Jeremiya 22:21 - Bhiblia Yo Sawuleka

²¹ Ni wombawombile ni nawe ti txi ngadi ti kuhumela kwati, Aniko u txi khawe: “Kha ni na mbi engisa.” Ngu ona mahanyelo ako kukhukhela wananani, aku, khu na mbi pfa dipswi dangu.

Jeremiya 22:21 Referans Kwoze

Jeremiya 32:30

Nguko kukhukhela ha wuphyani kwawe, vanana va ka Israyeli, ni vanana va ka Judha, va mahi va wubihi dwe masoni kwangu, nguko vanana va ka Israyeli va ni henyisile ngu mithumo ya manza awe, kuwomba Mkoma.

Jeremiya 3:25

Ahiweni hahatshi tinganani kwathu, hi fenengela tona, nguko hi onhete Mkoma, Txizimu txathu, athu kumweko ni vatate vathu, kukhukhela ha wuphyani kwathu kala nyamsi; kha ha engisa dipswi da Mkoma, Txizimu txathu.”

Isaya 48:8

Hambi awe khwa tipfa, hambi ku tiziva, ni ka kudotho kukhukhela kale kha ya tulwa nzeve yako, nguko ani ni txi tiziva taku, khu na kuthembeka, ni ti to u txi ndaka-milayo kukhukhela mndani ka mame wako.

Mavingu 30:9

Kasi ku ngu kupfa kukhura, ni si ku kaneti, ni txi khani: I mani Mkoma kani? Mwendo ku ni di txisiwana, nipa, ni wukela Txizimu ngu dianza dangu.

Ezekhiyele 20:8

Aniko va to ni wukela kha va lava ku ni engisa; ni wammweyo kha tshotsha kule manyala, hambi kuleka sithombe sa Egipta; sekoko ni to khani ni na theketa txiviti txangu, ni kombisa kuhenya kwangu txitimwi kwawe, hagari ka ditiko da Egipta.

Jeremiya 35:15

Se ni mi rumete sithumi, i ku vaprofeti, va txi phindula, ve rumela va txi kha vona: Hundulukani, konakuwa, mmweyo ni mmweyo nzilani kwakwe ko biha, mi txi txhukwatisa mithumo yanu ya yinene, kambe mi nga londeteleni simwani sizimu; kasi ku si thumela; se ngu kumaha keto, mi na zumba ka ditiko di ni nga mi ninga, anu ni vatate vanu; aniko kha ma riya tinzeve, hambi ku ni engisa ani.

Jeremiya 6:16

Mkoma a khene: Emani tinzilani, mi wonisisa; mi wotisela tinzila ta kale, mi txi khanu: Kasi nzila ya yinene ngu yihi kani? Sekoko, tsimbilani ngu yona. Mi na mana kuhumula ka mihefemulo yanu. Aniko vona va to xamula, va txi kha vona: Kha hi tumeli kutsimbila ngu yona.

Ezekhiyele 20:28

Nguko a kule ni nga ti ti va wuleta ka ditiko dile ni nga guleta dianza, kasi kuvaninga, vona va to wonetela ka sotshe simangwana, ni ka yotshe mindonga yo txhuma, kambe va ningete koneho miphaxo yawe, ve kombisa kona hale ku ni henyisa kwawe ngu miningelo yawe, va txi veketela ni sa kubhumula, se va txi ningela miningelo ya sa kusela.

Ezekhiyele 20:21

Aniko vanana va ni wukete, kha va tsimbila ngu sileleto sangu, kambe kha va xayisa milayo yangu, saku m'thu a txi si londeta, a na hanya ngu sona; vona va nyetisete Masabbata angu; ngu mhaka ya eto ni nga khani ni na theketa txiviti txangu txitimwi kwawe, kasi kukombisa kuhenya kwangu amu txiwulani.

Ezekhiyele 20:13

Aniko nyumba ya ka Israyeli yi ni wukete txiwulani, va si tsimbili ngu sileleto sangu, kambe va lekile milayo yangu, taku ngako m'thu a txi si londeta, a nga hanya ngu sona; kambe va nyetisete ngutu Masabbata angu; se ani ni va gete ku khani ni na theketa txiviti txangu txitimwi kwawe, amu txiwulani, kasi ku va heta.

Jeremiya 2:31

Anu va liveleko liya, engisani dipswi da Mkoma! Ina mwendo ani ni khala ku va txiwula ka Israyeli kani? Mwendo kuve ditiko da txidema kani? Ngu kutxani vathu vangu va txi: Hi txhusekile; kha hi na mbiswa hi txita kwako kani?

2 Makronika 33:10

Se Mkoma a to womba ka Manasi ni ka vathu vakwe, kambe kha va mu engisa.

Dhewuteronome 31:27

Nguko ani na di ziva dihanyo dako da wuhurupha ni kukanyisa kwako; hambi nyamsi, ni ku ngadi ni txi hanya kumweko ni nanu, mi ku siphukuphuku ka Mkoma; se mi na txani, ngako ni di fite kani?

Dhewuteronome 9:24

Anu mi vaeyisi ka Mkoma, kukhukhela ka ditshiku di ni nga khata ku mi ziva.

Dhewuteronome 9:7

Alakanya, u nga divale ti to u henyisile Mkoma, Txizimu txako, kona txiwulani. Kukhukhela ka ditshiku di u nga huma ditikoni ka Egipta, kala u hoka ka wuwa wukhalo, mi vathu va kanu masoni ka Mkoma;

Masalmo 129:1

Sikhati sasingi va ni xanisile kukhukhela ka wuphya wangu a na wombe konkuwa Israyeli.

Jeremiya 3:24

Nguko tingana dyite mthumo wa vatate vathu. Kukhukhela hi di ngadi vaphya; tinvuta tawe ni tihomu tawe, sizambzana sawe ni sihoranana sawe.

Jeremiya 13:10

Ditiko diya do biha, adi di si tumeliko kupfa mapswi angu, adi di tsimbilako ngu kubanga ka mbilu ya dona, di txi londetela simwani sizimu, di txi si thumela ni ku si khozela, di na fana ni libhandi li li si vhuniko txilo.

Jeremiya 19:15

A womba tiya Mkoma wa Mabutho a Tiyimbi, Txizimu txa ka Israyeli: Wona taku ni na tisa txitimwi ka diya didhoropa, ni ka sotshe sidhoropana, wotshe wubihi wu ni nga wu womba ngu ku diwukela, nguko va bangisile tithamo tawe, kuva va si engisi timhaka tangu.

Jeremiya 48:11

Mowabhi a ti ti zumba kuthuthani kukhukhela ha wuphyani kwakwe, a zumbile tithombani kwakwe; kha nga thaviswa ka txiya a txi vekwa ka tximwani, kambe kha tsuliswa wukhumbini; ngu mhaka yeto a xayisile wunene wakwe, ni kubhumula kwakwe kha nga txitxa.

Zakariya 7:7

Ina anu kha ma mapfa mapswi ale Mkoma a nga ma txhumayela, ngu mthumo wa vaprofeti vo khata, mbimo yile Jerusalema a nga ti ngadi ni vathu, na a di thuthile, ni kuranganyetwa ngu madhoropa akwe, se Wulambwe ni libalani, ku ti ti ni vathu kani?

Jeremiya 2:25

Thela kota ti to mkondo wako wu si mwalalelwi ngu kathula, ni mkolo wako ti to wu mana ditora! Aniko u khawe: “Wa ti karata walo! Nguko ni randa sizimu sa vamatiko ni nga txi na si londetela.”

Jeremiya 25:3

Kukhukhela ka dilembe da digumi ni mararu da kufuma ka Josiya, mwana Amoni, mfumeli wa ka Judha, kala ka diya ditshiku, mndani ka magumi mambidi a malembe ni mararu, Mkoma a ti womba-womba ni nani, ni di txhumayete kwanu i di ngadi mixo, aniko anu kha ma engisa.

Jeremiya 25:4

Kambe Mkoma a mi rumete sithumi sakwe sotshe, i ku vaprofeti; aniko anu kha ma engisa, hambi kuhuphuta tinzeve, kuva mi txi tipfa.

Jeremiya 25:7

Hambi ka eto kha ma ni engisa, kuwomba Mkoma, ti taku mi vhinjukisa kuhenya kwangu ngu mithumo ya manza anu, mi txi ti tota dikhombo mipune.

Jeremiya 25:8

Ngu konaho, Mkoma wa Mabutho a Tiyimbi a khene: Ngako mi nga mbi engisa timhaka tangu,

Zefaniya 3:2

Kha di engisi dipswi, kha di tumeli kukawukwa, kha di thembi Mkoma, hambi kutshuketa ka Txizimu txa dona.