Jeremiya 20:12 - Bhiblia Yo Sawuleka

¹² Aniko, Mkoma wa Mabutho a Tiyimbi, awe u xolako va vo lulama; awe u wonako mapimo awe ni timbilu. Ni na wona ngako u txi ni pharelela ka vona, nguko ni kuzivisile mhaka yangu.

Jeremiya 20:12 Referans Kwoze

Jeremiya 11:20

Aniko Mkoma wa Mabutho a Tiyimbi mulamuli wo lulama, awu a xolako titsho ni timbilu. Ni na wona ngako u txi ni tshunda kupharela kwawe, nguko ni kuzivisile mhaka yangu.

Masalmo 62:8

Votshe va na themba txona Txizimu yotshe mbimo va txi txi dhumisa ngu yotshe mbilu! Txizimu mbuthavelo wathu!

Masalmo 54:7

nguko u ni hulukisisile kuxanisekani kwangu; se maso angu ma wonile kuxulwa ka valala vangu.

Jeremiya 17:10

Ani Mkoma ni xola mbilu, ni xola mapimo; ni ninga ka mmwani ni mmwani, madingano ni mahanyelo akwe, madingano ni mihando ya mithumo yakwe.

Masalmo 59:10

Txizimu, txi txi ni randako, txi nata kwangu, txi txi ni ninga kuwona kuxulwa ka valala vangu.

Masalmo 139:23

Ni xolisise, Txizimu, kasi kuziva mbilu yangu; ni duke kasi kuziva mi alakanyo yangu.

Masalmo 7:9

Fuvisa wubihi wa vabihi tsanisa avale i ku vavanene, awe u wonisisako timbilu ni mialakanyo, awe u ku Txizimu txa kululama.

Jeremiya 17:18

Nga va txi goo tingana va va ni xanisako, aniko ani nga ni si wiswi tingana; nga va txi dhudhumela, aniko ani nga ni si dhuki ni dhudhumela. Va tisele ditshiku da dikhombo, u txi va hasamulela kumbidi.

Isaya 37:14

Mbimo yile koko Ezekhiya a nga amukela mapapilo, ngu manzani ka mitumi, e ma gonda, a to kwelela eya Nyumbani ka Mkoma; se Ezekhiya a to ya ateta mapapilo masoni ka Mkoma.

Masalmo 17:3

U xote mbilu yangu; u ni endete ni wusiku; u ni xolisisile, aniko khwa mana to biha; ni to pimisa ku khani, txisofu txangu kha txi na mbi tsulupeta.

Masalmo 11:5

Mkoma wa duka m'thu wo lulama ni wa kubiha, ene wa nyenya avale va dhundako wurena.

Mtuletelo 18:20

Tsakani ngu mhaka ya dona didhoropa diya: “Awe nzuma ni nanu vasawuleki, vapostoli ni vaprofeti, nguko Txizimu, ngu ku di lamulisa tiya, txi mi lamulete.”

Mtuletelo 6:10

Se vona va to kwangula ngu dipswi da hombe va txi kha vona: “Hi na kurinzela kala ditshiku muni, Mkoma wo sawuleka ni wa ditshuri, awe u telako ku ta lamula, ni kupharela mnoha wathu ka vaaki va ha ditikoni, kani?”

Mtuletelo 2:23

Ni na daya vanana vakwe, kasiku otshe Mabanza me tiziva ti to ngani ni zivako makungo a titsho ni a mbilu, ni ti to mmweyo ni mmweyo wanu ni na mu tshumetela madingano ni mithumo yakwe.

1 Pedro 4:19

Ngu toneto, avale va xanisekako ngu kulava kulondeta kuranda ka Txizimu, va na ningele mihefemulo yawe ka M'vangi wo thembeka, ngu kumaha mithumo ya yinene.

1 Pedro 2:23

Ene, mbimo yi va nga ti mruketela, kha ruketela nene. Mbimo yi va nga ti m'xanisa, kha va henyela, aniko a to ti ningela ka wule a lamulako ngu kululama.

Jeremiya 12:8

Thomba yangu yi ni wukela ku nga ngonyamo amu txitingani; yi ni bongela, ngukonaho, ni swirekile ngu yona.

Isaya 38:14

Ku nga mbeluvelu ni nyawukolwe, ni ti ti foma, ni keta kufana ni mmbaha wa txituvani, ni ti ti gula maso txitimwi; awe Mkoma, ni maneka kupandisekani! Ni lamulele.

Masalmo 86:4

Mkoma, tsakisa moya wa txithumi txako, nguko mkombelo wangu ni wu tisa kwako.

2 Makronika 24:22

Mfumeli Jowasi kha khumbula wunene awule mphaxeli Joyadha, tate wa Zakariya a nga mmahela wona. A to m'dayela mwanana wakwe, awule mbimo yile a nga ti lava kufa a nga khene: Mkoma, wona a ti va ti mahako, wu va tshumetela!

1 Samuwele 1:15

Aniko Ana a to xamula, a txi khene: Ahim-him nyamne wangu, ani ni wamsikati wo xaniseka moyani; kha na sela vhinya hambi sopa; kambe no tshakunuta dihika dangu masoni ka Mkoma.

Masalmo 58:10

Mlulami a na tsaka, ngako a txi wona kuphotelwa a na samba mikondo yakwe ngu mnoha wa vabihi!