Jeremiya 22:19 - Bhiblia Yo Sawuleka

¹⁹ A na tshotshiswa ku nga mbongola, a na ndindwa a txi ya tshotshwa hahanze ka sidinge sa Jerusalema.

Jeremiya 22:19 Referans Kwoze

Jeremiya 36:30

Ngu konaho, Mkoma a khene xungetano ni Jehoyakimu, mfumeli wa ka Judha: Kha na mbi va ni mwanana wo zumba ha txikhalo ka Dhavhidha; txirumbi txakwe txi na tshotshwa hahanze ha lisanini ka mitshikari ni ha phehoni ka wusiku.

Jeremiya 36:6

Ngu konaho wulela awe Nyumbani ka Mkoma ngu ditshiku da kuyila, u txi ya gonda dibhuku di u nga bhala mapswi ale ni nga kugeletela, i ku mapswi a Mkoma, u txi ma gonda tinzeveni ka vathu ni ka votshe Vajudha vale va nga ta ngu madhoropani kwawe.

Jeremiya 15:3

Ni na va rumelela mune wa makhombo, kuwomba Mkoma, ditxhari di na va xasela, timbwa ti na va pfunulela. Sinyana sa nzuma ni sibanda sa txitinga si na va khobweta si txi va lovisa.

2 Makronika 36:6

Nebhukodhonosori koko, mfumeli wa Bhabhilona, a to kwelela ku yalwa nayo, e msugelela ngu titxhini, kasi kutsula nayo Bhabhilona.

2 Vafumeli 9:35

Se va to tsula diyivani; aniko kha va mmana, hahanze ka txikwakwa, ni mikondo ni syanza.

1 Vafumeli 14:10

se ni na tisa dikhombo nyumbani ka Jerobhowamu, se ni na va abanisa kukhukhela ka wamwamna kala ka mfana, hagari ka txikarawa ni wo txhatxheka amu Israyeli, se ni na tshotsha hahanze liveleko la nyumba ya Jerobhowamu, nga tile si tshotshiswako tona sinoniso, kala ku va heta votshe.

2 Vafumeli 23:36

Jehoyakimu a ti ti ni magumi mambidi a malembe ni mtxhanu a tanga, mbimo yi a nga khata kufuma, a fumete Jerusalema digumi da malembe ni dimwedo; ditina da mwamwakwe i ti ti Zebhidha, mwana Pedhaya, wa ditiko da Ruma.

2 Vafumeli 24:6

Jehoyakimu a otete ka vatate vakwe; se mwanana wakwe Jowakimu a to fuma ka wukhalo wakwe.

Ekleziyaste 6:3

Ngako m'thu a txi veleka 100 da vanana, e hanya malembe o tala, ni masiku a malembe akwe me tala, ni muhefemulo wakwe wu si khuri ngu litsako, se hahanze keto asi mani ni wo mtshotsha, ni khani i txhuko txirumbu txo dhodwa, kupinda ene.

Jeremiya 8:2

ma na hangalaswa masoni ka ditambo ni mtxima ni tiyimbi ta nzuma, asi va nga si randa ni ku si thumela, ni si va nga si londetela, ve si wotisa ni ku si khizamela; kha ma na mbi ngadi me sengeletwa, hambi kukelelwa, ma na maha sinoniso ha mafuni.

Ezekhiyele 19:8

Sekoko vathu va matiko a hombe, va to sengeletana ve yi randela, va txi yi lwisa, veza veya yi mana diphalani ka yona.

Ezekhiyele 39:5

U na wa txitimwi ka mafu, nguko ni wombile, kuwomba Mkoma Txizimu.