Jeremiya 22:1 - Bhiblia Yo Sawuleka

¹ Mkoma a ti khene: Relela nyumbani ka mfumeli wa ka Judha, u txi ya womba kona mhaka yiya:

Jeremiya 22:1 Referans Kwoze

Jeremiya 34:2

A womba tiya Mkoma, Txizimu txa Israyeli: Tsula u ya gela Zedhekiya, mfumeli wa ka Judha, u txi khawe: Mkoma a khene: Ni na ningela diya didhoropa manzani ka mfumeli wa Bhabhilona, ene a na di hisa.

Marku 6:18

Se ka yoneyo mbimo, Johani a ti khene ka Herodha: “Kha ta lulama kuteka msikati wa mwananu.”

Amosi 7:13

Kambe a ha Bheteli, kukhukhela kuwa kala kupinduka, khu na mbi ngadi u profeta kambe, nguko wukhalo wo sawuleka wa mfumeli ni nyumba ya mfumo.

Hoseya 5:1

Engisani tiya anu vaphaxeli, engisani anu va nyumba ya ka Israyeli, engisani anu va nyumba ya mfumeli, nguko kulamula kuwa kulumba anu, wonani taku mi mahile mlawu ka Misipa, ni likoka lo gwimbwa txitimwi ka Tabhori.

Jeremiya 21:11

U na khawe ka mfumeli wa nyumba ya ka Judha: Pfanani mhaka ya Mkoma:

2 Makronika 33:10

Se Mkoma a to womba ka Manasi ni ka vathu vakwe, kambe kha va mu engisa.

2 Samuwele 12:1

Se Mkoma a to rumela Nathani ka Dhavhidha; a di wuleta ka Dhavhidha a to ya khene kwakwe: Ku ti ti ni vavamna vambidi ka didhoropa dokari, mmweyo i ti nyatithombe, mmwani i ti txisiwana.

Jeremiya 21:14

Ni na mi peka madingano ni muhando wa mithumo yanu, kuwomba Mkoma. Ni na dhivela mndilo txitingani kwanu, wu na danzela sotshe si si ku hahanze ka m'ti.

Jeremiya 22:2

Pfana mhaka ya Mkoma, awe mfumeli wa ka Judha, u ku ha ka txikhalo txa wufumeli txa Dhavhidha, awe ni sithumi sako, ni vathu vako ava va wulelako ngu sike siya.