Jeremiya 20:10 - Bhiblia Yo Sawuleka

¹⁰ Nguko ni pfite kungungurukela ka vavangi: Kuho kuthava ka otshe madhawa! “Wombani, hi na mmangala!” Votshe vale va ku ni kuthutha ni nani, va verela kuwa kwangu, va txi kha vona: “Mwendo a nga tumela kukujetelwa, sekoko hi na mxuthula, kuva hi pharela kwakwe.”

Jeremiya 20:10 Referans Kwoze

Masalmo 41:9

Hambi mndoni wangu, awu ni nga ti m'themba, awu ni nga ti dya nayo mbiyani kumweko, se konkuwa a ni wukete a txi ni ganyata ngu txizenende txakwe.

Masalmo 31:13

Ni engisile va txi womba-womba kubiha ngu ngani; ni taletwe ngu dizowa, nguko valala vangu va ni rambete txikungo, va lava ku ni daya.

Isaya 29:21

avale va ningisako mnandu m'thu ka mhaka yokari, avale va riyako mlawu ka wule a kawukako ha txikeni, ni vale va vekako walo didhawa wule wo lulama.

Jeremiya 18:18

Sekoko va to kha vona: “Ngonani hi ta maha txikungo txo wukela Jeremiya; nguko vaphaxeli kha va na mbi tandeka ku hi ninga m'layo, hambi txhari ku hi ninga wusungukati, hambi vaprofeti ku hi ninga dipswi. Ngonani hi na ya muhika ngu tidimi tathu, hi si khataleli timhaka takwe.”

Mithumo 24:13

Ni kadotho kha va na kusikota kukomba ditshuri da mhaka yi va ni wukelako ngu yona konkuwa.

Ezekhiyele 22:9

Hagari kwako ku ni vavamna va sipoyilo, kasi kutheketa mnoha; kambe va dyete txitimwi ka mimango yako, ni kumahetela wukanganyisi hagari kwako.

Jeremiya 6:25

Mi nga yeni thembweni hambi kutsimbila tinzilani; nguko ditxhari da mlala diho konemo da dhukisela ka otshe madhawa.

Mavingu 10:18

Awule a sisako livengo wa hemba ngu txisofu, ni wule a lumbetako njiphukuphuku.

Luka 20:20

Se va to baramela Jesu, ve rumela sinyengwani, si nga txi ti maha vathu vo lulama, kasiku mkhakheta ka dipswi dokari, ti to va na mningela ka wulamuli, ni ka mtamo wa mfumeli.

Jobe 19:19

Votshe va va zivako txihunja txangu va ni nyenya, ni vale ni nga ti ti va randa, va ni wukela.

1 Vafumeli 21:20

Se Akabe a to khene ka Elija: Se u ni mani awe mlala wangu kani? Se Elija a to khene: Ni ku mani; nguko se u ti xavisile, ngu kumaha to biha masoni ka Mkoma.

1 Vafumeli 19:2

Sekoko Jezabheli a to ruma mtumi ka Elija, kuya khene: Si na ni tsayise ngutu sizimu ngako kala ka mbimo yo nga yona yiya, ni si ku dayi nga ti u nga va dayisa tona.

Mithumo 7:54

Ku ti ngako va di pfite timhaketo ta Sitefani, va to henya ngutu timbiluni kwawe, se ve gegeresela makwasa, ngu txiviti nayo.

Mithumo 5:33

Ngako va dibanza va txi engisa mapswi awa, va to henya ngutu, se ve langana makungo a ku va daya.

Masalmo 57:4

Moya wangu wu randetwe ngu tingonyamo, ti ti dyako vathu; makwasa a tona ma fana ni siholoma ni miseve se lidimi la tona li fana ni matxhari o lotwa.

1 Vafumeli 22:27

se mi na khanu: Mfumeli a khene: Wuletani wamwamna wuwa mkorani, mi txi mninga sakudya so mbi tshamba, ni mati o bava, kala kuza ni txi wuya ngu kuthutha.

1 Vafumeli 22:8

Sekoko Akabe i ku mfumeli wa Israyeli a to khene ka Josafati: A nga diho wamwamna waku a nga hi wotisela ka Mkoma; aniko ani na mnyenya nguko kha zivi ku nga profeta ta tinene ngu ngani, ndo biha dwe; i Mikaya, mwana Inila. A to khene kha Josafati: U nga wombise eto awe mfumeli.

Jeremiya 11:19

Ani ni fana ni hambana yo thutha yi yiswako kudawani; ni si ti zivi taku va ti ti ni txikungo txo ni wukela, txaku: A hi dikheni mndonga ni muhando wa wona, hi txi wudula ditikoni ka va va hanyako, kasi ditina dakwe di siswi di alakanywa.

Jeremiya 11:21

Ngu konaho, Mkoma a womba tiya ngu vathu va Anatote, ava va lavako ku kudaya, va txi kha vona: U nga profete ditinani ka Mkoma, kasi u si feli manzani kwathu!

Jeremiya 20:3

Mangwanani ka kona Paxuri a to humisa Jeremiya ngu ku khotelwani. Sekoko Jeremiya a to khene kwakwe: Mkoma kha kudhani ditina do khene ngawe Paxuri, aniko ngawe “Magori-Misabhibhi.”

Jeremiya 37:13

Ku ti ngako a txi nge hoka txikenini ka Bhenjamini, mthangeli wa vawoneleli a ti ti kona kheyo, ditina dakwe i Irija, mwana Xelemiya, mwana Hananiya, awu a nga ñola mprofeti Jeremiya, a txi khene: Awe, u lava ku ti ningela ka Vakaldheya!

Dhaniyeli 6:4

Sekoko vathangeli ni vafumeli, va to lava nzila yo wukela Dhaniyeli ngu mhaka ya mfumo; kambe kha va mana nzila hambi mnandu ni wawumwewo; nguko ene a ti thembekile, aniko kwakwe kha kwa maneka wubihi mwendo mnandu.

Masalmo 31:14

Aniko themba yangu yi kwako, Mkoma; se ani ni huwelela ti to awe u Txizimu txangu!

Masalmo 41:10

Kambe awe, Mkoma, ni divalele; u txi ni ninga kuhanya, kasi ni mana mtamo wa kupharela.

Jeremiya 1:19

Va na lwa ni nawe, aniko kha va na mbi kuxula; nguko ani ni kumweko ni nawe, kasi ku kuhulukisa, kuwomba Mkoma.”