Jeremiya 22:13 - Bhiblia Yo Sawuleka

¹³ Dikhombo ka wule a akako nyumba yakwe ngu kwa mbi lulama ni sibhiya sa kwa mbi na madingano; awu a thumisako m'thu-kulowe asi mu holeli, ni kambe kha m'diheli tile a mmahelako.

Jeremiya 22:13 Referans Kwoze

Jakobe 5:4

Wonani, male yi mi nga lamba kuholela sithumi si si nga elula tithembweni kwanu ya kwangula, se tihuwa ta vaeluli ti hokile tinzeveni ka Mkoma wa Mabutho.

Mika 3:10

mi aka Siyoni ngu mnoha, ni Jerusalema ngu wubihi.

Levhi 19:13

U nga xuphe mkwanu kambe u nga mpele sakwe; muholo wa mthumo wu a thumako u nga zumbe nawo manzani kwako, kala ditshiku da mangwana.

Malakiya 3:5

Se ni nata hafuhi kwanu, ku ta mi lamula, kambe ni na va fakazi ya livilo yo lwa ni valoyi, ni kuwukela vale va mahako wugango, ni vale va xambanyako ta makuhu, ni vale va kanganyisako mthumi, ve honyola madingano a tinoni, ni vo felwa ngu vaveleki, ni vawuyi, kambe kha va ni thavi, kuwomba Mkoma wa Mabutho a Tiyimbi.

Jeremiya 22:18

Ngu konaho, Mkoma a womba madingano ni Jehoyakimu, mwana Josiya, mfumeli wa ka Judha, a txi khene: Kha va na mbi m'dilela, va txi kha vona: Yowe, mwanathu wa txiwamna! Mwendo yowe, mwanathu wa txisikati! Se kha va na mbi peka huwa ngu ngene, va txi kha vona: Yowe, awe nyamne wangu! Mwendo ku yowe awe mthaviseki!

2 Makronika 36:4

Se mfumeli wa Egipta a to veka Eliyakimu, mwanawe wa Jowakazi, e fumela ditiko da Judha ni Jerusalema, e m'txitxa ditina a txi i Jehoyakimu; kambe Neko a to teka Jowakazi mwanawe, e tsula nayo ditikoni da Egipta.

2 Makronika 36:5

Jehoyakimu a to khata kufuma a di ni tanga ya magumi mambidi ni mtxhanu wa malembe, e fuma digumi da malembe ni dimwedo Jerusalema, e maha wubihi masoni ka Mkoma Txizimu txakwe.

Isaya 5:8

Dikhombo ka vale va ku ni tinyumba ni tinyumba, va ku ni tithomba ni tithomba, kuza ku si maneki ni wukhalo, va txi zumbisa ku nga ova vona vokha ha mafuni!

Jeremiya 17:11

Nga tshukwa yi yi fundamelako manda a yi nga mbi ma veka, ngu toneto ni wu a sengeletelako tithomba ngu nzila ya walo; kuve a na yi leka i di ngadi mixo, magwito akwe ngu kuxanga.”

Dhewuteronome 15:13

Aniko, ngako u txi mleka e tsula, u nga mleke e tsula asi nga ni txilo manzani kwakwe.

Jobe 31:39

Ngako ni ti dyite mihando ya mafu ni si nga ni male, ni daya vanyamne va kona,

Habhakuki 2:12

Dikhombo ka wule a akako didhoropa ngu mnoha, kambe a tsanisako didhoropa ngu wubihi.