Jeremiya 2:37 - Bhiblia Yo Sawuleka

³⁷ Kambe u na huma u di sanzekile mawoko ako ha msungo; nguko Mkoma a lambile va u va thembako, khu na mbi humelela ngu vona.

Jeremiya 2:37 Referans Kwoze

2 Samuwele 13:19

Sekoko Tamara a to ti theletela dikhuma ha msungo, e vharulela txyambalo txa mixowo yayingi txile a nga ti ambate, se rwala mawoko ha msungo, e tsula a txi pekeletela tihuwa.

Jeremiya 17:5

Mkoma a khene: “A ruketetwe m'thu wu a thembako m'thu, a thembako mtamo wa diwoko dakwe, na mbilu yakwe yi di hambanile ni Mkoma.

Jeremiya 32:5

a na yisa Zedhekiya aniya Bhabhilona, a na ya zumba kona kala ni txi mu endela, kuwomba Mkoma. Ngako mi txilwa ni Vakaldheya ina kha mi na mbi humelela kani)?

Jeremiya 2:36

Ngu kutxani u kuluvetako kujika, u txitxa nzila yako kani? U engeta u xowokiswa ngu Egipta, ngako u nga wiswa tingana ngu Asiriya.

Isaya 10:4

Mi na sikota kunama hagari ka vale va nga ñolwa, mwendo kuwa hagari ka sirumbi sile si nga dawa kani? Hambi keto txiviti txakwe kha txa guma, aniko dianza dakwe di ngadi nawulutilwe.

2 Makronika 13:12

Wonani Txizimu txi ni nathu masoni kwathu, vaphaxeli va txona va veta mipundu kasi ku mi hangalasa; vanana va ka Israyeli mi nga lweni ni Mkoma Txizimu txa va tate vanu, nguko kha mi na mbi mu xula.

Mitengo 14:41

Aniko Mosi a to khene: “Ngu kutxani mi funya Mlayo wa Mkoma kani? Lambi, kha mi na mbi humelela!

Jeremiya 14:3

Vahombe vawe va rumile vavadotho kuya lava mati. Va txita sisimani kha va mani mati, va tshumela ni tifuko tawe ta maphanga. Vapfa tingana va txi goo! Na va txi fenengeta misungo yawe.

Jeremiya 14:4

Vadimi va wiswa tingana, ve fenengeta misungo yawe. Nguko mafu ma bhandekile, ngu mhaka ya kupwateka ka mati ha mafuni.

Jeremiya 22:30

Mkoma a khene: “Dhanani ditina da m'thu wuwa ti taku kha nga ni vanana, kha na mbi mana kuhumelela kuhanyani kwakwe, nguko kha ku na mbi humelela ni mmweyo wa vanana vakwe, ti taku e ningwa kuzumba txikhaloni ka mfumo wa Dhavhidha, e fumela Judha.”

2 Samuwele 11:12

Sekoko Dhavhidha a to khene ka Uriya: Zumba kheno kambe nyamsi, se mangwana na kuleka u tsula. Uriya koko, a to zumba Jerusalema ditshiku dile ni mangwana ka kona.

Isaya 28:18

Se txitumelelano txanu ni lifo, txi na guma; ni txitumelelano txanu ni wukhalo wa vafi, kha txi na mbi timisela. Mbimo yile ndambi ya txitsayiso yi no pinda, sekoko mi na fumwa ngu Mkoma.

Jeremiya 22:20

Kwelela Libhanoni, u kwangula, guleta dipswi dako na u di Bhasani! Kwangula u di txitimwi ka mimango ya Abharime, nguko votshe va vo randeka kwako va lovisilwe.

Sidilo 4:17

Maso athu, ma ti guma mtamo, hi txi verela kuvhunwa, hi si mani m'vhuni. Hi ti wonisela vathu hi txi tandeka ku va hulukisa.