Jeremiya 21:5 - Bhiblia Yo Sawuleka

⁵ Ani nipune ni na lwa ni nanu ngu dianza di di guletilwe, ngu diwoko da mtamo, ni kuhenya, ni kuswireka, ni txiviti txa hombe.

Jeremiya 21:5 Referans Kwoze

Isaya 63:10

Aniko vona va to mueyisa, se ve henyisa Moya wakwe wo Sawuleka; a to maneka i di mlala wawe, se ene apune a tolwa navo.

Isaya 5:25

Ngu kumaha keto, kuhenya ka Mkoma, kuturile txitimwi ka vathu vakwe, se a nawulutile dianza dakwe, e va daya; mimango yi to zinginika, sirumbi sawe si hangalaka, ku nga nzokoro hagari ka tinzila; hambi keto, kuhenya kwakwe ku toya masoni, ni dianza dakwe di ngadi nawulukile.

Eksodha 6:6

Ngu mhaka yeto, u na womba ka vanana va ka Israyeli u txi khawe: Ani ngani Mkoma, kambe ni na mi humisa ka mithumo yo nemela ya ditikoni ka Egipta, ni na mi thusa wukhumbini kwanu, kambe ni na mi tirula ngu dianza dangu da mtamo ni mthumo wa hombe wa kulamula.

Jeremiya 32:17

O! Mkoma Txizimu! Ngawe u nga maha nzuma ni mafu ngu mtamo wako wa hombe ni diwoko dako di nga nawulutwa; kha ku na txilo txi tandako kwako:

Jeremiya 6:12

Nyumba yawe yi na ningelwa vamwani, kumweko ni tithembwe tawe ni vasikati vawe; nguko ni nawuluta dianza dangu txitimwi ka vaaki va ditiko, kuwomba Mkoma.

Isaya 9:21

Manasi a na wukela Efrayime, se Efrayime a na wukela Manasi, se ngu wumbidi wawe va na wukela Judha. Se ngu totshe tiya, txiviti txakwe kha txi gumi, ni dianza dakwe a nga ti di guletile.

Isaya 9:17

Ngu toneto, Mkoma kha na mbi tsakiswa ngu majaha a dona, kambe kha na mbi va ni wusiwana ni vo felwa ngu vaveleki, ni tinoni, nguko votshe mba magwava, ni wubihi, sotshe sisofu si womba-womba wuphukuphuku. Se ngu mhaka yiya yotshe, kuhenya kwakwe kha ku pindi, aniko dianza dakwe di ngadi nawulutilwe.

Eksodha 9:15

Nguko, i ti ku ani ni ti guletile dianza dangu ni txi kupeka awe ni vathu vako ngu mtungu wa lifo, nga u di fuvile ha mafuni;

Jeremiya 32:37

Wonani, ni na mi tshanganisela ngu matikoni kotshe, ayo ni nga va tutumisela ka ona kuhenyani kwangu ni txiviti txangu ni dikhulo da hombe; ni na tshumela ni va wuyisa ka wukhalo wuwa, ni va maha ve zumbiseka.

Isaya 10:4

Mi na sikota kunama hagari ka vale va nga ñolwa, mwendo kuwa hagari ka sirumbi sile si nga dawa kani? Hambi keto txiviti txakwe kha txa guma, aniko dianza dakwe di ngadi nawulutilwe.

Isaya 9:12

Vasiriya va nata ngu wutxani, se Vafilista va nata ngu wuphemba, ve ta khadamula Israyeli ngu txisofu txo asama; hambi keto, kuhenya kwakwe kha ka pinda, aniko dianza dakwe di ngadi nawulutilwe.

Dhewuteronome 4:34

Mwendo njizimu txokari txi nga duketa kuya teka vathu hagari ka vamwani vathu, ngu mithumo ni sikombiso, ni sixamaliso, ni kulwa ngu dianza do tsana, di nga guleka ni mithumo ya hombe yo thisa ku nga totshe tile Mkoma, Txizimu txako, a nga ti maha ditikoni ka Egipta, na anu mi txi ti wona kani?

Dhewuteronome 4:23

Ti woneleni mi si divali txitumelelano txi Mkoma, Txizimu txanu, a nga txi maha ni nanu, mi si thuki mi ti mahela txifananiso txo wumbwa, txa tximaha txihi ni txihi, a txi Mkoma, Txizimu txanu, a nga mi tsimba.

Jeremiya 36:7

Mwendo va na khongela masoni ka Mkoma, se ve hunduluka mmwani ni mmwani ka nzila yakwe yo biha, nguko kuhenya ni txiviti txa Mkoma nza hombe, asi a wukelako ngu sona vathu vava.

Jeremiya 37:10

Nguko hambi i ti ku mi ti ko tshinda yotshe yimbi ya Vakaldheya va va mi wukelako, na ku ti sate dwe vo dayiswa, mmweyo ni mmweyo wawe a ndi na huma ngu ditendani kwawe, a txi ta hisa didhoropa diya.

Sidilo 2:3

Ha kupandisekani ka kuhenya kwakwe, a funyetete mtamo wa va ka Israyeli. A txi tshumetela msana txivhikelo txawe, msana ka valala vawe. A txi tura masoni ka va ka Jakobe nga dituro da mndilo wu wuhisako sotshe.

Ezekhiyele 5:8

ngu mhaka yeto, Mkoma Txizimu a khene: Wonani taku ani, ina, ani nipune, na kusola; ni na kutsayisa ma txi kuwona matiko.

Ezekhiyele 39:3

Kambe ni na thavisa wulaho ka dianza dako da txibhabha, ni wisa tingove ti ku ka dianza dako da txinene.