Jeremiya 22:22 - Bhiblia Yo Sawuleka

²² Vadyisi vako va na huhiswa ngu moya, ni va vo randeka kwako va yiswa wukhumbini; sekoko u na koyo tingana, u dhungeka msungo ngu mhaka ya wubihi wako.

Jeremiya 22:22 Referans Kwoze

Zakariya 11:17

Dikhombo ka m'dyisi wa kwa mbi vhuna txilo, a lekako mtxhambi; ditxhari di na wela txitimwi ka diwoko dakwe, ni txitimwi ka diso dakwe da txinene, diwoko dakwe di na oma dotshe, ni diso dakwe da txinene di na fa.

Hoseya 13:15

Hambi ngako ene a txo ninga mihando ka vanawe, ku nata moya wa wutxani, Moya wa Mkoma, wu txi kwela ngu txiwulani, se ku na oma ni txibhuka txakwe, kambe ku na oma ni txisima txakwe, ene a handa thomba ka sotshe siya sawe sa lisima.

Jeremiya 12:10

Vadyisi votala vo onhetela txivhina txangu, va kandile thembweni kwangu; thembwe yangu yo tshura va yi mahile txiwula.

Jeremiya 10:21

Nguko vadyisi va bharukile, kha va xota Mkoma; ngukonaho kha va humeleli, sotshe sibala sawe si hangalakile.

Jeremiya 20:11

Aniko Mkoma a kumweko ni nani nga ndena yi thavisekako; va xanisi vangu va na humbwa, va si ni xuli; aniko va na so koyo tingana, nguko kha va maha ngu wutxhari; ti nava tingana ta kwa mbi guma, ti singako ni kudivalwa.

Isaya 64:6

Kambe athu hotshethu hi fana ni m'thu wa kwa mbi basa, kotshe kululama kwathu kufana ni txigwanda txa nzambwa; se athu hotshethu ha mora kufana ni mazokoro, ni minandu yathu ya hi handa kufana ni moya.

Zakariya 11:8

Ni hoxotile vadyisi vararu ngu mtxima wumwewo, nguko moya wangu wu ti va henyete, ni moya wa tona wu to swihala ngu ngani.

Hoseya 4:19

Txihuhuri txi va fenengetile ngu tibhapi ta txona, kambe va nawa tingana ngu mhaka ya miphaxo yawe.

Jeremiya 2:37

Kambe u na huma u di sanzekile mawoko ako ha msungo; nguko Mkoma a lambile va u va thembako, khu na mbi humelela ngu vona.

Jeremiya 2:8

Vaphaxeli kha va nga wotisa, va txi kha vona: Ahani Mkoma kani? Ni vañoli va mlayo kha va nga ni ziva. Vathangeli va to ni tshuralela. Ni vaprofeti va profetile ngu Bhahali. Ve londeta sa kwa mbi vhuna txilo.

Isaya 65:13

Ngu kumaha keto, Mkoma Txizimu a womba tiya: Wonani taku sithumi sangu si na dya, aniko anu mi na fa ngu nzala; wonani taku sithumi sangu si na sela, aniko anu mi na pfa ditora, wonani taku sithumi sangu si na tsaka, aniko anu mi na wa tingana;

Jeremiya 4:30

Konkuwa koko, u na maha txani, awe u nga hasamulwa kani? Hambi u txi ambala txiwunguwungu, u txi ti bombisa ngu wukhetikheti wa nzalama ni kungako u txo penda maso ako ngu Antimoniya, wo ti bombisela walo. Sigango sako sa kunyenya, si lava ku kudaya.

Jeremiya 5:13

Hambi vaprofeti va na nga moya, nguko kha va nga ni dipswi; ati va wombako ti na humelela kwawe.”

Jeremiya 7:19

Kasi ngani va ni henyisako kani? Kuwomba Mkoma. Kha va njo ti wusela tingana vona vapune kani?

Jeremiya 30:14

Votshe va va kurandako va ku divate, kha va ku khataleli. Nguko ni ku dayisisile ku nga wo va mlala, ngu txitsayiso txa timbiti; ngu kukula ka wubihi wako, ni wungi wa sionho sako.

Hoseya 12:1

Efrayime a ti dyisa ngu moya, kambe a londeta moya wa wutxani: Ditshiku dotshe a andisa makuhu ni kuhoxota, a maha txitumelelano ni Asiriya, se mtona wa kona wu yiswa Egipta.

Jeremiya 2:36

Ngu kutxani u kuluvetako kujika, u txitxa nzila yako kani? U engeta u xowokiswa ngu Egipta, ngako u nga wiswa tingana ngu Asiriya.