Jeremiya 22:24 - Bhiblia Yo Sawuleka

²⁴ Nga ku ni hanyako, kuwomba Mkoma, i ti ku Jowakimi, mwana Jehoyakimu, mfumeli wa ka Judha, i ti kova ringi ya dianza dangu da txinene, nga ni di mkodote konaho.

Jeremiya 22:24 Referans Kwoze

Jeremiya 37:1

Zedhekiya, mwana Josiya, a to vekwa ngu Nabhukodhonozori, mfumeli wa Bhabhilona, kumaha mfumeli wa ditiko da ka Judha, ka wukhalo wa Koniya, mwana Jehoyakimu.

Ndando ya Tindando 8:6

Ni veke nga txitambu mbiluni kwako, ni txi nga txitambu diwokoni kwako, nguko lirando li ni mtamo kufana ni lifo, ni wukwele wu karata kufana ni dithitha dituro da kona di fana ni dituro da mndilo, di hisa kufana ni titshatsha ta Mkoma.

1 Makronika 3:16

Se vanana va Jeyowakimi ngu vava: Jekoniya, ni Zedhekiya.

Hagayi 2:23

Ka ditshiku dile kuwomba Mkoma wa Mabutho a Tiyimbi, ni na kuteka awe Zorobhabheli, mwana Salatiyeli, txithumi txangu, kuwomba Mkoma, kambe ni kumaha u txi fanana ni phera yo tsanisa ngu yona; nguko ni kusawute, kuwomba Mkoma wa Mabutho a Tiyimbi.

Jeremiya 22:28

Ina m'thu wuwa Jokoniya njiya txo fayeka ni kunyenywa, a txi txi si vhuniko txilo kani? Kasi a leketwe txani ni vanana vakwe va txi ya tshotshwa ka ditiko va si di ziviko kani?

Jeremiya 22:6

Nguko Mkoma wa womba xungetano ngu nyumba ya mfumeli wa ka Judha, a txi khene: Masoni kwangu u fana ni Gileyadhi ni msungo wa Libhanoni, aniko ni na ku hundula uva txiwula, ni madhoropa ma si ngaku ni vathu.

2 Vafumeli 24:12

Sekoko a to huma Jowakimu, mfumeli wa ka Judha, eya ka mfumeli wa Bhabhilona, kumweko ni mwamwakwe ni sithumi sakwe, ni madhota akwe, ni mithenwa yakwe; se mfumeli wa Bhabhilona a to mñola, ka dilembe da wutxhanu ni mararu da kufuma kwakwe.

2 Vafumeli 24:15

Sekoko, Nabhukodhonozori a to ñola Jowakimu e mtsulisa Bhabhilona, ni mame wa mfumeli, ni vasikati va mfumeli, ni mithenwa yakwe, e teka ni vanyamitamo va ditiko ngu Jerusalema kala Bhabhilona.

2 Makronika 36:9

Jowakimu a to khata kufuma a di ni mtxhanu wa malembe ni mararu, a to fuma mitxima yiraru, ni digumi da masiku kona Jerusalema, nene a to maha wubihi masoni ka Mkoma.

Isaya 49:16

Wona taku ni ku bhate hagari ka dianza dangu; ni maguma ako ma masoni kwangu yotshe mbimo.

Jeremiya 28:4

Kambe ni na wuyisa ka wuwa wukhalo Jokoniya, mwana Jehoyakimu, mfumeli wa ka Judha, ni totshe tikhumbi ta ka Judha, ti nga yiswa Bhabhilona, kuwomba Mkoma, nguko ni na funya dikange da mfumeli wa Bhabhilona.

Jeremiya 29:2

(msana ka kuva Jokoniya, mfumeli, a di humile ngu Jerusalema kumweko ni mame wa mfumeli, ni tinduna ni vathangeli va ka Judha ni Jerusalema, ni vavati ni vapeki va nyundo).

Jeremiya 13:18

Gela mfumeli ni mame wa mfumeli, u txi khawe: Ti namiseni, mi txi khalahatsha, nguko mbhoti wa wukoma wanu wu wite, i ku txona txiningo txanu txa mfumo.

Jeremiya 24:1

Msana ka kuva Nebhukodhonosori, mfumeli wa Bhabhilona, a di ñolisile Jokoniya, mwana Jehoyakimu, mfumeli wa ka Judha, ni vavati ni vapeki va nyundo, va kuta ngu Jerusalema, va txi yiswa Bhabhilona, Mkoma a to ni wonisa sirundu sa maxanvu na si di vekilwe ha txikeni ka Dithepele da Mkoma.