Jeremiya 22:18 - Bhiblia Yo Sawuleka

¹⁸ Ngu konaho, Mkoma a womba madingano ni Jehoyakimu, mwana Josiya, mfumeli wa ka Judha, a txi khene: Kha va na mbi m'dilela, va txi kha vona: Yowe, mwanathu wa txiwamna! Mwendo yowe, mwanathu wa txisikati! Se kha va na mbi peka huwa ngu ngene, va txi kha vona: Yowe, awe nyamne wangu! Mwendo ku yowe awe mthaviseki!

Jeremiya 22:18 Referans Kwoze

Jeremiya 16:6

Vahombe ni vanana va na fa ngu wubihi wawe ditikoni muwa, va si tshotshwi; vathu kha va na mbi va dilela, hambi ku ti txhavela ni kuyola misungo.

1 Vafumeli 13:30

Se a to veka txirumbi txileya amu ka diyiva do lumba ene; va to msalukela va txi kha vona: O! Mwanathu!

Jeremiya 22:10

Mi nga dileleni wu a nga fa, mi nga pekeni huwa ngu mhaka yakwe. Aniko dilelani ngutu wu a khukhako, nguko kha na mbi ngadi e wuya, a txi ta wona ditiko di a nga velekwa ka dona.

Jeremiya 16:4

Nguko va na fa ngu mafelo o thisa; kha va na mbi dilelwa hambi kutshotshwa; va na nga fenze mafuni. Va na dawa ngu ditxhari ni nzala; sirumbi sawe si na dyiwa ngu sinyana sa nzuma ni sihari sa txitinga.

Jeremiya 34:5

U na fa ngu kuthutha; u na tshotshiswa kuhiswa nga tile va nga mahiswa tona vatate vako, vafumeli va kaleko ava va nga ti masoni kwako; va na kudilela, va txi kha vona: Yowe! Mkoma! Nguko ngani ni wombako dipswi, kuwomba Mkoma.

2 Makronika 35:25

Se Jeremiya a to maha txidilo txo dila Josiya; se votshe vaembeleli vavamna ni vavasikati va to womba-womba ngu timhaka ta Josiya tindandoni kwawe, kala ka ditshiku da nyamsi; nguko va ti mahile txileleto ka Israyeli; wonani taku “ti bhatwe ka dibhuku da sidilo.”

2 Samuwele 1:26

Ni pandisekile ngutu ngu ngawe mwanathu Jonatani; u ti ti randeka ngutu kwangu! Lirando lako li ti ti ni tsakisa ngutu kupinda lirando la vavasikati!

2 Vafumeli 23:6

Kambe a to thavisa txifananiso txo vatwa Nyumbani ka Mkoma eya txi tshotsha hahanze ka Jerusalema, txinambwanani ka Kedroni, e txi hisa hafuhi ni txinambwana txa Kedroni, txi maha dikhuma, se a to xwayela dikhuma da kona txitimwi ka mathitha a vanana va vathu va ditiko dile.

2 Vafumeli 23:36

Jehoyakimu a ti ti ni magumi mambidi a malembe ni mtxhanu a tanga, mbimo yi a nga khata kufuma, a fumete Jerusalema digumi da malembe ni dimwedo; ditina da mwamwakwe i ti ti Zebhidha, mwana Pedhaya, wa ditiko da Ruma.

2 Vafumeli 24:6

Jehoyakimu a otete ka vatate vakwe; se mwanana wakwe Jowakimu a to fuma ka wukhalo wakwe.

2 Makronika 36:5

Jehoyakimu a to khata kufuma a di ni tanga ya magumi mambidi ni mtxhanu wa malembe, e fuma digumi da malembe ni dimwedo Jerusalema, e maha wubihi masoni ka Mkoma Txizimu txakwe.

Jeremiya 22:12

“Aniko a na ya fela ka wukhalo wu va nga myisa ka wona kuñolwani, kha na mbi ngadi e wona ditiko diya.”

1 Makronika 3:15

Vanana va Josiya ngu vava: Matiwula i Jowanani, wa wumbidi i Jeyowakimi, wa wuraru i Zedhekiya; wa wumune i Salumi.

Jeremiya 21:11

U na khawe ka mfumeli wa nyumba ya ka Judha: Pfanani mhaka ya Mkoma:

Jeremiya 36:30

Ngu konaho, Mkoma a khene xungetano ni Jehoyakimu, mfumeli wa ka Judha: Kha na mbi va ni mwanana wo zumba ha txikhalo ka Dhavhidha; txirumbi txakwe txi na tshotshwa hahanze ha lisanini ka mitshikari ni ha phehoni ka wusiku.