhaka yeto, Mkoma kha tumela ku m'divalela.

Dhewuteronome 24:7

Ngako m'thu a txi kuretwa a di ruruvisile Muisrayeli kulowe, kasi ku mmaha khumbi yakwe, mwendo kuve a txi mxavisa, edo dikhamba di fanete kudawa. Ngu toneto, u na fuvisa wubihi hagari kwanu.

Jeremiya 26:16

Sekoko tinduna ni vathu votshe va to kha vona ka vaphaxeli ni ka vaprofeti: Awuwa m'thu kha faneli kufa, nguko a txhumayela kwathu ngu ditina da Mkoma, Txizimu txathu.

Mavingu 6:17

Maso o ti guleta, lidimi la makuhu, manza o theketa mnoha wo mbi na mnandu,

Masalmo 94:21

Vona va maha sikungo so wukela m'thu wo lulama ve mu abanisela lifo awu a singako ni mnandu.

Masalmo 94:6

Va daya tinoni ni vo felwa ngu vaveleki, kumweko ni valuveli va va ku ditikoni kwathu.

Jobe 24:9

Mwanana wo felwa ngu tate, a thaviswa tshumbuni, ve amukela txo vekiswa ngu txisiwana.

Jobe 22:9

U hangalasile tinoni ti si nga ni txilo, kambe mawoko a sisiwana ma funyeletetwe.

2 Samuwele 23:3

Kuwombile Txizimu txa ka Israyeli Dirigwi da Israyeli di wombile tiya kwangu: Ku nava ni mlulami wu a no fumela txitimwi ka vathu, a na fuma ngu kuthava Txizimu.

Dhewuteronome 27:19

“Dikhombo di nave ka wule a hambukisako fanelo ya mluveli, ni ya wo felwa ngu vaveleki, ni noni!” Vathu votshe va na womba va txi kha vona: “Amen!”

Dhewuteronome 25:1

Ngako vathu vambidi va txi henyisana, se ve yisa mhaka banzani kasi kuya lamulwa, valamuli va na thusa awu a nga lulama, va txi sunga awu a ku ni mnandu

Dhewuteronome 10:18

Awu a emelako avale vo felwa ngu vaveleki, ni tinoni, kambe wa randa mluveli, a txi mninga sakudya ni syambalo.

Levhi 19:15

Mi nga hambaniseni mhaka kulamulani kwanu; u nga wone khohe ya wule i ku txisiwana, kambe u nga khatalele nyatithombe; u fanete kulamula mkwanu ngu kululama!

Mika 3:11

Vathangeli vawe va wila mahungu ngu kuxawa, se vaphaxeli vawe va gondisa ngu kulava txokari, vaprofeti vawe va huta ngu kulava male; kambe va ngadi va txi khigela ka Mkoma, va txi kha vona: Ina kha ngaho Mkoma hagari kwathu kani? Kha hi na mbi telwa ngu to biha ni tatimweto.

Eksodha 22:22

Mi nga xupheni noni ni ya yimweyo, hambi wo felwa ngu vaveleki.

Matewu 23:23

“Mi na ni dikhombo, anu vabhali ni nanu Vafarisi, vaxengeteli, nguko ma dihela sa wugumi ka nyatximbowane ni ka dianetha ni ka dikumina, kambe kha mi khatali ngu ditshina da Mlayo, i ku kululama, wumbilu ni kuthembeka. Mi ti ni fanelo ya kumaha tiya, mi si leki ni tona tile.

Eksodha 22:21

U nga xuphe mluveli kambe u nga m'dyisete; nguko nanu mive valuveli ditikoni ka Egipta.

Isaya 58:6

Ina hi nga kona kutitona ku ni nga ku sawula: Kaku u txhatxha mabhanditxhi a wuonhi, u txhatxha tingoti to sunga dikange; ni ti to u va leka va di txhatxhekile vale vo xaniswa, u phatulela dotshe dikange dawe kani?

Isaya 58:7

Ina kambe khu abani sakudya sako ni wule a ku ni nzala, ni kuamukela m'tini kwako sisiwana sile si nga tovelwa kani? Ni ti to u txi mu wona i di tximbwiri u mfengeta, kambe khu sisaleli wule i ku wa ka kwanu kani?

Jeremiya 7:23

Aniko, ati ni nga va laya, ngu ti taku: Engisani dipswi dangu, sekoko ni na va Txizimu txanu, anu mi na va vathu vangu; tsimbilani ngu tinzila ti ni nga mi laya ngu tona, kasi ku mi na zumbiseka kwati.

Jeremiya 19:4

Nguko va ni lekile, ve nyenyezisa wukhalo wuwa, nguko va nga hisa dibaselo ka simwani sizimu, eso va nga mba si ziva, vona ni vakokwani vawe ni vafumeli va ka Judha; va tatile wukhalo wuwa ngu mnoha wa va va singako ni mnandu;

Sidilo 3:36

ni kugombonyekisa habanza, Mkoma kha lavi ni ku ti wona eto.

Ezekhiyele 18:12

a txi xanisa txisiwana ni wule wo pwata, a txi pa, kambe asi tshumeti sile so vekiswa, a gulako maso akwe me wonetela sithombe, e mahetela to nyenyeza,

Ezekhiyele 45:9

Mkoma Txizimu a khene: Ti dinganile, anu vathangeli va ka Israyeli; yisani kule timboyinga ni kulovisa, lamulani ngu wululamo, kambe thavisani mikhinyavezo yanu ka vathu vangu, kuwomba Mkoma Txizimu.

Amosi 5:24

Wunene wa tutuma nga mati, ni wululamo ku nga mnambo wa kwa mbi phwha.

Dhewuteronome 24:17

U nga jikise mhaka ya mluveli ni ya wo felwa ngu vaveleki, kambe u nga amukele syambalo sa noni, si txi maha so zima mseve ngu sona.

Masalmo 82:4

Hanyisani ava va xaniswako ni sisiwana, mi txi va hulukisa manzani ka vabihi!

Ezekhiyele 18:7

asi xuphi ni m'thu mmweyo, a tshumetako ka nyamne asile a nga vekisa ngu sona, asi piko, a ningako sakudya ka wule a ku ni nzala, e ambeka wule i ku tximbwiri;

Amosi 5:15

Vengani wubihi, mi randa wunene, vekani wululamo ha banza kutilava Mkoma, Txizimu txa Mabutho a Tiyimbi, txi na pfela wusiwana masalelwa ya Josefa.