Jeremiya 21:13 - Bhiblia Yo Sawuleka

¹³ Hi nga wona, ni ni txisolo ni nawe wo zumba mkovani, awe dirigwi da libalani, kuwomba Mkoma; ni ni mhaka ni nanu mi ku khanu: I mani a no relela e ta hi wukela kani? I mani a no wulela dizumboni kwathu kani?

Jeremiya 21:13 Referans Kwoze

Ezekhiyele 13:8

Ngu tona eto, Mkoma Txizimu a khene: Ngako mi wombawombako ta manyala ni kuwomba makuhu, ngu toneto, ani na mi wukela, kuwomba Mkoma Txizimu.

Sidilo 4:12

Vafumeli va hawa mafuni, hambi i di vaaki va ona otshe kha va kholwa ti to valala va nga thuka va di wulete sikenini ka Jerusalema.

Mika 3:11

Vathangeli vawe va wila mahungu ngu kuxawa, se vaphaxeli vawe va gondisa ngu kulava txokari, vaprofeti vawe va huta ngu kulava male; kambe va ngadi va txi khigela ka Mkoma, va txi kha vona: Ina kha ngaho Mkoma hagari kwathu kani? Kha hi na mbi telwa ngu to biha ni tatimweto.

Jeremiya 50:31

Wona ti taku ani na kuwukela awe nyakutikulise, kuwomba Mkoma, Txizimu txa Mabutho a Tiyimbi, nguko di hokile ditshiku dako, i ku mbimo yi ni no kuendela ngu yona.

Masalmo 125:2

Kufana ni mimango yi randelako Jerusalema, ngu toneto Mkoma a randete vathu vakwe, konkuwa ni yotshe mbimo.

Jeremiya 49:16

Kasi ngu mhaka ya mathiselo ako, kutikukumukisa ka mbilu yako ku kuxengile. Awe u zumbako mibhalani ka marigwi, u manekako txitimwi ka mimango, hambi u txo guleta txisaka txako nga digama, ni na kukhundumusa koneyo, kuwomba Mkoma.

Jeremiya 21:5

Ani nipune ni na lwa ni nanu ngu dianza di di guletilwe, ngu diwoko da mtamo, ni kuhenya, ni kuswireka, ni txiviti txa hombe.

Isaya 22:1

Mahungu a mkova wa Txiwoniso. Wo va ni txani konkuwa, koza u kwela txitimwi ka tinyumba kani?

Jeremiya 51:25

Ti wone, na kuwukela, awe mmango, mkhunduluseli, kuwomba Mkoma, u khundumusako dotshe ditiko, kambe ni na nawuluta dianza dangu, ni txi kurindilita amu marigwini, se ni na kuhisa ngu mndilo wa hombe.

Jeremiya 7:4

Mi nga thembeni timhaka ta makuhu, mi txi khanu: Dithepele da Mkoma, Dithepele da Mkoma, Dithepele da Mkoma ngu dona diya!

Eksodha 13:8

Ka donedo ditshiku, mmwani ni mmwani a na womba ka mwanakwe a txi khene: Ngu tiya Mkoma a nga hi mahela ngu mbimo yi hi nga huma ditikoni ka Egipta.

Eksodha 13:20

Ngako va di khukhile Sukote, va ka Israyeli va to ya gova Etami hafuhi ni txiwulani.

Ezekhiyele 5:8

ngu mhaka yeto, Mkoma Txizimu a khene: Wonani taku ani, ina, ani nipune, na kusola; ni na kutsayisa ma txi kuwona matiko.

Ezekhiyele 21:3

Womba ka ditiko da ka Israyeli u txi khawe: Mkoma a khene: Wona taku na kuwukela, ni na swomola ditxhari dangu ngu msavani kwangu, ni fuvisa hagari kwako, vo lulama ni vabihi.

Ezekhiyele 34:10

Mkoma Txizimu a khene: Wonani taku na wukela vadyisi, kambe ni na lava tinvuta tangu manzani kwawe; se va na leka kudyisa tinvuta, kambe kha va na mbi ti dyisa vona vapune; ni na txhatxhisa tinvuta tangu mkanani kwawe, kha ti na mbi ngadi ti txi dyiwa ngu vona kambe.

Nahume 2:13

Wona taku ani ni na kuwukela, kuwomba Mkoma wa Mabutho a Tiyimbi: Ni na hisa sikotxikani sako si tuvikisa wutshi, se ditxhari di na xasela singonyamwana sako, kambe ni na honyola so xotwa sako ha mafuni, kha di na mbi ngadi di pfala dipswi da vakombisi vako.

Jeremiya 17:3

O mmango wangu amuwa thembweni. Ni na ningela thundu yako ni tithomba tako kuva ti txi handwa, kumweko ni makhalo ako o guleka, ngu mhaka ya sionho si u nga si maha mu ka ditiko dako dotshe.