Jeremiya 20:2 - Bhiblia Yo Sawuleka

² Se a to peka mprofeti Jeremiya, a txi mkhotela ka wukhalo wu ku txikenini ka txitimwi ka Bhenjamini, amu Nyumbani ka Mkoma.

Jeremiya 20:2 Referans Kwoze

Jeremiya 37:13

Ku ti ngako a txi nge hoka txikenini ka Bhenjamini, mthangeli wa vawoneleli a ti ti kona kheyo, ditina dakwe i Irija, mwana Xelemiya, mwana Hananiya, awu a nga ñola mprofeti Jeremiya, a txi khene: Awe, u lava ku ti ningela ka Vakaldheya!

Zakariya 14:10

Dotshe ditiko di na maha libala, kukhukhela Gebha kala Rimoni, ngu wulambwe ka Jerusalema; ene a na guletwa, ni kuaketwa wukhaloni kwakwe, kukhukhela ka txike txa Bhenjamini, kala ka wukhalo wa txike txo khata, kala ka txike txa Dikhonani, ni kukhukhela ka txitezi txa Hananeli, kala ka mapipa a mfumeli.

Jeremiya 1:19

Va na lwa ni nawe, aniko kha va na mbi kuxula; nguko ani ni kumweko ni nawe, kasi ku kuhulukisa, kuwomba Mkoma.”

2 Makronika 16:10

Se Asa a to kwatela m'huti e mu rinza ka txigodho. Ati ti henyile ngutu ngu mhaka eyo. A to xanisa vathu vamwani ka mbimo yoneyo.

Jeremiya 36:26

Se mfumeli a to laya tito, Bharuke, m'bhali, ni mprofeti Jeremiya va txi ñolwa ngu Jerameyeli, mwanana wa mfumeli, ni Seraya, mwana Aziriyeli, ni Xelemiya mwana Abdheeli, aniko Mkoma a to va sisa.

Jeremiya 29:26

Mkoma a ku emisile ku va mphaxeli ka wukhalo wa Jehoyadha, mphaxeli, kasi kumaneka vathangeli Nyumbani ka Mkoma, ti taku, u txi sunga ngu makhodha ni tingoti, ava va xangako, va txi ti maha vaprofeti.

2 Makronika 24:21

Va to sunga txikungo txo m'daya, ve m'balisela ngu marigwi, ka mtendela wa Nyumba ya Mkoma, madingano ni kuruma ka mfumeli.

1 Vafumeli 22:27

se mi na khanu: Mfumeli a khene: Wuletani wamwamna wuwa mkorani, mi txi mninga sakudya so mbi tshamba, ni mati o bava, kala kuza ni txi wuya ngu kuthutha.

Mtuletelo 17:6

Se ni to wona ti to wamsikati a ti levile ngu mnoha wa vasawuleki ni mnoha wa tifakazi ta Jesu. Ngako ni txi mu wona ni to tala ngu kuxamala ngutu.

Mtuletelo 2:10

U nga telwe ngu dizowa ka tile ti no kuninga kupandiseka. Sathani a na beta mkorani vamwani kwanu, kasi ku mi duka. Mi na heta digumi da masiku na mi txi xaniseka. Zumba u di thembekile kala kufani, se ani ni na kuninga m'bhoti wa wutomi.

Mithumo 7:52

Ngu wuhi mprofeti wu vatate vanu va nga mbi mxanisa kani? Va date ni vava kukhatani va nga zivisa kuta ka Mlulami, awu anu konkuwa mi nga mningela ni ku m'daya;

Mithumo 5:40

Ti di mahile eto, va to dhana vapostoli, ve rumela ku va na kwapelwe ngu timhika. Se va di va gelisisile ta tinene, ti to va si ngadi ve txhumayela ngu ditina da Jesu, va to va leka ve tsula.

Mithumo 5:18

ve ñola vapostoli ve va khotela mkorani ka didhoropa dile.

Mithumo 4:3

Se va to va ñola ve va khotela mkorani kala mangwanani ka kona, nguko se di ti swite.

Matewu 21:35

Aniko vadimi va to ñola sithumi, ve peka mmweyo, ve daya mmwani, se wa wuraru ve mu balisela ngu marigwi.

Jeremiya 26:8

Ngako Jeremiya a di gwitile kutxhumayela, totshe ti a nga rumwa ngu Mkoma kuzivisa votshe vathu, vaphaxeli ni vaprofeti ni votshe vathu, va to kha vona: Ngu ditshuri, u na kufa!

Jobe 13:27

Kambe wa veka mikondo yangu sitshani, u ni riyela kotshe tinzilani kwangu, u veka sivango sa mikondo yangu,

2 Makronika 18:23

Sekoko Zedhekiya, mwana Kenahana, a to tshuketa hafuhi ka Mikaya, e mthola mbaza, a txi khene: Moya wa Mkoma wu tsimbilisile kutxani wu pinda kwangu wuta womba-womba kwako kani?

Jobe 33:11

Txa beta mikondo yangu amu ka makhodha, kambe txa londisela tinzila tangu.

1 Vafumeli 13:4

Ku to maheka ti to mbimo yi mfumeli a ngapfa dipswi da m'thu wa Txizimu a nga ti ruketela txiluvelo txa Bheteli, Jerobhowamu a to nawuluta diwoko txitimwi ka txiluvelo, a txi khene: Mñoleni! Aniko diwoko di di nga nawulutwa kwakwe di to oma, asi dikoti ku di wuyisa kwakwe.

Jeremiya 26:10

Se tinduna ta ka Judha, ngako ti di pfite eto, ti to kwela ngu nyumbani ka mfumeli ti txi ya Nyumbani ka Mkoma ti txi ya khalahatsha ngu ha txikeni ka kuphya ka Mkoma.

Jeremiya 37:21

Sekoko mfumeli Zedhekiya, a to va ruma ti to Jeremiya a txi vekwa dizumboni ka vawoneleli; e ningwa dipawu dimwedo ditshiku ni ditshiku ka digondo da vabhiki va mapawu, ma txi za otshe mapawu me guma didhoropani. Na Jeremiya a ti dizumboni ka vawoneleli.