Jeremiya 2:36 - Bhiblia Yo Sawuleka

³⁶ Ngu kutxani u kuluvetako kujika, u txitxa nzila yako kani? U engeta u xowokiswa ngu Egipta, ngako u nga wiswa tingana ngu Asiriya.

Jeremiya 2:36 Referans Kwoze

Jeremiya 31:22

U na peperukela kala yihi mbimo mwananawe, wo bharuka kani? Nguko Mkoma a vangile tximaha txa txiphya ha mafuni: Wamsikati a na vhikela wamwamna.

Hoseya 5:13

Ngako Efrayime a di woni malwati akwe ni Judha txilonda txakwe, Efrayime a to kweletela eya Asiriya, se e rumela mtumi ka mfumeli Jerebhi; Kambe ene kha na mbi sikota ku mi kalamukisa ni kuholisa silonda sanu.

Hoseya 12:1

Efrayime a ti dyisa ngu moya, kambe a londeta moya wa wutxani: Ditshiku dotshe a andisa makuhu ni kuhoxota, a maha txitumelelano ni Asiriya, se mtona wa kona wu yiswa Egipta.

Jeremiya 2:23

U nga wombisa kutxani ku khawe, kha na nyenyeziswa, kha na londisela Bhahali kani? Hi nga wona nzila yako mreleloni, alakanya ti u nga maha; awe u dikameli da mazambo di tutumelako hale ni hale.

2 Makronika 28:16

Ka yoneyo mbimo, mfumeli Akazi, a to rumela txikombelo ka vafumeli va Asiriya, kasi kuvata m'vhuna.

Hoseya 14:3

Asiriya kha na mbi hi hulukisa, kha hi na mbi tsula hi di gadhile mahantxhi, ka mithumo ya manza athu, kha hi na mbi womba kambe ku khathu: Awe u Txizimu txathu; nguko ngu ngawe, awule wo felwa ngu vaveleki, a na mahelwa wumbilu.

Hoseya 10:6

Nene Asiriya a na tekwa ku nga txiningo ka mfumeli Jerebhi; Efrayime a na vhilinganyeka, se Israyeli a nawa tingana ngu mhaka ya milayo yakwe apune.

Hoseya 7:11

Nguko Efrayime a fana ni txituvani txo divala, txa kwa mbi na mapimo; va dhana Vaegipta, veya Asiriya.

Ezekhiyele 29:7

Mbimo yile va nga kuñola ngu dianza, u ti funyile u txi va dayisela otshe makata.

Sidilo 5:6

Athu hi ti ningete ka Vaegipta ni Vasiriya, kasi kuva txi hi vhuna ngu sakudya so enela.

Sidilo 4:17

Maso athu, ma ti guma mtamo, hi txi verela kuvhunwa, hi si mani m'vhuni. Hi ti wonisela vathu hi txi tandeka ku va hulukisa.

Jeremiya 37:7

Mkoma, Txizimu txa Israyeli, a khene: Gelani mfumeli wa ka Judha awu a nga mi ruma kwangu ku ta ni wotisa, mi txi khanu: Wona taku dibutho da Faro adi di nga tela ku ta mi vhuna, di na tshumelela Egipta ditikoni ka dona.

Jeremiya 2:33

Eto u tshurisisako tona ma lavelo ako a lirando! Uza u gondisa ni vavasikati va wubhemba tinzila tako.

Jeremiya 2:18

U tsimbilela txani ngu nzila ya Egipta, kuya sela mati a Nilo kani? U tsimbilela txani ngu nzila ya Asiriya kuya sela mati a mnambo kani?

Isaya 20:5

Se va na xamala, veva ni tingana, ngu mhaka ya Vaetiyopiya, ava va va thembako, ni Vaegipta va va ti dhumisako ngu vona.

Jeremiya 46:12

Matiko ma pfite kuwombwa ngu tingana tako, ni mafu ma tate ngu huwa yako, nguko ndena yi humbilwe ngu yimwani, ti tshumela ti txi wa totshe.

Ezekhiyele 16:28

Kambe u mahile wugelegele ni vanana va majaha a Asiriya, nguko u ti si khuri; hambiko u nga maha navo wugelegele khwa kolwa;

Jeremiya 22:20

Kwelela Libhanoni, u kwangula, guleta dipswi dako na u di Bhasani! Kwangula u di txitimwi ka mimango ya Abharime, nguko votshe va vo randeka kwako va lovisilwe.

Jeremiya 22:22

Vadyisi vako va na huhiswa ngu moya, ni va vo randeka kwako va yiswa wukhumbini; sekoko u na koyo tingana, u dhungeka msungo ngu mhaka ya wubihi wako.