Jeremiya 22:28 - Bhiblia Yo Sawuleka

²⁸ Ina m'thu wuwa Jokoniya njiya txo fayeka ni kunyenywa, a txi txi si vhuniko txilo kani? Kasi a leketwe txani ni vanana vakwe va txi ya tshotshwa ka ditiko va si di ziviko kani?

Jeremiya 22:28 Referans Kwoze

Hoseya 8:8

Israyeli a khadamutwe; konkuwa, hagari ka matiko a wonekisa ku nga txi maha txi txi si tsakisiko ni wammweyo.

Masalmo 31:12

Vathu va ni divate timbiluni kwawe, kufana ni m'thu wu a nga fa. Ni fana ni txiya txo tshotshwa.

Jeremiya 48:38

Txitimwi ka totshe tinyumba ta Mowabhi ni mu ka tinzila takwe ta hombe ku na vaho tihuwa ta hombe; nguko ni fayile Mowabhi nga fuko ya kwa mbi tsakisa, kuwomba Mkoma.

Hoseya 13:15

Hambi ngako ene a txo ninga mihando ka vanawe, ku nata moya wa wutxani, Moya wa Mkoma, wu txi kwela ngu txiwulani, se ku na oma ni txibhuka txakwe, kambe ku na oma ni txisima txakwe, ene a handa thomba ka sotshe siya sawe sa lisima.

Jeremiya 22:30

Mkoma a khene: “Dhanani ditina da m'thu wuwa ti taku kha nga ni vanana, kha na mbi mana kuhumelela kuhanyani kwakwe, nguko kha ku na mbi humelela ni mmweyo wa vanana vakwe, ti taku e ningwa kuzumba txikhaloni ka mfumo wa Dhavhidha, e fumela Judha.”

Jeremiya 17:4

Ngu mnandu wako wutumbu u na mwalelwa ngu thomba yako ayi ni nga kuninga; ni na kumaha u thumela valala vako, ka ditiko di u si di ziviko. Nguko mi dhivete mndilo wa kuhenya kwangu awu wu no tura kala kupinduka.

Jeremiya 15:1

Sekoko Mkoma a to khene kwangu: “Hambi i ti ku Mosi ni Samuwele vo ta ema masoni kwangu, mbilu yangu nga yi si sikoti kuva kumweko ni vathu vava. Va tutumise masoni kwangu.

Jeremiya 14:18

Nguko ni txi ya wona thembweni vaho va va nga dayiswa ngu ditxhari. Ni ku ngako ni txi wulela m'tini ni wona va va fako ngu nzala: Ina ngu wumbidi wawe mprofeti ni mphaxeli va zungulukela na va si kuzivi aha vayako kona.

2 Samuwele 5:21

Se va to siya sithombe sawe so vatwa koneho; kambe Dhavhidha ni vathu vakwe va to si teka.

2 Makronika 21:20

A khatile kufuma a ti ni tanga ya magumi mararu a malembe ni malembe mambidi, a to fuma Jerusalema mtxhanu wa malembe ni mararu; a to fa, asi dilwi ngu m'thu, ve mtshotsha Didhoropani ka Dhavhidha, hambi keto, kha ya tshotshwa ka mathitha a vafumeli.

Jeremiya 22:27

Aniko ditiko di va xuvako kutshumelela ka dona, kha va na mbi wuya ka dona.

Jeremiya 27:20

asile Nebhukodhonosori, mfumeli wa Bhabhuilona, a nga mbi si teka, ngako a di ñote Jokoniya, mwana Jehoyakimu, mfumeli wa ka Judha, ngu Jerusalema a txi mu yisa Bhabhilona, ni sotshe sitetema sa ka Judha, ni Jerusalema.

Jeremiya 37:1

Zedhekiya, mwana Josiya, a to vekwa ngu Nabhukodhonozori, mfumeli wa Bhabhilona, kumaha mfumeli wa ditiko da ka Judha, ka wukhalo wa Koniya, mwana Jehoyakimu.

Jeremiya 16:12

Kasiko koko anu mi mahile to biha ni kupinda vatate vanu; nguko mmweyo ni mmweyo wanu a ta so mbetete e bangisa mbilu yakwe yo biha, ti taku mi si ni engisi.

Jeremiya 24:1

Msana ka kuva Nebhukodhonosori, mfumeli wa Bhabhilona, a di ñolisile Jokoniya, mwana Jehoyakimu, mfumeli wa ka Judha, ni vavati ni vapeki va nyundo, va kuta ngu Jerusalema, va txi yiswa Bhabhilona, Mkoma a to ni wonisa sirundu sa maxanvu na si di vekilwe ha txikeni ka Dithepele da Mkoma.