Jeremiya 22:14 - Bhiblia Yo Sawuleka

¹⁴ Awu a ku khene: “Ni na ti akela nyumba ya hombe. Ni sibhiya so anama, a txi dhoda mafasitela; a txi nameketela makedhari, ni ku yi penda ngu mxowo wo bhilivila.”

Jeremiya 22:14 Referans Kwoze

2 Samuwele 7:2

mfumeli a to khene ka mprofeti Nathani: Wona, ani ni zumba ka nyumba yo akwa ngu tiphande ta mikedhari, kambe dibhokiso da Txizimu di zumba mndani ka mijiyo.

Hagayi 1:4

Ina ngu yona mbimo yo anu mi zumba ka tinyumba tanu to thsuriselwa, se ayiya nyumba yi maha ditshatsha kani?

Malakiya 1:4

Hambi ku ngako Edhomi a txo womba a txi khene: Hi mahilwe sisiwana, ngu mhaka yeto, hi na tshumela hi aka marumbini, a womba tiya Mkoma wa Mabutho a Tiyimbi: Vona va na aka, aniko ani ni na hoxota, se va na va dhana ku Ditiko da Wubihi, ni Vathu vale Mkoma a nga va henyela ngu ha ku si gwitiko.

Dhaniyeli 4:30

mfumeli a to wotisa, a txi khene: Ina hi nga ene Bhabhilona wa hombe wu ni nga muaka kasi kumaha nyumba ya wukoma, ngu mtamo wa mfumo wangu, ni wudhumo wa wuhombe wangu kani?

Isaya 9:9

Se votshe vathu vava va na tiziva, Efrayime ni vaaki va Samariya, vale va wombako ngu kutikulisa ni kutiguleta ngu timbilu, va kha vona:

Ndando ya Tindando 1:17

Minaneko ya nyumba yathu nja mikedhari, timbalelo ta lyangwa lathu nda Sipresite.

Mavingu 24:27

Tshurisela mithumo yako hahanze, u yi hetisela thembweni, sekoko aka nyumba yako.

Mavingu 17:19

Awule a dhundako mazunga a randa txionho; ni wule a guletako txike txakwe, a na wa ti si karati.

2 Makronika 3:5

Se mndani ka nyumba ya hombe va ti ti vhate ngu mapulango, ngu txitmwi ka ona ma ti bhamilwe ngu nzalama e hamba sifaniso sa mitxhese ni sa tiketani.

Ezekhiyele 23:14

Oholibha a to engetekelana ka wugelegele wakwe, nguko a woni vavamna vo pendwa, ha disetani, i ku sifananiso sa Vakaldewu, sa mxowo wo bhilivila;

Amosi 6:8

A xambanyile Mkoma Txizimu, ngu dihika dakwe, Mkoma, Txizimu txa Mabutho a Tiyimbi, a khene: Na nyenya kutikulisa ka va ka Jakobe, ni venga ni tinyumba tawe ta wukoma; na ningela didhoropa ni sotshe si si ku ka dona.