Jeremiya 22:10 - Bhiblia Yo Sawuleka

¹⁰ Mi nga dileleni wu a nga fa, mi nga pekeni huwa ngu mhaka yakwe. Aniko dilelani ngutu wu a khukhako, nguko kha na mbi ngadi e wuya, a txi ta wona ditiko di a nga velekwa ka dona.

Jeremiya 22:10 Referans Kwoze

Jeremiya 22:11

Nguko Mkoma a womba tiya xungetano ngu Salumi, mwana Josiya, mfumeli wa ka Judha, awu a nga fuma wukhaloni ka tate wakwe, a nga khukha ka wuwa wukhalo, a txi khene: “Ene kha na mbi ngadi e wuya kambe hawa.”

Ekleziyaste 4:2

Ngu mhaka yeto, ni dhumisa vale va nga fa, kupinda vale va ku ngadi va txi hanya.

Sidilo 4:9

Avale va nga dawa ngu ditxhari, va katekile kupinda vale va nga dawa ngu nzala, i ku vale va nga sika va txi goma, ngu kupwateka ka mihando tithembweni.

Isaya 57:1

Wa lova mlulami, se kha ku nga ni wu a alakanyo eto mbiluni kwakwe; Vathu vo thembeka va thaviswa, na ku si nga ni wo ziva ti to mlulami, a tekwa a sanzi kuonha.

2 Vafumeli 22:20

Ngu mhaka yeto, ni na kutshanganisa ni vatate vako, se awe u na vekwa ngu kuthutha dithithani kwako, maso ako kha ma na mbi wona wotshe wufenze wule ni no wu tisa ka wukhalo wuwa. Sekoko va to wuyisa xamulo yongeto ka mfumeli.

Luka 23:28

Jesu a to tshembereka a txi va wonetela, a txi khene: “Anu vanana vamahorana va Jerusalema, mi nga ni dileleni; ti dileleni anu mipune ni vanana vanu,

Jeremiya 22:18

Ngu konaho, Mkoma a womba madingano ni Jehoyakimu, mwana Josiya, mfumeli wa ka Judha, a txi khene: Kha va na mbi m'dilela, va txi kha vona: Yowe, mwanathu wa txiwamna! Mwendo yowe, mwanathu wa txisikati! Se kha va na mbi peka huwa ngu ngene, va txi kha vona: Yowe, awe nyamne wangu! Mwendo ku yowe awe mthaviseki!

2 Makronika 36:4

Se mfumeli wa Egipta a to veka Eliyakimu, mwanawe wa Jowakazi, e fumela ditiko da Judha ni Jerusalema, e m'txitxa ditina a txi i Jehoyakimu; kambe Neko a to teka Jowakazi mwanawe, e tsula nayo ditikoni da Egipta.

Jeremiya 16:7

Kambe kha nga ho a no phamelwa m'baba wa txidilo, kasi ku mmalata ngu mhaka ya kufelwa; kambe kha na mbi hiwa dijingo do mthavelela ngu mhaka ya tate wakwe, mwendo mwamwakwe.

Jeremiya 25:27

U na va gela, u txi khawe: Mkoma wa Mabutho a Tiyimbi, Txizimu txa Israyeli, a khene: Selani mi txi leva, mi kosa, mi txi wa, mi si wuki kambe, ngu mhaka ya yimbi ni no yi rumela kwanu.

Jeremiya 28:4

Kambe ni na wuyisa ka wuwa wukhalo Jokoniya, mwana Jehoyakimu, mfumeli wa ka Judha, ni totshe tikhumbi ta ka Judha, ti nga yiswa Bhabhilona, kuwomba Mkoma, nguko ni na funya dikange da mfumeli wa Bhabhilona.

Jeremiya 42:18

Nguko a womba tiya Mkoma wa Mabutho a Tiyimbi, Txizimu txa Israyeli: Nga ti ku nga thekelisa tona kuhenya kwangu ni txiviti txangu ka vale va zumbako Jerusalema, ku na thekelisa toneto kuhenya kwangu txitimwi kwanu, aha ni no wulela Egipta; mi na maneka mi txi ruketelwa, txixamaliso, txinyenyeko, ni kutxhipiswa, kha mi na mbi wu wona kambe wukhalo wuwa.

Jeremiya 44:14

Aha kaku kha ku na mbi huluka ni wammweyo e maneka didhawa e sala wa ka Judha a nga wulelela ditikoni ka Egipta, kuya luvela, kasi kuteka ditiko da ka Judha, adi a nga txi navelwa kutshumela eya zumba ka dona; kha va na mbi tshumela, hahanze ka vale va nga huluka.

Ezekhiyele 24:16

Awe mwanana wa m'thu, wona taku ni na thavisa kunavela ka maso ako ngu ku kupeka, aniko khu na mbi pandiseka, kambe khu na mbi dila, hambi kuwa mirongo yako.

2 Vafumeli 23:29

Ka masiku akwe, a to kwela Faro-Neko, mfumeli wa Egipta e lwisa mfumeli wa Asiriya, mnamboni ka Ewufrate; se mfumeli Josiya a to mu hingeta; mbimo yile ene a nga muwona a to m'daya ditikoni ka Megidhu.

Jeremiya 22:27

Aniko ditiko di va xuvako kutshumelela ka dona, kha va na mbi wuya ka dona.