Jeremiya 20:6 - Bhiblia Yo Sawuleka

⁶ Na nawe Paxuri, ni votshe va zumbako nyumbani kwako mi na yiswa kuñolwani. Awe u na tsula Bhabhilona, eho u noya fela kona, ni kutshotshwa kona kumweko ni maxaka ako otshe, aawa u nga ma profetela makuhu.”

Jeremiya 20:6 Referans Kwoze

Sidilo 2:14

Vaprofeti vako va ku wonete siwoniso sa manyala ni wuhundwa, kambe va tandekile kunuwela wubihi wako, kasi kuretha wukhumbi wako; aniko va woni tithundu ta walo, ni so dingana ku kutovelisa va txi kuxenga ngu tona.

Ezekhiyele 22:28

Kambe vaprofeti va kona va ti maha dibumba da kwa mbi patelwa, va txi wona kwa mbi nyawula, va txi va gela makuhu va txi kha vona: Mkoma Txizimu a khene; na a sa womba txilo Mkoma.

Jeremiya 20:4

Nguko Mkoma a khene: “Ni na kumaha txidhukiso txako upune, ni txa maxaka ako otshe; vona va na dawa ngu matxhari a valala vawe, awe wutumbu u na ti wona. Ni na ningela dotshe ditiko da Judha manzani ka mfumeli wa Bhabhilona, a na va yisa kuñolwani Bhabhilona, e va daya ngu ditxhari.

Zakariya 13:3

Se ku na maheka taku, ngako wokari a txi ngadi e profeta, tate wakwe ni mwamwakwe va nga m'veleka, va na kha vona: Khu na mbi hanya, nguko u wombawombile makuhu ngu ditina da Mkoma; se tate wakwe ni mwamwakwe, va nga m'veleka, va na thola efa, a txi ngadi e profeta.

Mika 2:11

Ku txo maneka wokari wa zumbelo ya walo, e hemba a txi khene: Ani ni na ku profetela ngu vhinya ni wusuke wa mtamo; eyo a na va mprofeti wa vathu vava.

Jeremiya 29:32

Ngu konaho Mkoma a khene: Ani ni na tsayisa Semaya wa Nehelama ni vanana vakwe; kha na mbi va ni m'thu wo zumba hagari ka vathu vava, kambe kha na mbi wona makatekwa ni no mahela vathu vangu, kuwomba Mkoma, nguko a wombawombile to wukela Mkoma.

Jeremiya 23:32

Ina, na wukela vale va profetako makuhu, kuwomba Mkoma, ngako va txi yi xawutela, ve hambukisa vathu vangu ngu makuhu awe ni kulalata kwawe. Kuve ani kha na va ruma, hambi ku va elela; kha va na txivhuno txa txilo ka vava vathu, kuwomba Mkoma!

Jeremiya 5:31

Vaprofeti va profeta makuhu, hambi vaphaxeli va fumela va txi laywa ngu vona; ngu toneto vathu vangu va ti lavako. Aniko mi na maha txani magwito ka kona kani?

Isaya 9:15

(Didhota ni wamwamna wo thaviseka, ngu vona misungo, se mprofeti wule a gondisako makuhu, mkila.)

Dhewuteronome 28:25

Mkoma a na maha ti to u txi xulwa ngu valala vako, u na huma u txi yalwa ni valala vako ngu nzila yimweyo, kambe u na ya tutuma u txi thava ngu mtxhanu wa tinzila ni timbidi, masoni kwawe! U na va txixamaliso ka mifumo yotshe ya ha mafuni

Levhi 26:17

Ni na mi tshuralela, kambe mi na xulwa ngu valala vanu; avale va mi vengako va na mi khozisa, se anu mi na tutuma mi txi thava, na mi si tutumiswi.

Jeremiya 20:1

Paxuri, mwana Imeri, mphaxeli wu i nga ti mthangeli Nyumbani ka Mkoma, a to pfa Jeremiya, a txi profeta ngu timhaka tiya.

Jeremiya 14:13

Se ani ni ti khani: Ha, Mkoma, Txizimu, vaprofeti va womba kwawe, va txi kha vona: Kha mi na mbi wona ditxhari, hambi kuve ni nzala; aniko a na mi ninga kuthutha ko tsana ka wuwa wukhalo.

Jeremiya 14:16

Vathuvo ku nga profetwa kwawe va na tshotshwa magondoni ka Jerusalema ngu mhaka ya nzala ni ditxhari, kha ku na mbi va ho wo va tshotsha: Vona ni vasikati vawe, ni vanana vawe va txiwamna ni va txisikati; nguko ani ni na tshakunuta wubihi wawe txitimwi kwawe.