Jeremiya 21:14 - Bhiblia Yo Sawuleka

¹⁴ Ni na mi peka madingano ni muhando wa mithumo yanu, kuwomba Mkoma. Ni na dhivela mndilo txitingani kwanu, wu na danzela sotshe si si ku hahanze ka m'ti.

Jeremiya 21:14 Referans Kwoze

Jeremiya 32:19

U wa hombe mu ka makungo, u ni mtamo mu ka kumaha, maso ako ma wona otshe mahanyelo a vathu, kasi kuninga ka mmwani ni mmwani madingano ni mahanyelo akwe, ni madingano ni mihando yakwe.

Mavingu 1:31

Ngu konaho, va na dya mihando ya mahanyelo awe, kambe va na khuriswa ngu sileleto sawe vapune.

Jeremiya 52:13

Se a to hisa Nyumba ya Mkoma, ni nyumba ya mfumeli, ni totshe tinyumba ta Jerusalema, e lumekela totshe tinyumba ta vahombe.

Jeremiya 17:10

Ani Mkoma ni xola mbilu, ni xola mapimo; ni ninga ka mmwani ni mmwani, madingano ni mahanyelo akwe, madingano ni mihando ya mithumo yakwe.

2 Makronika 36:19

Se va to hisa Nyumba ya Txizimu, ve khundumusela maguma a Jerusalema, ve hisa tinyumba takwe totshe ta wukoma, va txi fayetela siya sakwe sotshe sa lisima.

Jeremiya 9:25

Wona, mata masiku, kuwomba Mkoma, aha ni no peka sithiva, ni makhuna:

Zakariya 11:1

Awe Libhanoni tula matimba ako, kasi ku mndilo wu na tshokomisa mikedhari.

Jeremiya 22:7

Ni na kudhanela valovisi, mmweyo ni mmweyo a na va ni matxhari akwe, va na ganga mikedhari yako yo tshura, va txi yi tshotsha mndiloni.

Jeremiya 11:22

Ina, Mkoma wa Mabutho a Tiyimbi, a khene: Ni na va tsayisa; majaha ma na dawa ngu ditxhari; vanana vawe va txiwamna ni va txisikati va na fa ngu nzala.

Jeremiya 6:29

Vatxhokoloteli va futetela ngu mtamo, mthovhu wu hisilwe ngu mndilo; mnyekisi a nyekisile walo, nguko vo biha kha va thaviswa.

Isaya 37:24

Ngu sithumi sako, u sote Mkoma u txi khawe: Ngu sikotxikani sangu sasingi, ni kwelete titshokani ka mimango, madhawani ka Libhanoni; kambe ni na gangela mikedhari yakwe yo lapha, ni mikhure ya kona yo tshura, ni na hoka tshokani ka kona ko guleka ngutu, ka txitinga txa thembwe yakwe yo nona.

Isaya 24:21

Se ku na maheka taku, ka ditshiku dileya, Mkoma a na endela mabutho a txitimwi nzumani, ni vafumeli va mafu, txitimwi ka mafuni.

Isaya 10:12

Ngu kumaha keto, mbimo yile Mkoma a no heta wotshe mthumo wakwe mmangoni ka Siyoni, kona Jerusalema, sekoko ni na tsayisa mihando ya mfumeli wa Asiriya, ngu mhaka ya kutikulisa ka mbilu yakwe, ni kutiguleta masoni kwakwe.

Isaya 10:16

Ngu toneto, Mkoma wa Mabutho a Tiyimbi, a na gomisa vale i ku vo ena hagari kwawe, se hahatshi ka wudhumo wa kona ku na tura, kufana ni kutura ka mndilo.

Jeremiya 11:16

Mkoma a ku thute ditina daku: Muolivha wo nyuka wa mihando yo tshura. Ngu diguwa da hombe da m'dhikila a di hisile ngu mndilo, madhavi a dona ma phatukete.

Jeremiya 17:27

Aniko, ngako mi si ni engisi, kasi ku mi si sawulekisi ditshiku da Sabbata, ni kuva mi si tisi mirwalo ni kuwulela nayo ngu sike sa Jerusalema, ngu ditshiku da Sabbata; sekoko, ni na dhivela mndilo sikenini ka dona, wu hisa tinyumba ta wukoma ta Jerusalema, mndilo wuwa kha wu na mbi timeka.”

Jeremiya 22:1

Mkoma a ti khene: Relela nyumbani ka mfumeli wa ka Judha, u txi ya womba kona mhaka yiya:

Jeremiya 46:23

Va sakatile txitinga, kuwomba Mkoma, atxi txi nga ti si wulelwi ngu m'thu; va engetekelani ku nga humbi, kha va balwi.

Jeremiya 50:32

Awule wa kutikulisa, a na ti guta a txi wa, kha ku na mbi va ni wammweyo wa ku mu wusa; ni na dhivela mndilo ka madhoropa akwe, awu wu no hisetela otshe makhalo akwe.

Sidilo 2:3

Ha kupandisekani ka kuhenya kwakwe, a funyetete mtamo wa va ka Israyeli. A txi tshumetela msana txivhikelo txawe, msana ka valala vawe. A txi tura masoni ka va ka Jakobe nga dituro da mndilo wu wuhisako sotshe.

Mavingu 12:14

Mmweyo ni mmweyo a khura ngu mihando ya mapswi a txisofu txakwe, kambe m'thu a na amukela asi si thumwako ngu manza akwe.

Jeremiya 6:19

Engisa awe mafu! Ni na tisa dikhombo txitimwi ka ditiko diya, i ku muhando wa maalakanyo awe; nguko kha va engisa mapswi angu, va eyisile mlayo wangu.

Ezekhiyele 21:3

Womba ka ditiko da ka Israyeli u txi khawe: Mkoma a khene: Wona taku na kuwukela, ni na swomola ditxhari dangu ngu msavani kwangu, ni fuvisa hagari kwako, vo lulama ni vabihi.

Mika 7:13

Kambe ditiko diya di na hasamulwa, ngu mhaka ya vaaki va dona, ni mhaka ya mihando ya mithumo yawe.