Jeremiya 20:9 - Bhiblia Yo Sawuleka

⁹ Sekoko ani ni ti khani: Kha ni na mbi mu alakanya, hambi kuwombawomba ngu ditina dakwe; aniko eto mbiluni kwangu ti to nga mndilo wo tura, na wu di tsivetwe marambuni kwangu; kambe ni rerekile ngu kuxaniseka se kha ni sikoti.

Jeremiya 20:9 Referans Kwoze

Masalmo 39:3

mbilu yangu yi ti tura khanani kwangu! Kuxanisekani kwangu, ku to tura mndilo mndani kwangu; se ni wombile ni txi khani:

Mithumo 4:20

Athu kha hi na kusikota kumalala ni ti hi nga ti wona, ni ti hi nga tiengisa.”

Ezekhiyele 3:14

Sekoko Moya wu to ni gula wu txi ni teka; se ni to tsula ni di henyile ngutu, ku txi tura moya wangu; aniko dianza da Mkoma di ti ti ni mtamo txitimwi kwangu.

Mithumo 17:16

Ngako Paulo a di ngadi a txi va wonelela Atena, moya wakwe wu txi pandiseka ngu kuwona didhoropa di di tate ngu sithombe si si khozelwako.

Jeremiya 6:11

Ngu konaho, ni taletwe ngu kuhenya ka Mkoma. Ni karate ngu ku ti ñola. Tshakunuta kuhenya txitimwi ka vanana amu tinzilani ka hombe, ni txitimwi ka tisengeletano ta majaha, mwamna ni msikati va na ñolwa kumweko, txikosana ni wule a nga talelwa ngu masiku.

Luka 9:62

Aniko Jesu a to mu angula ku khene: “Awu a ñolako digejo, e tshembereka a txi wonetela msana, kha nga ni fanelo ya Mfumo wa Txizimu.”

Mithumo 18:5

Mbimo yi Silasi ni Timoti va nga ta ngu Makedhoniya, Paulo a to ti ningetela kugondisani ka dipswi dwe, e tsanisa masoni ka Vajudha ti to Mesiya ngene Jesu.

Jeremiya 4:19

Mbiluni kwangu, mbiluni kwangu! Ni ni kupandiseka mbiluni kwangu! Mbilu yangu ya bhibhika-bhibhika, kha ni sikoti kumalala; nguko dihika dangu di pfite txiwungulati txa mpundu, ni tihuwa ta tiyimbi.

Jeremiya 23:9

Xungetano ngu vaprofeti, mbilu yangu yi bhandekile; Marambu angu otshe ma dekadeka; no nga m'thu wu a nga leva, mwendo wu a nga leviswa ngu vhinya, ngu mhaka ya Mkoma ni mahungu akwe o sawuleka.

Jeremiya 23:29

Ina mhaka yangu kha yi fani ni mndilo kani? Kuwomba Mkoma! Kha yi fani ni hamela yi bhandako marigwi kani?

Ezekhiyele 3:3

Se a to khene kwangu: Awe mwanana wa m'thu, dyisa mrumbu wako, u tata disusu ngu dibhuku diya do petelwa ni ku ningako. Sekoko ni to didya, di ti ti tshambisa kufana ni wulombe.

Amosi 3:8

Yi bhongile ngonyamo, i mani wu a na kwa mbi thava kani? A wombowombile Mkoma Txizimu, i mani a na kwa mbi profeta kani?

Jona 1:2

Khukha, tsula ka Didhoropa da Hombe da Ninivha, u txi ya di kawuka, nguko wubihi wa dona wukwete, uza wuhoka kwangu.

Jona 1:3

Se Jona a to khukha e tutuma, a txi ya Tarxixi, kule ni khohe ya Mkoma, se mbimo yile a nga relela eya Jope, a to ya mana txitimela txa mati txi nga ti ti ya Tarxixi, sekoko a to xava dithikithi dakwe, e wulela mndani ka txona, kasi ku a txi tsula navo Tarxixi, kule ni khohe ya Mkoma.