Jeremiya 22:16 - Bhiblia Yo Sawuleka

¹⁶ A lamute mhaka ya mxaniseki ni wa kupwata, ngu mhaka yeto ti m'humete kha kwati; ina eko hi nga kona ku ni ziva kani? Kuwomba Mkoma.

Jeremiya 22:16 Referans Kwoze

Jeremiya 9:24

Aniko awu a ti dhundako e ti dhundela ka yiya mhaka, ti taku a di ni kupfisisa e ni ziva, ti taku ngani Mkoma ni mahako wumbilu, ni kupamula ni wululamo ha mafuni; nguko na xalaliswa ngu sa ku ngeto, kuwomba Mkoma.

Isaya 1:17

Gondani kumaha ta tinene; lavani kululama, vhunani va va xanisekako, mi seketela vo felwa ngu vaveleki, mi lwela tinoni.

Titosi 1:16

Va womba ti to va txi ziva Txizimu, aniko va txi lamba ngu mahanyelo awe, nguko va nyenyeza, nzindaka milayo, kha va sikoti kumaha mthumo ni wawumwewo wa wunene.

Johani 17:3

Se wutomi wo mbi guma ngu kuva va txi kuziva, awe, u ku Txizimu txa tximwetxo txa ditshuri, ni Jesu Kristu, awu u nga mruma.”

Jeremiya 9:16

Ni na va hangalasa hagari ka matiko awa vona hambi vatate vawe va nga mbi ma ziva, ni na rumela ditxhari, niza ni va heta.

Masalmo 109:31

Ene i m'vhikeli wa sisiwana wa si hulukisa ka vale va lavako ku si daya.

Masalmo 9:10

Va kuthemba avale va ku zivako, nguko awe, Mkoma, khu tshuraleli ava va ku lavako.

Jeremiya 5:28

va enile, va tote mafura. Kubiha kwawe kha ku na magwito. Kha vaemeli ti to sisiwana si na humelele; kha va wili mahungu a sisiwana ngu fanelo.

1 Makronika 28:9

Se awe mwanangu Solomoni, ziva Txizimu txa tate wako, u txi thumela ngu mbilu ya yinene, ni mhefemulo wo txhatxheka; nguko Mkoma wa xola totshe timbilu, ni kupfisisa totshe timhaka ta mialakanyo; se ngako u txo mlava, u na mmana; kambe ngako u txi mleka, a na kulamba kala kupinduka.

Johani 17:6

“Ni wonekisile ditina dako ka vathu va ditiko, avale u nga ni ninga. Vona i ti vako, aniko awe u ni ningile, vona va veketile dipswi dako.

Johani 16:3

Va na mi maha totshe tiya, nguko kha va m'ziva Tate ni nani.

Jeremiya 9:3

Se va domba tidimi tawe nga malaho kasi kuhemba makuhu, va na ni mtamo ditikoni, aniko kha va wu thumisi kumaha ta tinene, nguko vaya masoni ngu kubiha ni kubiha, kha va ti zivi, kuwomba Mkoma.

Johani 8:19

Se va to mu gela va txi kha vona: “Tate wako kasi ahani?” Jesu a to va xamula a txi khene: “Ani kha mi ni zivi, hambi ni Tate wangu kha mi mu zivi. Idiku mi ti ni zivile, hambi ni Tate nga mi ti mu zivile.”

1 Samuwele 2:2

Kha ku na wo sawuleka kufana ni Mkoma; nguko kuwalo mmwani hahanze kwako; kha ku na dirigwi ni da dimwedo do fana ni Txizimu txathu.

Masalmo 36:10

Engetela lirando lako ka vale va ku zivako ni kululama kwako ka vale va timbilu to lulama.

Mavingu 31:9

Tula txisofu txako, lamula ngu kululama, u lamulela sisiwana ni vale va pwatako somaha.

Mika 6:8

Ene a kuzivisile, awe m'thu, a ti i ku ta tinene; ni ti Mkoma a ti kombelako kwako, kuva u maha kululama, u randa tinene, u tsimbila ngu kutinamisa ni Txizimu txako.