Jeremiya 22:11 - Bhiblia Yo Sawuleka

¹¹ Nguko Mkoma a womba tiya xungetano ngu Salumi, mwana Josiya, mfumeli wa ka Judha, awu a nga fuma wukhaloni ka tate wakwe, a nga khukha ka wuwa wukhalo, a txi khene: “Ene kha na mbi ngadi e wuya kambe hawa.”

Jeremiya 22:11 Referans Kwoze

1 Makronika 3:15

Vanana va Josiya ngu vava: Matiwula i Jowanani, wa wumbidi i Jeyowakimi, wa wuraru i Zedhekiya; wa wumune i Salumi.

2 Vafumeli 23:34

Kambe Faro-Neko a to fumisa Eliyakimu, mwana Josiya, ka wukhalo wa tate wakwe Josiya, se e mtxitxela ditina atxi khene i Jehoyakimu; se a to teka Jowakazi, e tsula Egipta, a fete koneyo.

2 Makronika 34:22

Sekoko Hilikiya ni ava mfumeli a nga va ruma nayo, vatoya ka Hulidha, mprofeti wa txisikati, msikati wa Salumi, mwana Tokati, mwana Hasira muwoneleli wa syambalo a nga ti akile Jerusalema ve womba-womba nayo ngu mhaka ya dibhuku.

2 Makronika 28:12

Sekoko vamwevo hagari ka vathangeli va vanana va ka Efrayime, i ku Azariya, mwana Jowanani, ni Bherekiya, mwana Mesilemoti, ni Jeyizikiya, mwana Salumi, ni Amasa, mwana Hadhilayi, va to wukela mtxawa wu wu nga ti wuya ngu kulwani.

2 Vafumeli 23:31

Jowakazi a khatile kufuma a ti ni tanga ya magumi mambidi a malembe ni mararu, a to fuma mitxima yiraru Jerusalema; ditina da mwamwakwe i ti ti Hamutali, mwana Jeremiya wa Libhina.

2 Vafumeli 23:30

Madhota akwe ma to mteka ngu Megidhu a di fite, ve mtisa Jerusalema, ve mtshotsha hadithithani kwakwe. Se vathu va ditiko va to teka Jowakazi, mwana Josiya, ve mtota, ve mmaha mfumeli ka wukhalo wa tate wakwe.

Zefaniya 1:1

Adiya dipswi da Mkoma, di nga ta ka Zefaniya, mwana Kusi, mwana Gedhaliya, mwana Amariya, mwana Ezekhiya, ka masiku a Josiya, mwana Amoni, mfumeli wa ka Judha.

2 Vafumeli 23:29

Ka masiku akwe, a to kwela Faro-Neko, mfumeli wa Egipta e lwisa mfumeli wa Asiriya, mnamboni ka Ewufrate; se mfumeli Josiya a to mu hingeta; mbimo yile ene a nga muwona a to m'daya ditikoni ka Megidhu.

Jeremiya 22:27

Aniko ditiko di va xuvako kutshumelela ka dona, kha va na mbi wuya ka dona.