Jeremiya 22:25 - Bhiblia Yo Sawuleka

²⁵ Ni na kuningela manzani ka va va xotako wutomi wako, ni manzani ka vale u dhudhumelako masoni kwawe, i ku ene Nebhukodhonosori, mfumeli wa Bhabhilona ni ka Vakaldheya.

Jeremiya 22:25 Referans Kwoze

Jeremiya 21:7

Se msana keto, kuwomba Mkoma, ni na ningela Zedhekiya, mfumeli wa ka Judha, ni maxonga akwe, kumweko ni vathuvo va no maneka va di hulukile mtungu, ka didhoropa diya, ni txi va ningela manzani ka Nebhukodhonosori, mfumeli wa Bhabhilona, ni manzani ka valala vawe, ni ka va va xotako wutomi wawe. Ene a na va dayisa ngu ditxhari, kha na mbi va nyenyeletela, hambi ku va pfela, hambi ni kuva ni wumbilu ka vona.

Jeremiya 38:16

Sekoko mfumeli Zedhekiya a to xambanya ka Jeremiya txihunjani, a txi khene: Mkoma a hanyako, awu a nga hi ninga wutomi wuwa, kha ni na mbi kudaya, hambi ku kuningela manzani ka vathu vale va xotako wutomi wako.

Jeremiya 22:28

Ina m'thu wuwa Jokoniya njiya txo fayeka ni kunyenywa, a txi txi si vhuniko txilo kani? Kasi a leketwe txani ni vanana vakwe va txi ya tshotshwa ka ditiko va si di ziviko kani?

Mavingu 10:24

Kuthava ka wo biha, ku na wuya txitimwi kwakwe, aniko kunavela ka vo lulama ku na ningwa ngu Txizimu.

2 Makronika 36:10

Msana ka kuva ku di pindile dilembe, Nebhukodhonosori a to rumela vathu vo ya mu teka ve mu yisa Bhabhilona, ve teka ni siya sa lisima sa Nyumbani ka Mkoma ve tsula naso. Se a to veka mwanawe Zedhekiya, a txi fuma txitimwi ka va ka Judha ni Jerusalema.

Jeremiya 27:6

Sekoko ni ningete otshe matiko awa, manzani ka txithumi txangu Nebhukodhonosori, mfumeli wa Bhabhilona; na mninga ni sihari sa txitinga kuva si txi mthumela.